San Mateo 5:32 - Tüpä Ñe'ëngagwer

³² Che rumo aipo a'e peü akoi ñepëi ava opoi va'e gwembireko sui, akoi yuvɨrekorai tëi va'e oyese, omondora yemboagwasasa mba'e tëi pɨpe. Akoi omendase ñepëi omenda va'ekwer rese, a'e oyemboangaipa gwasu oiko.”

Tũpa Ñehengagüer

³² Che rumo aipo ahe pẽu: ava opoise güembireco sui, cuña ndoyavɨise mbahe, ahese ombopɨhañemoñeta tiẽtera güembireco mboaguasa uca ãgua. Iyavei cuimbahe omendase cuña omenda vahecuer rese, oyemboaguasa tẽi avei sese” ehi.

San Mateo 5:32 Iomraidhean Croise

San Mateo 5:28

Che rumo aipo a'e peü akoi ava oma'ese kuña rese ipotasa pɨpe, a'e inungar oyapo va'e ite mba'e sese opɨ'a pɨpe.

San Lucas 16:18

“Akoi ñepëi kuimba'e opoise gwembireko sui omendase ambuae rese, a'e oyemboagwasa tëi va'e; omenda iri va'e omenda va'ekwer rese tëi, a'e oyemboagwasa tëi va'e avei.”

San Lucas 9:30

a'ese oyemboyekwa ñuvɨrïo mbɨa oñemoñeta yuvɨno'ä sese. A'e Moisés iyavei Elías.

San Lucas 9:35

A'ese ɨva kɨ'a sui oyeendu ñepëi ñe'ësa aipo e'i va'e: “Ko che Ra'ɨrɨ, che Rembiporavo ite: peyapɨsaka katu iñe'ë rese.”

Romanos 7:3

Akoi kuña omer rekove vɨteseve, vɨrekose ambuae kuimba'e, oyemboagwasa tëi evokoiyase; akoi omanose rumo imer ichui, ndaseko iri ipovrɨve, a'e iyakatu ite omenda yupagwe iri a'ese nda'ei yagwasa tëi.

1 Corintios 7:4

Esepia kuña omenda va'e gwetekwer nda'e iri oyeupe narä vɨreko, omer upe narä ite rumo. Iyavei kuimba'e omenda va'e, nda'ei avei gwetekwer oyeupe narä vɨreko, a'e rumo gwembireko upe narä ite vɨreko.