San Mateo 3:7 - Tüpä Ñe'ëngagwer

⁷ Juan osepiase ava fariseo eta iyavei saduceo eta, yuvɨraso oñeapirämo agwä chupe viña, a'e rumo aipo e'i: “¡Pe mboi mboetasa tëi peiko! ¿Ava vo pesëra Tüpä ñemoɨrösa ou va'erä sui e'i tuprɨ tëi peü?

Tũpa Ñehengagüer

⁷ Yugüeru atɨse rumo fariseo iyavei saduceo oñeapiramo uca ãgua, Juan aipo ehi ahe ava upe: “¡Pe mboi mboetasa tẽi peico! ¿Ava vo, ‘Pesẽra Tũpa ñemoɨrosa ou vaherã sui’ ehi tuprɨ tẽi pẽu?

San Mateo 3:7 Iomraidhean Croise

San Mateo 12:24

Osenduse rumo ko, fariseo eta aipo e'i yuvɨreko: “Ko mbɨa karugwar rerekwar Beelzebú, pirätäsa pɨpe tëi omboyepepɨ karugwar ava sui.”

San Mateo 12:34

¡Pe mboi nungar tëi peiko! ¿Marä peyeravo mba'e avɨye va'e mombe'u, pe tuprɨ avei ni'ä ndaperekoporäi va'e? Esepia pe pɨ'a pɨpe sui tëi, osë peñe'ë agwä.

San Mateo 15:12

Evokoiyase semimbo'e eta oyemboya Jesús rese, aipo e'i oporandu yuvɨreko chupe: –¿Ereikwa vo akoi fariseo eta oñemoɨrö nde ñe'ë renduse yuvɨreko?

San Mateo 16:1

Fariseo eta iyavei saduceo eta yuvɨraso Jesús repia, seko'ä agwä viña, oporandu poromondɨisa oyapo va'erä rese yuvɨreko chupe ikwa agwä emopore'ɨ̇ Tüpä suindar nde rekosa pɨpe e'i yuvɨreko.

San Mateo 16:6

Evokoiyase Jesús aipo e'i: –Peikwa katu fariseo sui saduceo mboyape mboapeposa sui aveino.

San Mateo 22:15

Ko ipare, fariseo eta yuvɨraso ichui opa oñemoñeta oyavɨ uka va'erä Jesús ñe'ë yuvɨreko viña.

San Mateo 22:23

A'e arɨ pɨpe, oime saduceo yuvɨraso va'e Jesús pɨri. Ndipoi ete kwerayevɨsa omano va'e upe e'i, egwë e'i ko imboyekwa mba'e yuvɨreko chupe:

San Mateo 22:34

Fariseo eta oyanduse Jesús omongiriripañose saduceo oyesui, a'ese oñemonu'äpa yuvɨreko,

San Mateo 23:33

“¡Pe mboi nungar tëi peiko! ¿Ndapesoyepei chira rumo Tüpä ñemoɨrösa tata gwasu sui?

San Mateo 5:20

“Amombe'ura aipo peü, akoi ndapereko ɨvɨ̇i tuprɨise ko Moisés porokwaita rese oporombo'e va'e iyavei fariseo ndapeyapoise mba'e avɨye va'e Tüpä rovai, a'ese ndapeikei chietera Tüpä mborerekwasave.”

San Marcos 12:13

Omondo Jesús upe yuvɨreko fariseo suindar iyavei mborerekwar Herodes rupindar, toyavɨ anga'u oñe'ë oyapave yuvɨreko viña.

San Marcos 12:18

Evokoiyase oime Jesús upe yuvɨraso va'e saduceo. Ko aipo ndovɨroyai omano va'e kwerayevɨsa yuvɨreko; sese omboyekwa ko mba'e yuvɨreko chupe:

San Marcos 8:15

Jesús aipo e'i: –Peikwa katu fariseo mboyape mboapeposa sui Herodes mboyape mboapeposa sui aveino.

San Lucas 16:14

Esepia fariseo eta, aipo gwarepochi potaraisa yuvɨrekoi va'e, osenduse opakatu mba'e vɨroɨrö tëi Jesús yuvɨreko.

San Lucas 18:11

Evokoiyase fariseo, opü'a o'ä oyerure aipo e'i: ‘Tüpä, avɨye ndeu che nda'ei ambuae ava nungar che rekokwer; imondarai va'e, ndacherekorai va'e, ndacheagwasai tëi va'e, nda'ei avei inungar gwarepochi rerokwasar tëi aiko.

San Lucas 7:30

fariseo eta rumo iyavei Moisés porokwaita rese oporombo'e va'e noñeapirämo uka potai va'e Juan upe, vɨroɨröño ite Tüpä remimbotar oyeupendar yuvɨreko.”

San Juan 1:24

Akoi oyokwai va'e fariseo oñe'ë va'erä Juan rese yuvɨreko,

San Juan 8:44

Peyesupa a'e karugwar tëiete; inungar tuprɨ avei peiko, peyapo mba'e semimbotar tëi avei. Esepia karugwar oporoyuka va'e yɨpɨsuive ite oiko. Ndasekoi va'e mba'e supi tuprɨ va'e pɨpe, noñe'ëi avei mba'e supiete va'e rese. Omombe'use temirä, oñe'ë inungar supiete va'e; esepia semiräñeteai va'e ite iyavei a'e ni'ä temirä yesupa tëi sekoi yepi.

San Juan 9:40

Oime fariseo yuvɨrekoi va'e supi, osenduse aipo ñe'ësa, oporandu yuvɨreko chupe: –¿Ore avei vo ndasesapɨsoi va'e nungar oroiko?

Los Hechos 15:5

Oime rumo fariseo eta vɨroya va'e, a'e opü'a voi aipo e'i yuvɨreko chupe: –Iya imbocircuncidasa rane opakatu Jesús reroyasar nda'ei va'e judío yuvɨreko. Peyokwai avei opakatu ambuae Moisés porokwaita mboavɨye agwä yuvɨreko.

Los Hechos 20:31

Pema'emo'ä tuprɨ peyese: pema'endu'a akoi opomboarakwa tuprɨse mbosapɨ aravɨter rupi, arɨ iyavei pɨ̇tü opombo'e che yase'osa pɨpe pe rereko.”

Los Hechos 26:5

Oikwa ite yuvɨreko fariseo aikose, iyavei ikere'ɨ̇se tomombe'u yuvɨreko, ko porombo'esa ipirätä katu va'e ite ore ɨvɨ rupi yepi.

Los Hechos 5:17

Ichui tëi pa'i rerekwar ɨvate katu va'e, saduceo yuvɨrekoi va'e oñemoɨrö yuvɨreko Jesús ñe'ë mombe'usar upe ava rese gwekate'ɨ̇save,

Romanos 1:18

Supiete ni'ä Tüpä omboyekwa itera oñemoɨrösa ɨva sui opakatu ava vɨroyasare'ɨ̇ upe, ndasekoporäi va'e upe avei, mba'e gwembiapoai sui ndoikwa uka potai va'e ko ñe'ësa supiete va'e ambuae ava upe yuvɨreko.

Romanos 5:9

Kurïtëi rumo, Tüpä yande reko mo'ɨ̇vi ete oiko Cristo mano agwer sui, ipɨpe sui yañepɨsɨröra angaipa ipa va'e sui kuri.

1 Tesalonicenses 1:10

omombe'u avei pesärö va'e Tüpä Ra'ɨrɨ Jesús iyevɨ agwä ɨva sui yuvɨreko oreu, a'e akoi Tüpä ombogwerayevɨ va'e Jesús omano va'e pa'ü sui, a'e ni'ä yande pɨsɨröra ñemoɨrösa ipirätä va'e sui.

Hebreos 11:7

Tüpä reroyasa pɨpe avei Noé, a'ese Tüpä omombe'u chupe mba'e ndasepiasa vɨtei va'e, evokoiyase seroyasave oyapo arca oyesuindar pɨsɨrö agwä. Iyavei sese oyeroya pɨpe omombe'u ava ko ɨvɨ pɨpendar kañɨ agwä, a'e rumo Tüpä rese oyeroya pɨpe oñepɨsɨrö.

Hebreos 6:18

Egwë e'i oime ñuvɨrïo mba'e imboyepoepɨpɨre'ɨ̇: Tüpä ni'ä ndoporombopai va'e ite, ipɨpe avei yande mongere'ɨ̇ katu yande yaseka va'e Tüpä poropɨtɨ̇vɨïsa, iyavei yayeroya va'e ñearösa yandeu ombou va'e rese.

1 San Juan 3:10

Ikwaprɨ ite Tüpä ra'ɨrɨ, ikwaprɨ avei karugwar ra'ɨrɨ yuvɨrekoi va'e, esepia akoi ndoyapoi va'e mba'e tuprɨ iyavei ndosaɨsui va'e Tüpä reroyasar, a'e nda'ei ete Tüpä ra'ɨrɨ yuvɨrekoi.