San Mateo 4:10 - Tüpä Ñe'ëngagwer

¹⁰ Jesús omboyevɨ chupe: –Eyepepɨ che sui kurïtëi, Karugwar, esepia Ikwachiaprɨ pɨpe aipo e'i: ‘Emboetei nde Yar Tüpä, a'e gweraño tuprɨ avei eremboyeroyara.’

Tũpa Ñehengagüer

¹⁰ Aipo oyeupe hese: —Eyepepɨ che sui cũritei, Caruguar —ehi—. Esepia, icuachiaprɨ: ‘Emboetei nde Yar Tũpa, ahe güeraño tuprɨ avei eremboyeroyara’ ehi —ehi Caruguar upe.

San Mateo 4:10 Iomraidhean Croise

San Mateo 16:23

Jesús oyemboyere sese aipo e'i Pedro upe: –¡Esɨrɨ che sui, Karugwar, nde che reitɨ pota eve mba'e tëi pɨpe! Nderesepiai mba'e avɨye va'e inungar Tüpä osepia va'e, ava osepia va'e nungar tëi nde eresepia.

San Marcos 1:13

A'eve Jesús sekoi cuarenta arɨ, mba'e mɨmba vai pa'üve, a'eve avei Karugwar osekoa'ä; mbigwai eta ɨva pendar rumo i'añekoño yuvɨreko sese.

San Lucas 10:18

Jesús aipo e'i chupe: Taa, asepia ni'ä Karugwar ovɨapise ɨva sui overa va'e nungar.

San Lucas 11:18

Egwë e'i aveira ni'ä, Karugwar oyemboya'ose a'e ae tëi oyapose mba'e oyeupe ¿marä e'ira pi'ä opirätäsa omovɨräkwä oiko? Ko aipo a'e peü esepia pe aipo peye cheu omose karugwar Beelzebú pirätäsa pɨpe tëi;

San Lucas 13:16

Ko kuña sekoi va'e, Abraham suindar Karugwar omomba'easɨ va'e dieciocho aravɨter sereko, ¿ndiyai ete pi'ä evokoiyase imbogwerasa mbɨtu'usa arɨ pɨpe viña?

San Lucas 22:3

Evokoiyase Karugwar oike Judas pɨ'a pɨpe, akoi opayandepo yovaive ñuvɨrïo tuprɨ semimbo'e pa'ü pendar Iscariote serer va'e.

San Lucas 22:31

Aipo e'i avei yande Yar: –Simón, Simón, esepia Karugwar oporandu pe reko agwä rese inungar trigo ra'ɨira viña;

San Lucas 4:8

Jesús omboyevɨ chupe: –Ikwachiaprɨ pɨpe aipo e'i: ‘Emboetei nde Yar Tüpä, iyavei a'e gweraño tuprɨ eremboyeroyara.’

San Juan 13:27

Ipare rumo Judas oipɨsɨ voi ete mboyape, a'ese Karugwar oike voi ete ipɨ'a pɨpe. Jesús aipo e'i chupe: –Akoi ereyapo pota va'e eiko, eyapo voi ete kurïtëi.

Los Hechos 26:18

Oromondora chupe yuvɨreko ipɨ'a ñemoñeta tuprɨ agwä iyavei ndogwata iri va'erä pɨ̇tümimbisa va'e nungar rupi; a'e ogwata va'erä tesapesa rupi yuvɨreko; ipɨpe sui toyuvɨreko iri eme Karugwar povrɨve, togwata katu Tüpä rupi; egwë te'i che reroya yuvɨreko a'ese oipɨsɨra ñeröisa oangaipa rese iyavei oipɨsɨra Tüpä porerekosa opakatu che rembipe'a.’ ”

Los Hechos 5:3

Pedro aipo e'i chupe: –Ananías, ¿ma'erä ereroya Karugwar nde pɨ'a pɨpe Espíritu Maräne'ɨ̇ mbopa agwä eremboya'oño tëi nde ɨvɨ reprɨ gwarepochi ndeyeupe narä?

1 Corintios 5:5

evokoi ava timondosa Karugwar povrɨve sekokwerai mokañɨ agwä, ipɨpe sui sekokwer toñepɨsɨrö yande Yar yevɨse kuri.

1 Corintios 7:5

Ndiyai peate'ɨ̇ oyeupe, oyoya rumo yayapo eme mba'e peyese peyeupe pe yerokɨ agwä Tüpä upe, a'e avɨyeño. Ndiyai rumo peyoeya pukura, avɨyeteramo ndapeñemosaï chira, ipɨpe sui avɨyeteramo Karugwar peätoi tiëtera.

2 Corintios 11:14

Yaikwa ni'ä Karugwar rerekwar oporombopa, esepia oyeapo inungar mbigwai ɨva pendar tesapesa sekoi;

2 Corintios 12:7

sese che yemboɨvateai e'ɨ̇ agwä che ker nungar mba'e che pɨ'amondɨi va'e rembiepiagwer rese Tüpä ombou tekoasɨsa cheu. A'e avɨye yu che kutu gwasu va'e, ndoyavɨi avei Karugwar marä-marä tëi che rereko va'e.

2 Corintios 2:11

Ko sui Karugwar ndoikatui chietera yande mbopa agwä, esepia yande yaikwa tuprɨ ite iporombopasa.

Santiago 4:7

Sese pemboyeroya katu Tüpä. Peyemovɨräkwä karugwar remimbotar apoe'ɨ̇ agwä, a'ese a'e oyepepɨra pe sui.

1 San Pedro 5:9

Sese peyemovɨräkwära Tüpä rese pe yeroyasa pɨpe, esepia peikwa ni'ä opakatu rupi avei yande rɨvrɨ eta Tüpä rese yuvɨrekoi va'e iparaɨsu ko nungar mba'e pɨpe yuvɨreko.