San Mateo 26:34 - Tüpä Ñe'ëngagwer

³⁴ Jesús aipo e'i chupe: –Supiete aipo a'e ndeu ko pɨ̇tü pɨpeve voi, takura ñe'ë ñuvɨrïo yupagwer renondeve, ndaikwai va'e evokoi mbɨa erera mbosapɨ yupagwer rupi cheu.

Tũpa Ñehengagüer

³⁴ —Che rumo supi eté aipo ahe ndeu: co pɨ̃tu pɨpeve voi eté tacura ñehe renondeve, “Ndaicuai vahe ité aipo mbɨa” erera mbosapɨ oyupagüer rupi cheu —ehi Pedro upe.

San Mateo 26:34 Iomraidhean Croise

San Mateo 26:33

Pedro omboyevɨ chupe: –Yepe ambuae opakatu nande reroya iri chira yuvɨreko, che rumo ndayepepɨi chietera ndesui.

San Mateo 26:75

ipare Pedro oyemoma'endu'a Jesús ñe'ë agwer rese: “Akoi takura ñe'ë renondeve mbosapɨ yupagwer rupi, ndaikwai va'e ite aipo mbɨa erera cheu.” Ichui Pedro osë okarve oso, oyase'o iteanga.

San Marcos 14:72

Aipo i'eseve takura oñe'ë imoñuvɨrïosa rupi, ipare Pedro oyemoma'endu'a Jesús ñe'ë agwer rese: ‘Takura ñe'ë yupagwesa renondeve, mbosapɨ yupagwer rupi, ndaikwai va'e evokoi mbɨa erera cheu’. Ichui oyase'o iteanga.

San Lucas 22:34

Jesús omboyevɨ chupe: –Pedro, supiete amombe'u ndeu, ko pɨpe takura ñe'ë renondeve, nde ndaikwai ete evokoi mbɨa erera mbosapɨ yupagwer rupi cheu.

San Lucas 22:61

Evokoiyase yande Yar oyemboyere oma'e Pedro rese, Pedro rumo oyemoma'endu'a yande Yar ñe'ë aipo e'i va'e agwer rese: “Ko pɨpe, takura ñe'ë renondeve, ndaikwai va'e erera mbosapɨ yupagwer rupi cheu.”

San Juan 13:38

Jesús omboyevɨ chupe: –¿Supiete vo ereyemoigätu eremondo va'erä nde rekokwer che rese? Supiete amombe'ura aipo ndeu takura ñe'ë renondeve, mbosapɨ yupagwer rupi ndaikwai va'e erera cheu.