San Mateo 5:37 - Tüpä Ñe'ëngagwer

³⁷ Sese ni'ä peñe'ëse ñepëi reseve, ‘avɨye peyera’ anise ‘ani peye aveira’. Akoi oyepepɨ va'e ko sui, a'e mba'e tëiete sekoi.”

Tũpa Ñehengagüer

³⁷ Sese niha peñehese, ñepei reseve, ‘Avɨye’ peyera; anise, ‘Aní’ peye voira. Esepia, aipo ndehi vahe mbahe tẽi” ehi.

San Mateo 5:37 Iomraidhean Croise

San Mateo 13:19

Osendu va'e Tüpä ñe'ëngagwer imborerekwasa resendar ipare rumo ndosendukwai yuvɨreko, a'e inungar mba'e rä'ɨi ovɨapi va'e perɨ rupi; ipare karugwar ou chupe vɨrokwa Tüpä ñe'ëngagwer ipɨ'a pɨpe sui.

San Mateo 13:38

iyavei mba'e mitɨ̇ rupa a'e ava ko ɨvɨ pɨpendar. Mba'e rä'ɨi avɨye va'e, a'e ava Tüpä povrɨ pendar, iyavei ka'a naporäi va'e, a'e ava karugwar suindar yuvɨrekoi va'e,

San Mateo 15:19

Esepia ava avɨter sui osë pɨ'a ñemoñeta raisa, porapichisa, mendasa sui yemboagwasasa, nomendai va'e yemboagwasa tëisa, mondasa, temirä iyavei ava rese ñemoñeta tëisa.

San Mateo 5:36

Avɨye ndapeyei chira peakä rer pɨpe, esepia ndapeikatui chira ñepëi pe'a momorochi agwä imou agwä avei.

San Mateo 6:13

Ore mboangaipa ukai rene eve, eipe'a mba'e naporäi va'e ore sui.’

San Juan 17:15

Ndaporandui rumo ndeu erenose va'erä ko ɨvɨ pɨpe sui, che aipota eresäröra opakatu mba'e-mba'e tëi sui.

San Juan 8:44

Peyesupa a'e karugwar tëiete; inungar tuprɨ avei peiko, peyapo mba'e semimbotar tëi avei. Esepia karugwar oporoyuka va'e yɨpɨsuive ite oiko. Ndasekoi va'e mba'e supi tuprɨ va'e pɨpe, noñe'ëi avei mba'e supiete va'e rese. Omombe'use temirä, oñe'ë inungar supiete va'e; esepia semiräñeteai va'e ite iyavei a'e ni'ä temirä yesupa tëi sekoi yepi.

Efesios 4:25

Sese ndaperemirä iri chira, iya rumo peñe'ë ñepëi-pëi mba'e supi tuprɨ va'e rese peyeupe, esepia ni'ä yande opakatu ñepëi ava rete resendar nungar yaiko.

Efesios 6:16

Iyavei pereko katu Tüpä rese pe yeroyasa peyese, a'e inungar sundao yoepɨsa, ipɨpe peyoepɨra karugwar u'u tata resendar nungar pe ätoisa sui.

Colosenses 3:9

Ndaperemiräi chira peyese, esepia pepoi yɨpɨndar pe rekoai sui pe rembiapoai sui avei,

Colosenses 4:6

Pe reko avɨye tuprɨsa pɨpe peñe'ëra yepi, iyavei peikwa tuprɨra ñe'ësa mboyevɨ agwä ñepëi-pëi ava upe.

2 Tesalonicenses 3:3

Yande Yar rumo seko ɨ̇vi va'e, a'e pe rekokwer movɨräkwära iyavei peräröra mba'e tëi sui.

Santiago 5:12

Che rɨvrɨ eta, peyapɨsaka tuprɨ katu ko che ñe'ë rese: peñe'ë agwä ndapeiporui chietera ɨva rer iyavei ambuae mba'e peñe'ë reroya uka agwä. Iyakatu rumo, “Supiete” peyese supiño itera; “Ani” peyese, ani chietera, ipɨpe sui ndapeipɨsɨi chira Tüpä poronupasa.

1 San Juan 2:13

Ko aikwachia peü, iyesupa eta peiko va'e, esepia peikwa yɨpɨsuive ite oikove va'e, aikwachia avei peü mbɨa chi'ïvä'e, esepia pesekopɨ ite karugwar.

1 San Juan 3:12

Ndayaikoi chira Caín nungar, a'e karugwar remimbo'e oyuka vɨvrɨ. ¿Ma'erä pi'ä oyuka? Esepia tɨvrɨ oyapo mba'e avɨye va'e, Caín rumo oyapo mba'e naporäi va'e.

1 San Juan 5:18

Yaikwa ni'ä vɨreko va'e Tüpä opɨ'a pɨpe, a'e ndoyapo iri angaipa, esepia Tüpä Ta'ɨrɨ osärö evokoi nungar, ichui karugwar ndopokoi ete sese.