San Mateo 5:11 - Tüpä Ñe'ëngagwer

¹¹ Perorɨvete katura, akoi ava iñe'ë-ñe'ë tëise peü, iyavei che rekokwer sui tëi oyapo-yapo tëise temirä yuvɨreko peü.

Tũpa Ñehengagüer

¹¹ “Perorɨvete catura pe acoi ava iñehe-ñehe tẽise pẽu, iyavei pe mombaraɨsuse, acoi oyapo-yapo tẽise güemira-mira tẽi pɨpe mbahe pe rese che recocuer sui tẽi yuvɨreco.

San Mateo 5:11 Iomraidhean Croise

San Mateo 10:18

ichui pe reraso aveira mborerekwareta ɨvate katu va'e rovai yuvɨreko che rekokwer sui tëi; egwë peyera peñe'ë che rekokwer rese chupe ava nimba'e reroyai va'e upe avei.

San Mateo 10:22

Opakatu ava ndape ambotai chira che rekokwer sui tëi yuvɨreko; akoi oyemovɨräkwä va'eño tuprɨ ite arɨ ipa va'e rupi, a'e ipɨsɨröprɨ yuvɨrekoira kuri.

San Mateo 10:25

Iyavei semimbo'e avɨye ite e'iñorä ombo'esar osekoupitɨse, iyavei mbigwai gwerekwar nungar tuprɨ aveira. Akoi oɨ yar upe karugwar rerekwar Beelzebú e'ise, ¿marä e'ira pi'ä sëtä pɨpendar upe yuvɨreko?”

San Mateo 10:39

Akoi ava oipɨsɨrö pota va'e gwekokwer tëi, a'e okañɨ tëira, akoi omokañɨ va'e rumo gwekokwer che rekokwer rese, a'e oñepɨsɨröra.”

San Mateo 19:29

Iyavei opakatu oseya va'e che rekokwer sui tëi gwëtä, anise vɨvrɨ, anise gweindrɨ, anise oyesupa, anise osɨ, anise gwa'ɨrɨ, anise oɨvɨ avei, a'e oipɨsɨra cien yupagwer mba'e, iyavei oipɨsɨra tekovesa apɨre'ɨ̇ ndopai va'e.

San Mateo 24:9

“Evokoiyase pepɨsɨra yuvɨreko marä-marä tëi pe rereko agwä; pe yuka aveira, ipare opakatu ava-ava tëi ndape ambotai chira che rekokwer sui tëi yuvɨreko.

San Mateo 27:39

Akoi ava ñokwäsar iñe'ë-ñe'ë tëi, oñeakä mbovava-vava

San Marcos 13:13

Opakatu avei ava ɨvɨ pɨpendar ndape ambotai chira che rekokwer sui tëi yuvɨreko; akoi ava oyemovɨräkwä va'eño rumo arɨ ipa va'e rupi, a'e ipɨsɨröprɨ yuvɨrekoira.”

San Marcos 13:9

“Peñearö katu peae peiko; esepia pe rerasora mborerekwar rovai yuvɨreko, iyavei pe nupära oɨ judío ñemonu'äsa rupi. Pe reraso aveira mborerekwareta rovai, iyavei mborerekwar ɨvate katu va'e rovai che rekokwer sui tëi yuvɨreko; egwë peyera peñe'ë che rekokwer rese chupe.

San Marcos 4:17

ndovɨrekoi rumo gwapo oyese opirätä agwä, ndoyemovɨräkwäi ete; evokoiyase porombo'esa sui tëi iparaɨsu tekoa'äsa ouse yuvɨreko chupe, a'ese omokañɨ Tüpä rese yeroyasa yuvɨreko.

San Marcos 8:35

Esepia akoi ava gwetekwer tëi raɨsupar, okañɨ tëietera; akoi ava omokañɨ tëi va'e rumo gwetekwer che rekokwer rese ñe'ësa ñepɨsɨrösa sui avei, a'e oñepɨsɨröra.

San Lucas 21:12

“Ko mba'e-mba'e tëi renonde, pe pɨsɨra yuvɨreko che rekokwer sui. Pe reraso aveira mba'e porandu agwä rese oɨ judío ñemonu'äsave, pe rokenda aveira pe rerasora mborerekwar rovai iyavei mborerekwar ɨvate katu va'e rovai yuvɨreko che rekokwer sui tëi.

San Lucas 21:17

iyavei opakatu rupi ndape ambotai chira che rekokwer sui tëi yuvɨreko;

San Lucas 6:22

Perorɨvete katu pe akoi ava pe amotare'ɨ̇se, pe mboyepepɨñose avei, iñe'ë-ñe'ë tëise avei akoi vɨroɨröse pe rer mba'e tëi pɨpe yuvɨreko, che ava ɨvate katu va'e Ra'ɨrɨ sui tëi.

San Lucas 9:24

Esepia akoi oipɨsɨrö pota va'e gwetekwer, a'e omokañɨ tëi itera; akoi omokañɨ tëi va'e rumo gwetekwer che rekokwer rese, a'e oñepɨsɨröra.

San Juan 15:21

Ko opakatu mba'e che rekokwer sui tëi egwë e'ira yuvɨreko peü, esepia ndoikwai ete ni'ä che mbousar yuvɨreko.”

San Juan 9:28

Evokoiyase a'e oñe'ërai yuvɨreko chupe aipo e'i: –Nde evokoiyase ereikora a'e mbɨa rupindar; ore rumo orogwata va'e Moisés rupi.

Los Hechos 9:16

Che amboyekwara seta mba'e tëi chupe oiporara va'erä che remimbotar mboavɨye agwä oiko.”

Romanos 8:36

Inungar Ikwachiaprɨ pɨpe aipo e'i: “Ndesui tëi oremondo manosa pɨpe yuvɨreko; inungar ovesa serasosa yukapɨrä mba'e mɨmba yukasave yepi.”

1 Corintios 4:10

Ore oroiko va'e Cristo rese, ndoyavɨi egwë oro'e ñotëi va'e; pe evokoiyase pereko pe mba'e kwasa Cristo sui, peyeapo imba'ekwa eteprɨ va'e peiko Cristo rese pe rekosa pɨpe. Iyavei ore ndoyavɨi ndaseko pirätäi va'e oroiko ava rembiepiave; a'eseve avei rumo peyeekomomirätä tëi peiko. Ore seroɨrömbrɨ tëi oroiko, pe evokoiyase ava pe mboetei gwasu pe rereko yuvɨreko.

2 Corintios 4:11

Esepia ore rekove vɨteseve, imbogwaiprɨ oroiko ore mano agwä Jesús rese, egwë oro'e sekokwer mboyekwa agwä ore retekwer ndipokopɨi va'e rese.

Filipenses 1:29

Supiete nda'ei Cristo rekokwer reroya agwä gweraño Tüpä oipota peü. Sese peyemombaraɨsu agwä avei oipota.

1 San Pedro 2:23

Akoi ava iñe'ë marä-marä tëise yuvɨreko chupe, nomboyevɨi ete iñe'ë raisa; iyavei akoi omombaraɨsuse yuvɨreko, ayepɨra sese nde'i ete, a'e rumo, che Ru Tüpä seko ɨ̇vi va'e oikwara chupe yuvɨreko e'iño oyeupe mba'e-mba'e tëi aposar upe.

1 San Pedro 4:14

Iñe'ë maräse yuvɨreko peü Cristo reroyasar pe rekosa rese, sovasaprɨ peiko. Esepia Tüpä Espíritu gweko porañetesa pɨpe sekoi ete pe rese.

Apocalipsis 2:3

Iyavei che aikwa peñemosañose peyemombaraɨsu peiko che raɨsupave, ndapekwerai ete ipɨpe.