San Mateo 27:2 - Tüpä Ñe'ëngagwer

² Ipare oipokwa-pokwa seraso yuvɨreko mborerekwar ɨvate katu va'e Pilato Roma pendar rovai.

Tũpa Ñehengagüer

² Ipare oipocua-pocua seraso mborerecuar guasu Pilato upe yuvɨreco.

San Mateo 27:2 Iomraidhean Croise

San Mateo 20:19

ipare omondora ambuae ava tekwa pendar tëi upe yuvɨreko, mborerekwa eta Roma pendar upe a'e vɨroɨröra, yuvɨrokwa-rokwara sese ipare oyatɨkara kurusu rese yuvɨreko; imombosapɨsa arɨ pɨpe rumo okwerayevɨra.

San Mateo 28:14

Akoi mborerekwar ɨvate katu va'e oyanduse ko mba'e, ore evokoiyase oroñe'ërä sese mba'e moigätu agwä, a'ese peü ndipoi chira mba'e-mba'e tëi.

San Lucas 13:1

A'e arɨ pɨpe avei yuvɨraso ava Jesús repia, a'ese omombe'u yuvɨreko chupe Pilato omboyese'a va'e ñepëi mbɨa Galilea ɨgwar ruvɨ mba'e mɨmba ruvɨ rese a'e aipo vɨropove'ë sereko yuvɨreko.

San Lucas 20:20

Omondo opa'ü pendar ivɨro agwä, inungar ava ndasekoasɨi anga'u va'e, chupe iñe'ë agwä Jesús upe toyavɨ anga'u oñe'ë oyapave viña vɨraso va'erä mborerekwar Roma pendar rovai yuvɨreko.

San Lucas 23:1

Opakatu ava opü'a yuvɨreko, Jesús reraso agwä Pilato rovai.

San Lucas 23:12

A'e arɨ pɨpe suive oyemborɨ Pilato Herodes rese, yɨpɨndar rumo oyeamotare'ɨ̇ yuvɨreko viña.

San Lucas 3:1

Quince aravɨter pɨpe mborerekwar gwasu Tiberio rekose, Poncio Pilato evokoiyase mborerekwar sekoi Judea rupi, Herodes avei mborerekwar sekoi Galilea ve, tɨvrɨ Felipe evokoiyase mborerekwar sekoi Iturea ve iyavei Traconítide ve, Lisanias avei mborerekwar sekoi Abilene ve.

San Juan 18:12

Evokoiyase sundao re'ɨi gwerekwar reseve, iyavei judío tüpäro rärösar, oipɨsɨ Jesús oipokwa-pokwa yuvɨreko.

San Juan 18:24

Evokoiyase Anás oipokwa tuprɨ imondo, Caifás pa'i rerekwar ɨvate katu va'e upe.

San Juan 18:28

Ipare vɨraso Jesús Caifás rëtä sui yuvɨreko mborerekwar Roma pendar ñemonu'äsave. Esepia ko'ë ite ou, judío eta rumo ndoyuvɨroikei ete mborerekwar ɨvate katu va'e ñemonu'äsave, yuvɨroikese ndovɨroyai chietera porokwaita yuvɨreko viña iyavei ndoyuvɨro'ui tembi'u Pascua resendar yuvɨreko viña.

Los Hechos 12:6

A'e arɨ vɨnose potase Herodes Pedro sokendasa sui, a'e pɨ̇tü pɨpe Pedro oke ñuvɨrïo sundao gwarösar rese. Ñapɨ̇chisa ñuvɨrïo karena pɨpe ou, ñuvɨno'ämbe avei särösar sokendasa rokendɨpɨve.

Los Hechos 21:33

Evokoiyase sundao rerekwar ɨvate katu va'e oyemboya oso sese, oipɨsɨ uka Pablo ipare oyokwai osundao ñapɨ̇chi agwä ñuvɨrïo karena pɨpe. Ipare oporandu ava upe, uma vo evokoi mbɨa mba'e vo oyapo peü.

Los Hechos 22:25

Oñapɨ̇chise rumo inupa agwä yuvɨreko, Pablo oporandu sundao rerekwar ɨvate katu va'e a'eve sekoi va'e upe: –¿Perekovo mborerekwasa peinupä uka va'erä ñepëi Roma pendar, iyavei mba'e rese porandu e'ɨ̇sa pɨpe?

Los Hechos 22:29

A'ese oinupa pota va'e osɨkɨyepave oyepepɨño yuvɨreko ichui; sundao rerekwar ɨvate katu va'e avei oikwase Pablo Roma ɨgwar sekoise, osɨkɨye ñapɨ̇chi ukase.

Los Hechos 24:27

Ñuvɨrïo aravɨter rupi egwë e'i sereko; ipare Félix ndaseko iri mborerekwar, a'ese oike sekuñarä Porcio Festo. Iyavei Félix sekoi tuprɨ va'erä judío rese, sese oseyaño Pablo sokendasave.

Los Hechos 28:20

Sese oposo'o uka, opomoñeta pota avei mba'e avɨye va'e rese; esepia ko Tüpä rembiporavo ava pɨsɨrö agwä resendar reroyasa rese karena pɨpe ñapɨ̇chimbrɨ aiko.

Los Hechos 3:13

Tüpä, a'e akoi Abraham, Isaac iyavei Jacob vɨroya yuvɨreko araka'e opakatu yande ramoi eta aveino, a'e ni'ä omondo gweko pirätäsa tuvicha katu va'e Gwa'ɨrɨ Jesús upe, pe rumo akoi pemondoño mborerekwar povrɨve, akoi omose potase, pe evokoiyase ndapeipotaiño imose agwä chupe.

Los Hechos 4:27

“Egwë e'i ete oñemonu'äse Herodes Poncio Pilato avei, ava nda'ei va'e judío, judío eta reseve yuvɨreko ko tekwa Jerusalén ve, esepia oñemonu'ä yuvɨreko nde rembigwai araka'eve nde rembiporavo Poropɨsɨrösar Jesús, seko maräne'ɨ̇ va'e amotare'ɨ̇ agwä.

Los Hechos 9:2

ipare oporandu porokwaita kwachiar rese chupe oso agwä oɨ judío ñemonu'äsa Damasco ve, oseka va'erä yuvɨrekoi va'e Tekokwer Pɨasu rupi, kuimba'e iyavei kuña, ichui seraso pɨrä sokenda agwä Jerusalén ve.

1 Timoteo 6:13

Kurïtëi Tüpä rovake, a'e opakatu mba'e moingovesar iyavei Jesucristo rovake, a'e ni'ä omombe'u tuprɨ supiete va'e Poncio Pilato rovai, sese che orokwai

2 Timoteo 2:9

Ko ñe'ësa avɨye va'e mombe'usa sui tëi che mombaraɨsu yuvɨreko, che rokendasave avɨye oporapichi va'e che rereko yuvɨreko; Tüpä ñe'ëngagwer mombɨta rumo ndoikatui ete yuvɨreko.

Hebreos 13:3

Peyemoma'endu'a avei sokendaprɨ rese inungar-ra pe avei supive sokendaprɨ peiko va'e viña. Iyavei peyemoma'endu'a ava marä-marä tëi serekoprɨ rese, esepia avɨyeteramo egwë e'i aveira yuvɨreko peü.