San Mateo 5:12 - Tüpä Ñe'ëngagwer

¹² Pe rumo peyembovɨ'añora, esepia ɨvave tuvicha va'e porerekosa peipɨsɨra kuri; egwë e'i tuprɨ avei ni'ä yɨpɨndar yuvɨrekoi va'e Tüpä ñe'ë mombe'usareta mombaraɨsu yuvɨreko araka'e.”

Tũpa Ñehengagüer

¹² Pe rumo peyembovɨhañora. Esepia, ɨvave tuvichá vahe porerecosa peipɨsɨra curi. Ẽgüe ehi avei niha yɨpɨndar evocoi ava ramoi Tũpa ñehe mombehusareta mombaraɨsu yuvɨreco aracahe” ehi.

San Mateo 5:12 Iomraidhean Croise

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

San Mateo 6:16

“Akoi peyekwakuse, ndapemboyekwai chira perepiaka vɨ'are'ɨ̇sa, inungar ava oñe'ë ñotëi va'e tekokwer rese yuvɨreko yepi, omboyekwa vɨ'are'ɨ̇sa tacherepia ava yuvɨreko e'i anga'u yekwakusa pɨpe. Supiete aipo a'e vɨreko itera porerekosa oyeupe narä.

San Lucas 13:34

“¡Jerusalén, Jerusalén, peyuka va'e Tüpä ñe'ë mombe'usar, iyavei ita pɨpe peyapi-yapi ava Tüpä remimbou yepi! ¡Seta rupi che opomonu'ä pota tëi pe rereko, inungar takura omonu'ä va'e omembrɨ opepovrɨve, egwë a'e pota tëi pe rereko viña, pe rumo ndapeipotai ete!

San Lucas 6:23

Peyembovɨ'año, perorɨvete katuñora a'e arɨ pɨpe peiko, esepia ni'ä ipare peipɨsɨra porerekosa tuvicha va'e ɨvave; egwë e'i tuprɨ avei evokoi ava araka'endar marä-marä tëi Tüpä ñe'ë mombe'usar sereko yuvɨreko.

San Lucas 6:35

Pe rumo pesaɨsu katura ava pe amotare'ɨ̇sar, iyavei peyapoñora mba'e avɨye va'e chupe, pemondoño aveira mba'e, ndapesäröi chira imboyevɨ agwä. Egwë peyese peipɨsɨra porerekosa tuvicha va'e, iyavei a'ese peikora Tüpä seko ɨvate katu va'e ra'ɨrɨ, a'e avɨye eteprɨ va'e ava nima'endu'ai va'e rese ava naporäi va'e upe avei.

Los Hechos 16:25

A'e pɨ̇tü mbɨter rupi Pablo iyavei Silas oyerure osapukai avei Tüpä mboeteisave yuvɨreko, ambuae ava sokendaprɨ evokoiyase osenduño tëi yuvɨreko isapukai,

Los Hechos 5:41

Ipɨpe Jesús ñe'ë mombe'usar ovɨ'arete iteanga, esepia Tüpä ombou chupe iparaɨsu agwä yuvɨreko Jesús rer rese iyeroyasa sui tëi.

Romanos 5:3

Nda'ei rumo sese gweraño yayembovɨ'a, yande yemombaraɨsusa rese avei ni'ä yayembovɨ'a yaiko; esepia yaikwa ite paraɨsusa yande mbo'e yande ñemosa agwä,

1 Corintios 3:8

Mba'e tɨ̇sar iyavei imboɨ'usar oyoya tuprɨ iporavɨkɨ yuvɨreko, sese Tüpä omboepɨra ñepëi-pëi upe iporavɨkɨgwer rupi.

2 Corintios 4:17

Esepia ko mba'e oroiporara va'e ko ɨvɨ pɨpe, a'e egwë e'i raimi tëi va'e, ipare rumo opañora; a'e ichui rumo oimerä mba'e tuprɨ ɨvate katu va'e oreu ɨvave apɨre'ɨ̇ orovɨreko va'erä.

Filipenses 1:29

Supiete nda'ei Cristo rekokwer reroya agwä gweraño Tüpä oipota peü. Sese peyemombaraɨsu agwä avei oipota.

Filipenses 2:17

Yepe che rekokwer seropove'ësara viña Tüpä upe peyeroyasa mboavɨye agwä rese, a'ese che avɨ'aretera iyavei aikora opakatu pe rese che vɨ'aretesa pɨpe.

Colosenses 1:24

Kurïtëi avɨ'a pe rese che yemomborarasa pɨpe, egwë a'e iporara che rete rese ko'ave vichiko, egwë e'i avei Cristo oyemomborara vɨte vɨroyasar rese, esepia yande seroyasar setekwer nungar yaiko.

Colosenses 3:24

Esepia, peikwa tuprɨ ko yande Yar omboura oporerekosa peü. Esepia ni'ä Cristo upe narä ite mba'e peyapo, a'e ni'ä pe Yar supi tuprɨ va'e sekoi.

1 Tesalonicenses 2:15

Judío ni'ä oyuka yande Yar Jesús yuvɨreko, a'e avei oyukapa Tüpä ñe'ë mombe'usar araka'e, ore avei opa ore mombo yuvɨreko. Ndovɨroyai Tüpä iyavei opakatu ava amotare'ɨ̇mbar tëi yuvɨrekoi,

Hebreos 10:34

Pesaɨsuño avei ambuae sokendaprɨ yuvɨreko, opase pe mba'e vɨrokwa yuvɨreko pe sui peñemosaño avei pe vɨ'aretesa pɨpe peiko, esepia peikwa ɨvave perekora mba'e avɨye katu va'e iyavei apɨre'ɨ̇ va'e.

Hebreos 11:26

Avɨye katu ite chupe Tüpä rembiporavo upe narä mba'e tëi porara agwä, Egipto pendar mba'e eta sepɨrusu va'e rereko rägwer sui; esepia a'e oikwaño ite oyeupe narä porerekosa Tüpä ombou va'erä.

Hebreos 11:33

Evokoi avei Tüpä rese oyeroya pɨpe osekopɨ ambuae ɨvɨ pendar, oporokwai tuprɨ gweko ɨ̇visa pɨpe, oipɨsɨño ite Tüpä suindar mba'e semimombe'ugwer yuvɨreko, oiyurumboyaño avei yagwar yuvɨreko,

Hebreos 11:6

Nda'ei ete rumo Tüpä pɨ'a rupi yaiko ndayayeroyaise sese, esepia yayemboya potase Tüpä rese, yayeroya rane itera sese iyavei omondora mba'e avɨye va'e vɨroyasar upe narä.

Santiago 1:2

Che rɨvrɨ eta, pevɨ'areteñora peiko akoi oimese tekoa'äsa peü yepi.

Santiago 5:10

Che rɨvrɨ eta, peiko katu inungar Tüpä ñe'ë mombe'usar araka'endar yuvɨrekoi va'e, a'e oñemosaño mba'e rasɨkwer upe yande Yar rer pɨpe oñe'ë agwä yuvɨreko.

1 San Pedro 4:13

Peyembovɨ'areteñora Cristo paraɨsu agwer rerekosa pɨpe, esepia yande rereko yande Yar yemombaraɨsu agwer nungar pɨpe yuvɨreko, evokoiyase yayembovɨ'arete itera akoi yande Yar oyevɨse gweko pirätäsa pɨpe.