San Mateo 4:24 - Tüpä Ñe'ëngagwer

²⁴ Jesús reräkwä yandusa opakatu ɨvɨ Siria rupi, a'ese gweru opakatu ava vɨreko va'e mba'erasɨsa tasɨ va'e yuvɨreko chupe, iyavei karugwar vɨreko va'e, nañakä poräi va'e ndogwatai va'e avei. A'e opa tuprɨ Jesús ombogwera.

Tũpa Ñehengagüer

²⁴ Oyepotase rumo serãcua opacatu Siria ɨvɨ rupindar upe, ahese güeru opacatu iparaɨsu vahe yuvɨreco chupe: imbaheasɨ vahe, caruguar vɨreco vahe, que nañaca põrai vahe iyavei ndoguatai vahe. Ahe opa tuprɨ ombogüera.

San Mateo 4:24 Iomraidhean Croise

San Mateo 12:22

Vɨraso Jesús upe ñepëi ava ndasesapɨsoi va'e iyavei niñe'ë gätui va'e, a'e karugwar vɨreko va'e oyese, ipare rumo Jesús ombogwera sesa maräsa sui omoñe'ë gätu aveino.

San Mateo 14:1

A'e arɨ rupi Herodes, mborerekwar gwasu chinise Galilea ve, oyandu Jesús reräkwä,

San Mateo 15:22

Iyavei ñepëi kuña cananea, a'e ɨvɨ rese sekoi va'e oyemboya oso sese, säse puku-puku aipo e'i: –¡Che Yar David suindar, che paraɨsuerekomi tëi eve! ¡Che membrɨ vɨreko karugwar oyese a'e omombaraɨsu iteanga sereko!

San Mateo 17:15

–Che Yar, ereiparaɨsuerekomi tëira che ra'ɨrɨ cheu viña, esepia a'e ipɨ'a mba'easɨ va'e, iyavei iparaɨsu iteanga, seta yupagwer ovɨapi tatave, ɨpɨve avei.

San Mateo 17:18

Evokoiyase Jesús oñe'ëgäta karugwar upe ipare omose chi'ïvä'e sui, a'e ramoseve voi ete okwera tuprɨ.

San Mateo 4:23

Jesús ogwata opakatu Galilea ɨvɨ rupi, oporombo'e oɨ judío ñemonu'äsave tekwa yakatu rupi. A'eve ñe'ësa avɨye va'e omombe'u Tüpä mborerekwasa resendar, ombogwera avei opakatu-katu tëi mba'erasɨsa ava vɨreko va'e sui.

San Mateo 8:28

Jesús oyepotase ɨpa rovai oso, a'e ɨvɨ Gadara pendar rese, ñuvɨrïo karugwar vɨreko va'e yuvɨnosë te'ögwer ruvɨpa rupi sui ipare oyemboya yuvɨraso sese. A'e ndiporomboetei va'e ndipoi ete aipo ogwata va'e, a'e perɨ rupi yuvɨreko yepi;

San Mateo 8:33

Evokoiyase kuchi rärösar opa oñemi, ipare oyepotase tekwave yuvɨraso omombe'u mba'e osepia va'e yuvɨreko, opakatu mba'e osepia va'e avei karugwar resendar yuvɨreko no.

San Mateo 8:6

Aipo e'i chupe: –Che Yar, che rembigwai imba'easɨ gwasu ou che rëtäve, ndogwata katui, iyavei oiporara tëi omba'erasɨsa ou.

San Mateo 9:26

Ko sembiapo evokoiyase oyandupa voi opakatu tekwa rupi yuvɨreko.

San Mateo 9:35

Jesús ogwatapa opakatu tekwa-tekwami rupi iyavei oporombo'e oɨ judío ñemonu'äsa yakatu rupi. Omombe'u tekovesa avɨye va'e Vu mborerekwasa resendar, iyavei oporombogwera opakatu-katu tëi mba'erasɨsa sui aveino.

San Marcos 1:28

Kurïtëimi voi yandusa Jesús reräkwä opakatu ɨvɨ Galilea rupi.

San Marcos 1:32

Pɨ̇tü ramomise, opakatu imba'easɨ va'e iyavei karugwar vɨreko va'e vɨraso Jesús upe,

San Marcos 2:3

A'eseve, irugätu mbɨa vɨroyepota ndogwatai va'e yuvɨreko chupe.

San Marcos 2:4

A'e rumo ndiyai seroike agwä Jesús uve ava re'ɨisave, sese vɨroyeupi oɨ arɨve seraso, a'eve teka vɨrokwa oɨ arɨ sui supi vɨroyɨ supa reseve imondo Jesús rovai tuprɨ yuvɨreko.

San Marcos 2:9

¿Uma rupi vo ñe'ësa ndayavai katu, ndogwatai va'e upe: ‘Nde angaipa rese che ñerö ndeu’, anise aipo esara tie chupe: ‘Eñarapü'a, esupi nde rupa egwata kurïtëi’?

San Lucas 2:2

Ko oime va'e yɨpɨndar yekwachiasa Quirinio mborerekwar sekoise Siria ve.

San Lucas 4:14

Jesús oyevɨ Galilea ve oso Espíritu Maräne'ɨ̇ pirätäsa pɨpe, iyavei oyandu opakatu tekwa-tekwami rupi seräkwä yuvɨreko.

San Lucas 4:38

Jesús osë oɨ judío ñemonu'äsa pɨpe sui oso ipare oike Simón rëtäve. Simón rovayar imba'easɨ so'ɨ iteanga ou, ipare oñe'ë Jesús upe yuvɨreko tombogwerami tëi oyapave.

San Lucas 5:15

Jesús reräkwä rumo oyembouvicha katu-katu iri ete, iyavei seta ava oyemboya yuvɨreko sese iñe'ë rendu agwä iyavei tayande mbogwerami tëi yande mba'erasɨsa sui oyapave yuvɨreko.

San Lucas 5:24

Supiete amboyekwara ava ɨvate katu va'e Ra'ɨrɨ che rekosa, esepia areko ite mborerekwasa ko ɨvɨ pɨpe ava angaipa upe che ñeröi agwä. Evokoiyase aipo e'i ava ndogwatai va'e upe: –Ndeu aipo a'e, epü'a, esupi nde rupa eso nde rëtäve.

San Lucas 7:17

Iyavei opakatu ɨvɨ Judea rupi, yɨvɨrindar avei Jesús rembiapo oikwapa tuprɨ yuvɨreko.

San Juan 10:21

Ambuae rumo aipo e'i yuvɨreko: –Ndipoi ete karugwar rerekosar aipo e'i va'e oñe'ë. ¿Oikatura pi'ä karugwar ava ndasesapɨsoi va'e mboesapɨso?

Los Hechos 10:38

Peikwa Tüpä omondose pirätäsa iyavei Espíritu Maräne'ɨ̇ Jesús Nazaret pendar upe, ipare Jesús ogwata opakatu rupi mba'e tuprɨ apo oiko, ombogwera avei opakatu ava iparaɨsu va'e karugwar povrɨve yuvɨrekoi va'e, esepia Tüpä sekoi ete sese,

Los Hechos 15:23

A'e supi aipo e'i ikwachia imondo yuvɨreko: “Ore Jesús ñe'ë mombe'usar iyavei ava yarakwa katu va'e pe mboetasa avei oroiko pe mboavɨravesa, ndapemaräi revo pe nda'ei va'e judío Antioquía pendar, Siria pendar Cilicia pendar avei.

Los Hechos 15:41

ipare yuvɨraso Siria iyavei Cilicia rupi Jesús reroyasar mongere'ɨ̇ katu agwä yuvɨreko.

Los Hechos 28:9

Oyanduse a'e ikwera yuvɨreko, a'ese ambuae imba'easɨ va'e evokoi ka'a pa'ü pendar yugweru chupe, a'e ombogwerapa avei.

Los Hechos 8:7

Iyavei seta imbogwerasa ava karugwar rerekosar, karugwar yuvɨnosë ava sui säse yuvɨreko; iyavei seta ava setekwer novɨi va'e ndogwatai va'e avei ombogwera.