San Mateo 26:67 - Tüpä Ñe'ëngagwer

⁶⁷ A'ese ondɨvɨ-ndɨvɨ sova rese yuvɨrokwa-rokwa avei sese yuvɨreko. Ambuae evokoiyase osovapete-pete yuvɨreko no,

Tũpa Ñehengagüer

⁶⁷ Ahese ondɨvɨ-ndɨvɨ sova rese iyavei yuvɨrocua-rocua yuvɨreco sese. Ambuae osovapete-pete,

San Mateo 26:67 Iomraidhean Croise

San Mateo 26:68

aipo e'i yuvɨreko chupe: –Nde ni'ä aipo ereiko Poropɨsɨrösar, ¡eikwa ite ru, ava evokoi okwa nde rese!

San Mateo 27:30

Iyavei ondɨvɨ-ndɨvɨ yuvɨreko sese, ipare yuvɨrokwa-rokwa ipo pendar takwarmi pɨpe ñakä rese yuvɨreko.

San Mateo 5:39

Che rumo aipo a'e peü: Anichira eremboyevɨ oyapo va'e mba'e naporäi va'e ndeu; egwë teiño, akoi nde amotare'ɨ̇sar nde rovapetese nde akato kotɨ yuvɨreko, emboyekwa avei ambuae kotɨ nde rova chupe.

San Marcos 10:34

Marä e'i-e'i tëira yuvɨreko cheu, ondɨvɨ-ndɨvɨra, oyuvɨrokwa-rokwara che rese, che yuka aveira yuvɨreko; mbosapɨ arɨ pare rumo akwerayevɨra.”

San Marcos 14:65

A'ese oime ava ondɨvɨ-ndɨvɨ va'e sese iyavei osesakwa va'e yuvɨrokwa-rokwa avei sese aipo e'i yuvɨreko chupe: –¡Eikwa ite ru, ava evokoi okwa nde rese! Sundao tüpäro rärösar avei osovapete-pete yuvɨreko.

San Marcos 15:19

Iyavei yuvɨrokwa-rokwa ɨvɨra pɨpe ñakä rupi yuvɨreko sese, ondɨvɨ-ndɨvɨ ipare oñenopɨ'ä-pɨ'ä avei sovai yuvɨreko imboeteisave anga'u.

San Juan 18:22

Aipo i'e rese, ñepëi tüpäro rärösar osovapete, aipo e'i chupe: –¿Aipo ere rutei pa'i rerekwar ɨvate katu va'e upe imboyevɨ?

San Juan 19:3

Ipare oyemboya yuvɨreko sese aipo e'i: –¡Imboeteiprɨ tasekoi judío eta Rerekwar! Ichui osovapete-pete yuvɨreko.

1 Corintios 4:13

Iñe'ë-ñe'ë tëi ore rese yuvɨreko, oromboyevɨ rumo ñe'ësa avɨye va'e pɨpe yuvɨreko chupe. Ore rereko ɨtɨ nungar tëi iyavei ore rereko inungar ava egwë e'i tëi va'e yuvɨreko. Kurïtëi egwë e'i vɨteño ite yuvɨreko oreu.

Hebreos 12:2

Yama'e tuprɨ itera Jesús rese, a'e ichui ni'ä yareko yande yeroyasa Tüpä rese, a'e avei oyese yande mboporeroya tuprɨ katu, Jesús oiporara kurusu rese omano ochie'ɨ̇sa pɨpe, esepia a'e oikwa ite oparaɨsu pare vɨrekora ovɨ'aretesa, ogwapɨse omborerekwasave Vu Tüpä akato kotɨ öi.