San Mateo 27:63 - Tüpä Ñe'ëngagwer

⁶³ aipo e'i yuvɨreko chupe: –Ore rerekwar, oroyemoma'endu'a akoi iporombopa serai va'e ñe'ë agwer rese, akwerayevɨra mbosapɨ arɨ pare e'i akoi oikove vɨteseve.

Tũpa Ñehengagüer

⁶³ aipo ehi yuvɨreco: —Ore rerecuar, ore oroyemomahenduha acoi iporombopa serai vahe ñehe agüer rese: “Acuerayevɨra mbosapɨ arɨ pare omano vahe pãhu sui” ehi acoi cuese oicove vɨtese —ehi yuvɨreco—.

San Mateo 27:63 Iomraidhean Croise

San Mateo 16:21

Evokoiyase ichuive tuprɨ Jesús omboɨpɨ imombe'u gwemimbo'e eta upe, a'e oso va'erä tekwa Jerusalén ve, a'e judío rerekwar, pa'i eta rerekwar ɨvate katu va'e iyavei Moisés porokwaita rese oporombo'e va'e, a'e che mombaraɨsu ukara. Iyavei aipo e'i che yukara yuvɨreko no, ipare imombosapɨsa arɨ pɨpe rumo akwerayevɨra.

San Mateo 17:23

iyavei che yukara yuvɨreko; mbosapɨ arɨ pare rumo akwerayevɨra. Osenduse aipo i'ese ndovɨ'ai tëi yuvɨreko.

San Mateo 20:19

ipare omondora ambuae ava tekwa pendar tëi upe yuvɨreko, mborerekwa eta Roma pendar upe a'e vɨroɨröra, yuvɨrokwa-rokwara sese ipare oyatɨkara kurusu rese yuvɨreko; imombosapɨsa arɨ pɨpe rumo okwerayevɨra.

San Mateo 26:61

mba'e omombe'u va'erä yuvɨreko: –Ko mbɨa aipo e'i: ‘Che aikatu ko Tüpä rëtä monduru aikatu aveira imopü'a iri mbosapɨ arɨ rupi.’

San Mateo 27:64

Sese emondo sundao se'ögwer ruvɨpa rärö tuprɨ agwä mbosapɨ arɨ rupi, semimbo'e ñomi e'ɨ̇ agwä pɨ̇tü pɨpe yuvɨreko, ipare avɨyeteramo okwerayevɨ omano va'e pa'ü sui aipo e'i tuprɨ tëi tiëtera ava upe yuvɨreko. Aipo e'ise yuvɨreko, yɨpɨndar semirä tëi va'e sui ɨvate katura serekosa.

San Mateo 28:6

Ndipoi ete ko'ave, a'e okwerayevɨ gwemimombe'u rupi ete. Perio tapesepia ru supagwer.

San Marcos 10:34

Marä e'i-e'i tëira yuvɨreko cheu, ondɨvɨ-ndɨvɨra, oyuvɨrokwa-rokwara che rese, che yuka aveira yuvɨreko; mbosapɨ arɨ pare rumo akwerayevɨra.”

San Marcos 8:31

Jesús omboɨpɨ oporombo'e che ava ɨvate katu va'e Ra'ɨrɨ che paraɨsu itera, iyavei opakatu judío rerekwareta, pa'i rerekwar ɨvate katu va'e iyavei Moisés porokwaita rese oporombo'e va'e remiamotare'ɨ̇. A'e avei che yuka ukara yuvɨreko, akwerayevɨra rumo mbosapɨ arɨ rupi.

San Marcos 9:31

esepia gwemimbo'e gweraño ite ombo'e. Aipo e'i: –Che ava ɨvate katu va'e Ra'ɨrɨ, imondoprɨ aikora che amotare'ɨ̇mbar povrɨve, che yuka aveira yuvɨreko; mbosapɨ arɨ pare rumo akwerayevɨra.

San Lucas 18:31

Jesús oñe'ë kokotɨ opayandepo yovaive ñuvɨrïo yuvɨrekoi va'e gwemimbo'e upe, aipo e'i: “Kurïtëi yasora Jerusalén ve, a'eve yavɨyera ko Tüpä ñe'ë mombe'usar rembikwachiagwer ko che ava ɨvate katu va'e Ra'ɨrɨ resendar ñe'ësa.

San Lucas 18:33

Oinupa-nuparä ipare oyukara yuvɨreko; imombosapɨsa arɨ pɨpe rumo okwerayevɨra.”

San Lucas 23:2

Sovai evokoiyase oiñe'ëngapo tuprɨ tëi, aipo e'i yuvɨreko: –Orosepia ko mbɨa oipɨ'a ñemoñeta rerova atɨ uka ava yande rekwa rupindar. Aipo e'i pemondoi rene gwarepochi mborerekwar ɨvate katu va'e upe, iyavei supiete aipo e'i che Poropɨsɨrösar, mborerekwar ɨvate katu va'e aiko.

San Lucas 9:22

Iyavei aipo e'i chupe: –Che ava ɨvate katu va'e Ra'ɨrɨ che paraɨsu itera, iyavei opakatu judío rerekwar, pa'i rerekwar ɨvate katu va'e iyavei Moisés porokwaita rese oporombo'e va'e remiamotare'ɨ̇ aikora. A'e avei che yuka ukara yuvɨreko, mbosapɨ arɨ rupi rumo akwerayevɨra.

San Juan 2:19

Jesús omboyevɨ chupe aipo e'i: –Pemondurupa ko tüpäro, mbosapɨ arɨ pare rumo amopü'a irira.

San Juan 7:12

Opakatu ava oñemoneta atɨ yuvɨreko sese. Amove aipo e'i: “A'e mbɨa avɨye va'e”; ambuae rumo aipo e'i: “Nda'ei avɨye va'e; a'e rumo ombopa tëi va'e ava oiko.”

San Juan 7:47

Evokoiyase fariseo eta aipo e'i yuvɨreko: –¿Pe avei vo peyembopa uka chupe?

2 Corintios 6:8

Amove ava ore mboeteiai, amove rumo oñemoɨrö yuvɨreko oreu; amove avei oñe'ë tuprɨai ore rese yuvɨreko, ipare rumo iñe'ë-ñe'ë tëi ore rese yuvɨreko yepi no. Iyavei amove oporombopa tëi va'e nungar ore rereko yuvɨreko, yepe oromombe'u tëi mba'e supiete va'e viña.