San Mateo 24:49 - Tüpä Ñe'ëngagwer

⁴⁹ omboɨpɨ omboetasa marä-marä tëi rereko iyavei oyemboya kagwar tëi rese ipɨri okaru iyavei oɨ'u tëi agwä,

Tũpa Ñehengagüer

⁴⁹ omboetasa omboɨpɨ mara-mara tẽi sereco iyavei oyemboya caguar tẽi rese ipɨri ocaru iyavei oɨhu tẽi ãgua.

San Mateo 24:49 Iomraidhean Croise

San Mateo 18:28

“Osëse oso ichui, a'ese ipɨtɨ̇vɨïsar osepia ñepëi omboetasagwer vɨnose va'e gwarepochi movɨrö tëi va'e gwerekwar sui. A'e oipɨsɨ iyesɨ'o rese ipare seni oyuka, aipo e'i chupe: ‘¡Emboepɨpa gwarepochi erenose va'ekwer che sui!’

San Mateo 24:48

A'e mbigwai rumo ndipɨ'aise iyavei ndoyepota vɨtei chira revo che rerekwar oya viña

San Mateo 24:50

nomo'äi ete rumo iyepota agwä ndoikwai avei gwerekwar yepota agwä

San Mateo 7:15

“Peñearö ava semirañeteai va'e sui oñe'ë tuprɨ tëi va'e Tüpä rese. A'e yugwerura peü ndoyavɨi chira ovesa ndaseko maräi va'e yuvɨreko, ipɨ'a pɨpe rumo sekokwer avɨye ma'embiar oñaröai va'e.

San Juan 2:10

aipo e'i: –Opakatu ava yuvɨroɨ'u yɨpɨndar uva rɨkwer avɨye katu va'e, ipare rumo icho'oprɨ yuvɨroɨ'upase, a'ese yuvɨroɨ'u uva rɨkwer ndasepɨi va'e. Nde rumo ereyapokatu uva rɨkwer avɨye katu va'e.

Romanos 16:18

esepia a'e ava nda'ei yande Yar Cristo upe narä oyapo mba'e yuvɨreko, egwë e'i rumo a'e oyeupe narä tëi oipotarai mba'e yuvɨreko iyavei ombopa ava ndayarakwa tuprɨi va'e; oñe'ë tuprɨai anga'u oporomo'äpɨsɨ aisa pɨpe tëi yuvɨreko.

2 Corintios 11:20

pe ni'ä pemboyoyaño akoi mbigwai tëi nungar pe rereko va'e, mba'e pe rembiereko sui tëi oikove va'e, pe mbopa tëisar, pe reroɨrösar, pe rova pete-petesar avei.

Filipenses 3:19

a'e rumo imokañɨpɨ̇ra yuvɨrekoira kuri. Iyavei itüpä ikaruaisa tëiete yuvɨreko, iyavei gweko ɨvate aisa pɨpe oyapo mba'e tëi yande mochiai va'e yuvɨreko. Ko ɨvɨ pɨpendar mba'e-mba'e tëi reseño ite ipɨ'añemoñeta yuvɨreko.

1 San Pedro 5:3

Ndapeikoi chira pe remiarö upe inungar mborerekwar gweko ɨvatesa pɨpe oporokwai pirätä va'e, pemboyekwara rumo pe rekokwer avɨye va'e chupe imbo'esa tuprɨ pɨpe.

San Judas 1:12

Pe poromochi gwasu pieta avɨye va'e save peyapo mba'e pemboetei va'esave, a'eve okaru oɨ'u ovɨ'asave ndoyuvɨnochi ete yuvɨreko. Evokoi ovesa rärösar oyese tëi i'añeko va'e yuvɨreko. Inungar ɨva kɨ'a ndovɨrekoi va'e ɨ, ɨvɨtu remimombo tëi. Inungar ɨvɨra ndi'ai va'e o'asa rupi, ñuvɨrïo rupi ipiru va'e evokoiyase a'e sapo'oprɨ.

Apocalipsis 13:7

Imondosa avei chupe vavasa apo uka agwä Tüpä upendar ava eta upe sekopɨ agwä; imondosa avei mborerekwar seko agwä chupe ava ambuae-ae tëi va'e upe, sekwa ambuae va'e upe ambuae tëi iñe'ë va'e upe, ambuae ɨvɨ rupindar upe aveino.

Apocalipsis 16:6

esepia a'e opa oyuka ava yuvɨreko nde rekwa maräne'ɨ̇ pendar nde ñe'ë mombe'usar avei, kurïtëi rumo eremboɨ'u uka tuvɨ pɨpe. ¡Evokoi nungar upe avɨyesa rupi ete!”

Apocalipsis 17:6

Ipare aikwa evokoi kuña osavaɨpo va'e öi Tüpä reroyasar ruvɨ pɨpe iyavei akoi Jesús rekokwer mombe'usa sui tëi yukaprɨ va'e ruvɨ pɨpe aveino. Asepiase rumo ndache mbovɨ'ai ete.