San Mateo 24:42 - Tüpä Ñe'ëngagwer

⁴² “Pema'emo'ä peyese yepi esepia ndapeikwai mba'e arɨ pɨpe che pe Yar ayevɨra.

Tũpa Ñehengagüer

⁴² “Sese pemahemoha yepi. Esepia, ndapeicuai mbahe arɨ pɨpe che, pe Yar, ayevɨra ɨva sui.

San Mateo 24:42 Iomraidhean Croise

San Mateo 24:36

“Ndipoi ete rumo ava oikwa va'e arɨ imombe'uprɨ che yevɨ agwä, mbigwai eta ɨva pendar avei ndoikwai yuvɨreko, che avei ndaikwai ete. Che Ru gweraño ite rumo oikwa.

San Mateo 24:43

Iyavei peyapɨsaka tuprɨ ko rese, inungar akoi oɨ yar oikwase arɨ pɨ̇tü imonda va'e yevɨ agwä, a'ese ima'emo'ära sese gwëtä pɨpe seike e'ɨ̇ agwä viña.

San Mateo 24:44

Egwë peye aveira peyemoigätu; esepia ni'ä che ava ɨvate katu va'e Ra'ɨrɨ aporoesapɨ'a tëira vitu kuri.”

San Mateo 25:10

Evokoiyase poyandepo kuñatäi yuvɨraso vɨteseve yandɨ rerokwa, a'ese tuprɨ oyepota kuña mevɨ ou, kuñatäi oyemoigätu va'eño tuprɨ yuvɨroike supi mendasave, ipare rumo okenda rärösar omboya okenda.

San Mateo 25:13

“Pe evokoiyase pema'emo'ära peyese–aipo e'i iri Jesús–, esepia ni'ä ndapeikwai ete mba'e arɨ pɨpe che ayevɨra vitu.”

San Lucas 21:34

“Peikwa katu iyavei pepoirene pepɨ'ayemoñetasa avɨye va'e sui mba'e tëi apo agwä, anichira kagwar tëi peiko iyavei pɨ'a ñemoñetasa ko tekokwer rese. A'e arɨ pɨpe katu tovɨapi eme pe arɨve

San Lucas 21:36

Sese peyemoigätura, peyerurera arɨ yakatu rupi, pesë va'erä opakatu ko mba'e-mba'e tëi oime va'e sui peyemboyekwa va'erä Tüpä Ra'ɨrɨ rovai.”

Romanos 13:11

Iyavei peikwa tuprɨ ko mba'e oime va'e yandeu, kurïtëi arɨ osupitɨ ite yande yemopoäse agwä. Esepia yande ñepɨsɨrösa köimi ete sekoi yɨpɨndar va'e sui, yaroyase iñe'ëngagwer sereko.

1 Corintios 16:13

Pema'emo'ä peyese, peyemovɨräkwä avei Jesús rese pe yeroyasa pɨpe, peñemosaño katu pe kwaita upe, peikoveño itera Tüpä pirätäsa pɨpe.

1 Tesalonicenses 5:6

sese ndayaikoi chira ko ambuae yuvɨroke tëi va'e nungar; iyakatu rumo yande yayemopoäse yande pɨ'añemoñeta tuprɨsa pɨpe.

1 San Pedro 4:7

Vɨrovɨ rumo arɨ ipa va'e opakatu mba'e kañɨ agwä. Sese peikora yapɨsakasa pɨpe yeruresa pɨpe avei.

1 San Pedro 5:8

Pearakwa kañɨi rene peyesui, pema'emo'ä arɨ rupi peyese, esepia pe amotare'ɨ̇mbar Karugwar pe reko momarä pota yepi inungar yagwar oñarö va'e ogwata tëi oporoeka tamomarä ava oyapave.

Apocalipsis 16:15

“Peyapɨsaka tuprɨ che ñe'ë rese, che avɨyeteramo tëi ayura imondarai va'e nungar kuri. Sorɨvetera akoi ava ima'emo'ä va'e oyemonde tuprɨ va'e gwembiapo avɨye va'e pɨpe, a'ese nochi chietera oiko che sui.”