San Mateo 5:30 - Tüpä Ñe'ëngagwer

³⁰ Iyavei inungar pe po pe akato kotɨndar pe mboangaipa ukase, iya peyasɨa imombo amombrɨ peyesui; avɨye katura ñepëi pe mokañɨrä pe retekwer sui, ani pe mondo uka opakatu pe rekokwer tata gwasusave.”

Tũpa Ñehengagüer

³⁰ Iyavei inungar que pe po pe acato cotɨndar pe mboangaipa ucase, iya peyasɨa ité imombo amombrɨ peyesui. Aní pe mondo uca opacatu pe recocuer tata guasuve” ehi.

San Mateo 5:30 Iomraidhean Croise

San Mateo 11:6

¡Ovɨ'aretera akoi ava oyeroyaño va'e che rese!”

San Mateo 13:21

esepia inungar ko ndovɨrekoi ete gwapo, ovɨräkwä agwä; egwë e'i avei evokoi nungar ava oimese mba'e-mba'e tëi Tüpä ñe'ëngagwer rese chupe, kurïtëimi seroya e'ɨ̇save oyepepɨ ichui.

San Mateo 16:23

Jesús oyemboyere sese aipo e'i Pedro upe: –¡Esɨrɨ che sui, Karugwar, nde che reitɨ pota eve mba'e tëi pɨpe! Nderesepiai mba'e avɨye va'e inungar Tüpä osepia va'e, ava osepia va'e nungar tëi nde eresepia.

San Mateo 17:27

Evokoiyase gwarepochi rerokwasar moñemoɨrö e'ɨ̇ agwä rumo, eresora ɨpa pɨpe, erepirapoira yɨpɨndar pira erenose va'e. A'e iyuru pɨpe ereyosɨra ñepëi gwarepochi, a'e ipɨpe osupitɨra imboepɨpa agwä cheu iyavei ndeu; eraso chupe emboepɨpa.

San Mateo 18:8

Egwë e'ise, ndepo, anise ndepɨ avei nde mboangaipa ukase, eyasɨapa, emombo amombrɨ ndeyesui; avɨye katu ereikera tekove apɨre'ɨ̇save ñepëi ndepo, anise ñepëi ndepɨ rese, iyavei anichira ñuvɨrïo ndepo ñuvɨrïo ndepɨ rese, esepia ereikera tata gwasu apɨre'ɨ̇save.

San Mateo 22:13

Evokoiyase mborerekwar ɨvate katu va'e aipo e'i i'añeko va'e karusa renda rese: ‘Peipɨsɨ ko mbɨa peñapɨ̇chi ipɨ iyavei ipo penose okarve pɨ̇tümimbisave. A'eve oyase'ora säitere-tere tëira mba'erasɨkwer rereko.’

San Mateo 25:20

Yɨpɨndar oyepota oso oipɨsɨ va'e cinco mil gwarepochi ranegätu, a'e omondo gwerekwar upe ambuae cinco mil tuprɨ, aipo e'i chupe: ‘Ore rerekwar, nde akoi erembou va'e cinco mil cheu, ichui ko ambuae cinco mil areko ndeu narä che poravɨkɨ reprɨ.’

San Mateo 26:31

A'ese Jesús aipo e'i: –Opakatu pemokañɨrä che rese yeroyasa peyesui ko pɨ̇tü pɨpe. Esepia aipo e'i Ikwachiaprɨ pɨpe: ‘Ayukara ovesa rärösar, a'ese oñemosaï tëira ovesa opakatu rupi yuvɨreko.’

San Mateo 5:22

Che rumo aipo a'e peü akoi ava oyeɨvrɨ rese oñemoɨrö va'e yuvɨreko, oso aveira tekoasɨsave. Akoi vɨroɨrö va'e vɨvrɨ, a'e serasosara Mborandusa ɨvate katu va'e save; akoi iñe'ë marä gwasu katu va'e oyeɨvrɨ upe, a'e iyakatu imondosa itera tata ndopai va'e save.”

San Mateo 5:29

Iyavei, inungar pe resa pe akato kotɨndar pe mboangaipa tëi, enose nde yesui emombo amombrɨ; avɨye katu ite ñepëi pe mokañɨrä pe retekwer sui, anichira pe mondo uka opakatu pe rekokwer tata gwasusave.

San Marcos 9:43

Sese pepo pe mboangaipa uka va'e peyasɨa peyesui; esepia avɨye katu peikera tekove apɨre'ɨ̇save ñepëi pepo rese, peso rägwer sui ñuvɨrïo pepo rese tata gwasu apɨre'ɨ̇save,

San Lucas 12:5

Che rumo amombe'ura peü uma sui pesɨkɨyera: pesɨkɨyera akoi oikatu va'e sui peyuka pare a'e oikatu ite pemondo agwä tata gwasusave. A'e ichui ete pesɨkɨyera.”

San Lucas 17:2

Iyakatu evokoi nungar imombosa voi paragwasu pɨpe ñepëi ita mba'e mboku'isa pɨpe ñapɨ̇chisara iyesɨ'o rese, omoangaipa uka tëi va'e ñepëi ipa'ü pendar chi'ïvä'emi nungar.

Romanos 9:33

aipo e'i Ikwachiaprɨ pɨpe: “Che amondo Sión ve ñepëi ita a'e ita rese oyepɨapira yuvɨreko; akoi sese oyeroya va'e rumo, a'e nimbopasai chietera.”

1 Corintios 8:13

Sese yande mba'e ro'o usa pɨpe sui yamboangaipa ukase yande rɨvrɨ viña, ndaya'u iri chietera evokoi mba'e ro'o yande rɨvrɨ mboangaipa uka e'ɨ̇ agwä.

Gálatas 5:11

Che rɨvrɨ eta, iya yayembocircuncida yande reko katuprɨ agwä, a'e vɨtese Jesús reroyasar upe viña, a'ese revo ndipoi chira che amotare'ɨ̇sar judío pa'üve a'ese avei ndipoi chira ñe'ësa kurusu rese Cristo manosa resendar amotare'ɨ̇mbar ipa'üve viña.

1 San Pedro 2:8

Iyavei Ikwachiaprɨ pɨpe aipo e'i: “Ko ita gwasu iyavei ita ta'ɨ katu va'e sese oyepɨapira yuvɨreko.” Esepia a'e ovɨapi mba'e tëi pɨpe yuvɨreko Tüpä ñe'ëngagwer rendu pota e'ɨ̇save, evokoi nungar ava yuvɨrekoira mba'e tëi pɨpe.