San Mateo 5:10 - Tüpä Ñe'ëngagwer

¹⁰ Sorɨvete katura akoi ava seko katuprɨ rese imombaraɨsuprɨ, esepia a'e chupe narä ite Tüpä mborerekwasa.

Tũpa Ñehengagüer

¹⁰ “Sorɨvete catura acoi ava seco catuprɨ rese imombaraɨsuprɨ. Esepia, ahe chupe nara Tũpa mborerecuasa.

San Mateo 5:10 Iomraidhean Croise

San Mateo 10:23

Akoi pe mañeko tëise ñepëi tekwave yuvɨreko, a'ese peyepepɨñorä ambuaeve ichui; supiete ava ɨvate katu va'e Ra'ɨrɨ che ayura perenondeve ndapemboavɨye vɨteiseve pe gwatasa tekwa Israel rupi.

San Mateo 19:14

Evokoiyase Jesús aipo e'i: –Toyugweruño chi'ïvä'e cheu, ani ndapeyei chira chupe, esepia Tüpä mborerekwasa a'e inungar tuprɨ yuvɨrekoi.

San Mateo 25:34

A'ese che Mborerekwar ɨvate katu va'e aipo a'era che akato kotɨndar upe: ‘Perio opakatu, che Ru sui sovasaprɨ peiko va'e, peike che Ru Tüpä mborerekwasa pɨpe; a'e akoi yɨpɨve ɨvɨ apo ramo suive imoigätuprɨ peü narä.

San Mateo 5:3

“Sorɨvete katura ava vɨreko va'e espíritu paraɨsusa oyese, esepia ni'ä chupe narä ite Tüpä mborerekwasa.

San Marcos 10:14

Evokoiyase Jesús osepiase, ndasorɨi gwemimbo'e eta upe aipo e'i: –Ma'erä ndapeipotai iyu agwä, toyugweruño chi'ïvä'e cheu, esepia ko chi'ïvä'e nungar ava yuvɨroikera Tüpä mborerekwasave.

San Marcos 10:30

a'e oipɨsɨra oma'erä ko ɨvɨ pɨpe cien yupagwer rupi avei oɨ, vɨvrɨ, gweindrɨ, osɨ, gwa'ɨrɨ iyavei ɨvɨ, yepe oiporarara mba'e-mba'e tëi viña; ipare rumo tekwa ambuaeve oipɨsɨ aveira tekovesa apɨre'ɨ̇ va'e kuri.

San Lucas 21:12

“Ko mba'e-mba'e tëi renonde, pe pɨsɨra yuvɨreko che rekokwer sui. Pe reraso aveira mba'e porandu agwä rese oɨ judío ñemonu'äsave, pe rokenda aveira pe rerasora mborerekwar rovai iyavei mborerekwar ɨvate katu va'e rovai yuvɨreko che rekokwer sui tëi.

San Lucas 22:29

Sese, che amondo peü mborerekwasa, inungar che Ru ombou cheu che mborerekwa agwä,

San Lucas 6:20

Jesús oma'e gwemimbo'e eta rese, aipo e'i chupe: “Perorɨvete katu pe iparaɨsu va'e, esepia ni'ä Tüpä mborerekwasa peü narä ite sekoi.

San Lucas 6:22

Perorɨvete katu pe akoi ava pe amotare'ɨ̇se, pe mboyepepɨñose avei, iñe'ë-ñe'ë tëise avei akoi vɨroɨröse pe rer mba'e tëi pɨpe yuvɨreko, che ava ɨvate katu va'e Ra'ɨrɨ sui tëi.

San Juan 15:20

Peyemoma'endu'ara ko amombe'u va'ekwer rese kuri: ‘Ndipoi ete ñepëi mbigwai ɨvate katu va'e gwerekwar sui.’ Iyavei che amotare'ɨ̇mbar yuvɨrekoi va'e, pe avei pe amotare'ɨ̇ra yuvɨreko; iyavei pemboyeroyase che ñe'ë, egwë e'i tuprɨ aveira pe mboyeroya ambuae yuvɨreko.

Los Hechos 5:40

Ichui rumo gweru iri Jesús ñe'ë mombe'usar inupa uka agwä yuvɨreko, iyavei iñe'ë iri e'ɨ̇ agwä Jesús rese; inupa pare opa omose yuvɨreko.

Los Hechos 8:1

Iyavei Saulo a'eve sekoi, osepia ite Esteban oyukase yuvɨreko. A'e arɨ pɨpeve omboɨpɨ Jesús reroyasar reka Jerusalén ve yuvɨreko. Opakatu tuprɨ, Jesús ñe'ë mombe'usar gweraño opɨta yuvɨreko, opa oyemboya'o-ya'o ɨvɨ Judea rupi Samaria rupi avei.

2 Corintios 4:17

Esepia ko mba'e oroiporara va'e ko ɨvɨ pɨpe, a'e egwë e'i raimi tëi va'e, ipare rumo opañora; a'e ichui rumo oimerä mba'e tuprɨ ɨvate katu va'e oreu ɨvave apɨre'ɨ̇ orovɨreko va'erä.

Filipenses 1:28

iyavei ndapeyembosɨkɨyei chira pe amotare'ɨ̇mbar sui. Evokoiyase a'e oikwara yuvɨreko chupe ite Tüpä omondora imokañɨ agwä, pe rumo peipɨsɨra poropɨsɨrösa Tüpä sui kuri.

2 Timoteo 2:12

yañemosase mba'e tëi upe, a'ese yande yaikora imborerekwasave ipɨri; ndaikwai Jesucristo ya'ese, a'e avei ndopokwai va'e e'iñora yandeu;

2 Timoteo 3:11

ereiporara avei mba'e-mba'e tëi che rupive eiko, inungar oyapo Antioquía ve, Iconio ve Listra ve avei yuvɨreko cheu. ¡A'eve aiporara mba'e-mba'e tëi paraɨsusa vichiko! Yande Yar rumo che pɨsɨrö opakatu evokoi mba'e-mba'e tëi sui.

Santiago 1:12

Akoi ava oyemovɨräkwä va'e poroätoisa upe oyembovɨ'ara oiko, esepia osasa tuprɨse evokoi poroätoisa, oipɨsɨra porerekosa, a'e tekovesa apɨre'ɨ̇ va'e Tüpä ombou va'e gwaɨsupar upe.

Santiago 5:11

Yande rumo yaikwa sovasaprɨ ava oñemosa va'e mba'e rasɨkwer upe yuvɨreko. Pesendu ni'ä akoi mbɨa Job serer va'e ñemosasa, peikwa avei mba'e avɨye va'e yande Yar oyapose chupe, esepia yande Yar ni'ä oporoparaɨsuereko va'e yepi.

1 San Juan 3:12

Ndayaikoi chira Caín nungar, a'e karugwar remimbo'e oyuka vɨvrɨ. ¿Ma'erä pi'ä oyuka? Esepia tɨvrɨ oyapo mba'e avɨye va'e, Caín rumo oyapo mba'e naporäi va'e.

Apocalipsis 2:10

Ndapesɨkɨyei chira pe paraɨsu agwä sui, esepia karugwar osokenda ukara amove pe pa'ü pendar sekoa'ä agwä; pe paraɨsu rane itera ni'ä opayandepo yovaive arɨ rupi peiko. Akoi peyemovɨräkwä tuprɨse sese, a'ese che amondora porerekosa tekovesa apɨre'ɨ̇ ndopai va'e peü.