San Mateo 5:19 - Tüpä Ñe'ëngagwer

¹⁹ Akoi, ndovɨroyai va'e ñepëi Moisés porokwaita, seko ɨvɨ kotɨ katu va'e, nombo'ei avei ava iporeroya agwä, a'e evokoiyase ɨvɨ kotɨ katu va'e aveira Tüpä mborerekwasave yuvɨrekoi. Akoi vɨroya va'e rumo Tüpä porokwaita yuvɨreko iyavei oporombo'e va'e sese, a'e evokoiyase Tüpä osekomboɨvate katura omborerekwasave kuri.”

Tũpa Ñehengagüer

¹⁹ Sese acoi ava ndovɨroyai vahe que ñepei mborocuaitamira viña, ombohe avei ava seroyaẽhɨ ãgua, ahe evocoiyase ɨvɨ cotɨ catu vahe aveira Tũpa mborerecuasave yuvɨrecoi. Acoi vɨroya vahe rumo Tũpa porocuaita yuvɨreco iyavei oporombohe vahe yuvɨreco sese, ahe evocoiyase Tũpa osecomboɨvate catura omborerecuasave curi.

San Mateo 5:19 Iomraidhean Croise

San Mateo 11:11

Supiete, opakatu yuvɨrekoi va'e kuimba'e eta, ndipoi ete ñepëi ava seko ɨvate katu va'e Juan Oporoapirämo va'e sui. Yepe a'e ɨvate katu va'e viña, Tüpä mborerekwasave rumo a'e seko mbegwemi va'e ɨvate katura ichui.

San Mateo 19:28

Jesús omboyevɨ chupe: –Supiete aipo a'e akoi arɨ ipapaprɨ oyepotase opakatu mba'e ñekuñarö agwä, a'ese che ava ɨvate katu va'e Ra'ɨrɨ agwapɨra che rendave che mborerekwa gwasu save, pe avei che rupindar pegwapɨra opayandepo yovaive ñuvɨrïo tenda arɨve, peporandura opakatu akoi opayandepo yovaive ñuvɨrïo tuprɨ yuvɨnosë va'e Israel suindar rekokwer rese kuri.

San Mateo 20:26

Pe rumo egwë ndapeyei chira peiko. Iyakatu rumo, akoi ava oipota va'e ɨvate katu gweko agwä pe pa'üve, i'añeko rane itera opakatu ambuae ava rese;

San Mateo 28:20

iyavei pembo'era seko tuprɨ agwä opakatu amombe'u va'e rese peü. Che aikora perese arɨ yakatu rupi, opɨtu'use voi ete tekokwer ɨvɨ pɨpendar kuri.

San Lucas 1:15

esepia ni'ä nde ra'ɨrɨ sekokwer tuvichara oiko yande Yar rovai. Ndoɨ'ui chietera uva rɨkwer sai va'e, iyavei Espíritu Maräne'ɨ̇ pɨpe sekoira oyesu e'ɨ̇ renondeve.

San Lucas 11:42

“¡Peparaɨsu pe, fariseo!, esepia yepe pe remitɨ̇ sui pemondo peyakatu ñepëi-pëi imboopayandepo yovaivesa sui Tüpä upe viña, pe rumo ndaperoyai teko ɨ̇vɨisa iyavei peseyaño tëi Tüpä poroaɨsusa ko rumo peyapora peiko, pe poie'ɨ̇sa pɨpe ambuae mba'e apo agwä.”

San Lucas 9:48

Ipare aipo e'i gwemimbo'e eta upe: –Akoi oipɨsɨ va'e ko chi'ïvä'emi che rer pɨpe, a'e ite che pɨsɨ oiko; iyavei akoi che pɨsɨ va'e, egwë e'i avei che mbousar pɨsɨ. Sese akoi ava seko mbegwemi katu va'e pe pa'ü pendar, a'e seko ɨvate katu itera.

Los Hechos 1:1

Imboeteiprɨ Teófilo, yɨpɨndar amondo evokoi che rembikwachia Jesús rekokwer resendar ndeu. Opa yɨpɨndar sembiapokwer amombe'u ndeu yɨpɨsui iporombo'e agwer avei

Romanos 3:8

Evokoiyase, ¿ma'erä vo ndayayapoi mba'e naporäi va'e mba'e tuprɨ reime agwä? Ko pɨpe sui ni'ä oime ava kokotɨ tëi oporombo'e e'i va'e yuvɨreko cheu; a'e ava iya ite oipɨsɨra kañɨsa yuvɨreko.

Romanos 6:1

¿Evokoiyase mba'e iri vo yamombe'ura? ¿Yayapo vɨtera pi'ä angaipa yaiko Tüpä yandeu oporovasasa mboyekwa katu agwä?

Romanos 6:15

¿Evokoiyase marä e'ira pi'ä? ¿Yayemboangaipa vɨtera pi'ä ndayaikoise porokwaita rupi anise Tüpä porovasasa pɨpe yaikose? ¡Ani nda'ei ete supi!

1 Timoteo 6:11

Nde rumo, Tüpä rese ereiko va'e, eyepepɨ opakatu ko nungar mba'e naporäi va'e sui. Eiko nde reko ɨ̇visa pɨpe, ndema'endu'año ite Tüpä rese, eroya esaɨsu, eñemosa avei eiko nde reko mbegwesave.

Tito 3:8

Aipo ñe'ësa supiete va'e, che aipota eremañekora sese, vɨroya va'eño Tüpä yuvɨreko mba'e apo tuprɨ agwä. Ko evokoiyase mba'e avɨye va'e ite oiporu va'erä opakatu yuvɨreko.

1 San Pedro 5:4

Evokoiyase akoi oyevɨse yande Yar, yande rärösar ɨvate katu va'e, a'ese peipɨsɨra mba'e porerekosa, teko orɨ porañete apɨre'ɨ̇ va'e.

1 San Juan 3:4

Opakatu ava oyemboangaipa va'e, a'e oyapo ite mba'e naporäi va'e; esepia angaipa mba'e-mba'e tëi aposar ite yepi.

Apocalipsis 2:20

Oime rumo mba'e pe rembiavɨ: peñemosaño evokoi kuña Jezabel pe pa'ü pendar upe, a'e akoi oñe'ë tëi anga'u va'e Tüpä rese viña, a'e rumo ombopa tëi oporombo'esa pɨpe che rembigwai iyemboagwasa-gwasa tëi uka agwä sereko iyavei o'u uka mba'e ro'o mba'e ra'anga tëi upe seropove'ëprɨ yuvɨreko chupe.