San Mateo 5:3 - Tüpä Ñe'ëngagwer

³ “Sorɨvete katura ava vɨreko va'e espíritu paraɨsusa oyese, esepia ni'ä chupe narä ite Tüpä mborerekwasa.

Tũpa Ñehengagüer

³ “Sorɨvete catura acoi ava oicuase mbahe ipane vahe Tũpa rese ité güeco tuprɨ ãgua. Esepia niha, chupe nara ité Tũpa mborerecuasa.

San Mateo 5:3 Iomraidhean Croise

San Mateo 11:25

A'e arɨ pɨpe, Jesús aipo e'i: “Che Ru, avɨye ndeu che Yar ɨva pendar, iyavei ɨvɨ pɨpendar ereiko, esepia nde eremboyekwa ite ko ñe'ësa ava seko mbegwemi va'e upe ereñomi ava imba'ekwa katu va'e sui.

San Mateo 11:6

¡Ovɨ'aretera akoi ava oyeroyaño va'e che rese!”

San Mateo 13:16

“Pe rumo perorɨvetera, esepia pereko peresa mba'e repia agwä iyavei peapɨsa mba'e rendu agwä.

San Mateo 19:14

Evokoiyase Jesús aipo e'i: –Toyugweruño chi'ïvä'e cheu, ani ndapeyei chira chupe, esepia Tüpä mborerekwasa a'e inungar tuprɨ yuvɨrekoi.

San Mateo 24:46

Sorɨvetera akoi omboavɨyese mbigwai okwaita, oyepotase serekwar a'ese osepiara iporavɨkɨsa avɨye va'e.

San Mateo 25:34

A'ese che Mborerekwar ɨvate katu va'e aipo a'era che akato kotɨndar upe: ‘Perio opakatu, che Ru sui sovasaprɨ peiko va'e, peike che Ru Tüpä mborerekwasa pɨpe; a'e akoi yɨpɨve ɨvɨ apo ramo suive imoigätuprɨ peü narä.

San Mateo 3:2

Oñe'ësave aipo e'i: “¡Peyevɨ Tüpä upe, esepia ko Tüpä mborerekwasa köimi ete sekoi!”

San Mateo 8:11

Iyavei aipo a'e peü seta ava yugwerura añi'ïvëi kotɨ sui iyavei ka'aru kotɨ sui aveino, ipare ogwapɨra yuvɨreko okaru Abraham rese Isaac iyavei Jacob Tüpä mborerekwasave,

San Marcos 10:14

Evokoiyase Jesús osepiase, ndasorɨi gwemimbo'e eta upe aipo e'i: –Ma'erä ndapeipotai iyu agwä, toyugweruño chi'ïvä'e cheu, esepia ko chi'ïvä'e nungar ava yuvɨroikera Tüpä mborerekwasave.

San Lucas 11:28

A'e omboyevɨ chupe: –¡Sovasaprɨra akoi osendu va'e che Ru Tüpä ñe'ëngagwer iyavei vɨroya va'e sereko!

San Lucas 18:14

Sese aipo a'e peü ko gwarepochi rerokwasar oyevɨ tuprɨ gwëtäve oso, fariseo rumo ani ete. Esepia ni'ä, opakatu akoi oyemboɨvateai va'e, opara seko reroyɨsa; akoi seko mbegwe va'e, a'e rumo seko mboɨvate katusara.”

San Lucas 22:29

Sese, che amondo peü mborerekwasa, inungar che Ru ombou cheu che mborerekwa agwä,

San Lucas 22:30

esepia pekarura iyavei peɨ'ura che mborerekwasave che pɨri, iyavei pegwapɨra gwapɨsa yemboeteisave porandu agwä opayandepo yovaive ñuvɨrïo tuprɨ Israel rekokwer rese.”

San Lucas 4:18

“Yande Yar Espíritu sekoi che rese, esepia ni'ä a'e ombou chekwaitarä ko ñe'ësa avɨye va'e mombe'u agwä ava iparaɨsu va'e upe; chekwaita avei amombe'u va'erä ava sokendaprɨ renose agwä iyavei ava ndasesapɨsoi va'e ambosarekora; iyavei ava mba'e-mba'e tëi rasɨkwer oiporara va'e sui senose agwä;

San Juan 20:29

Jesús aipo e'i chupe: –¿Kurïtëi che reroya che repiase eve? ¡Sorɨvete katura ava che reroyasar ndache repiai va'e yuvɨreko!

Santiago 1:10

iyavei mba'e yar sekoi va'e pe pa'üve toyembovɨ'a vɨteño Tüpä vɨroyɨse seko ɨvatesa sui. Esepia mba'e yar yuvɨrekoi inungar ka'a potrɨ ndasekosei va'e.

Santiago 1:12

Akoi ava oyemovɨräkwä va'e poroätoisa upe oyembovɨ'ara oiko, esepia osasa tuprɨse evokoi poroätoisa, oipɨsɨra porerekosa, a'e tekovesa apɨre'ɨ̇ va'e Tüpä ombou va'e gwaɨsupar upe.

Santiago 2:5

Che rɨvrɨ eta, che rembiaɨsu, pesendu ko ñe'ësa: Tüpä oiporavo ava iparaɨsu va'e ko ɨvɨ pɨpe, yuvɨrekoi va'erä mba'e tuprɨ pɨpe gweko agwä, iyavei toipɨsɨ che remimombe'ugwer rupi che mborerekwasa oyeupe narä oyapave gwaɨsupar upe;

Apocalipsis 19:9

Evokoiyase mbigwai ɨva pendar aipo e'i cheu: “Eikwachia ko ñe'ësa: ‘Sorɨvete katura akoi ava icho'oprɨ Ovesami a'e Cristo sekoi va'e mendasave yuvɨreko.’ ” Ipare aipo e'i iri cheu: “Ko ni'ä Tüpä ñe'ësa supi tuprɨ va'e ite.”

Apocalipsis 22:14

“Sorɨvete katura akoi ava omoatɨrö va'e gwekokwer, esepia oipɨsɨra ɨvɨra a tekovesa apɨre'ɨ̇ va'e resendar, ipɨpe sui oikera tekwa gwasu pɨpe.

Apocalipsis 3:17

Esepia pepɨ'añemoñeta che mba'e yar ite opakatu mba'e areko, nipanei ete mba'e cheu peye viña; pe rumo ndapeikwai pe paraɨsusa che Ru rovake inungar ndasesapɨsoi va'e, iyavei ndapeyavɨi nditurukwai va'e peiko.