San Mateo 28:6 - Tüpä Ñe'ëngagwer

⁶ Ndipoi ete ko'ave, a'e okwerayevɨ gwemimombe'u rupi ete. Perio tapesepia ru supagwer.

Tũpa Ñehengagüer

⁶ Ndipoi eté cohave. Esepia, ahe ocuerayevɨ güemimombehu rupi eté. Tapesepia ru supagüer —ehi. Ipare aipo ehi:

San Mateo 28:6 Iomraidhean Croise

San Mateo 12:40

Esepia inungar Jonás mbosapɨ arɨ iyavei mbosapɨ pɨ̇tü pira gwasu avɨterve sekoi, egwë e'i aveira ava ɨvate katu va'e Ra'ɨrɨ mbosapɨ arɨ iyavei mbosapɨ pɨ̇tü tuira ɨvɨvrɨve.

San Mateo 16:21

Evokoiyase ichuive tuprɨ Jesús omboɨpɨ imombe'u gwemimbo'e eta upe, a'e oso va'erä tekwa Jerusalén ve, a'e judío rerekwar, pa'i eta rerekwar ɨvate katu va'e iyavei Moisés porokwaita rese oporombo'e va'e, a'e che mombaraɨsu ukara. Iyavei aipo e'i che yukara yuvɨreko no, ipare imombosapɨsa arɨ pɨpe rumo akwerayevɨra.

San Mateo 17:23

iyavei che yukara yuvɨreko; mbosapɨ arɨ pare rumo akwerayevɨra. Osenduse aipo i'ese ndovɨ'ai tëi yuvɨreko.

San Mateo 17:9

Ogweyɨse ɨvɨtrɨ sui yuvɨreko, a'ese Jesús aipo e'i mbosapɨ gwemimbo'e upe: –Ndapemombe'ui chietera ñepëi ava upe ko mba'e pesepia va'e, akoi ava ɨvate katu va'e Ra'ɨrɨ okwerayevɨse voi ete kuri.

San Mateo 20:19

ipare omondora ambuae ava tekwa pendar tëi upe yuvɨreko, mborerekwa eta Roma pendar upe a'e vɨroɨröra, yuvɨrokwa-rokwara sese ipare oyatɨkara kurusu rese yuvɨreko; imombosapɨsa arɨ pɨpe rumo okwerayevɨra.

San Mateo 27:63

aipo e'i yuvɨreko chupe: –Ore rerekwar, oroyemoma'endu'a akoi iporombopa serai va'e ñe'ë agwer rese, akwerayevɨra mbosapɨ arɨ pare e'i akoi oikove vɨteseve.

San Marcos 16:6

a'e rumo aipo e'i chupe: –Pesɨkɨyei rene. Pe peseka Jesús Nazaret pendar, a'e akoi yatɨkaprɨ. A'e rumo okwerayevɨ; ndipoi ete ko'ave. Pesepia ru supagwer.

San Marcos 8:31

Jesús omboɨpɨ oporombo'e che ava ɨvate katu va'e Ra'ɨrɨ che paraɨsu itera, iyavei opakatu judío rerekwareta, pa'i rerekwar ɨvate katu va'e iyavei Moisés porokwaita rese oporombo'e va'e remiamotare'ɨ̇. A'e avei che yuka ukara yuvɨreko, akwerayevɨra rumo mbosapɨ arɨ rupi.

San Lucas 24:12

Pedro rumo oña voi oso tuvɨpave; oma'ese rumo ipɨpe, turukwar gweraño tëi osepia. Evokoiyase oyevɨ gwëtäve ndoyembovɨ'ai tëi sepia pare.

San Lucas 24:23

ichui rumo ndoyosɨi ete se'ögwer yuvɨreko, oyevɨpa tëi gwëtäve, a'ese aipo osepia mbigwai ɨva pendar aipo e'i va'e yuvɨreko chupe Jesús mo oikove kurïtëi.

San Lucas 24:44

Ipare aipo e'i: –Ko rese akoi añe'ë vichiko kwese pe rese aiko vɨtese: yavɨye ranera opakatu ñe'ësa che resendar Moisés porokwaita kwachiaprɨ pɨpe, iyavei Tüpä ñe'ë mombe'usar yuvɨrekoi va'e rembikwachiagwer sapukaisa pɨpe avei.

San Juan 10:17

“Che Ru ni'ä che raɨsu ite esepia che amondo itera che rekokwer manosave aipɨsɨ iri va'erä kuri che kwerayevɨre.

San Juan 2:19

Jesús omboyevɨ chupe aipo e'i: –Pemondurupa ko tüpäro, mbosapɨ arɨ pare rumo amopü'a irira.

Los Hechos 2:24

Tüpä rumo ombogwerayevɨ manosa sui, esepia manosa ndoikatui sereko agwä.”