San Mateo 24:36 - Tüpä Ñe'ëngagwer

³⁶ “Ndipoi ete rumo ava oikwa va'e arɨ imombe'uprɨ che yevɨ agwä, mbigwai eta ɨva pendar avei ndoikwai yuvɨreko, che avei ndaikwai ete. Che Ru gweraño ite rumo oikwa.

Tũpa Ñehengagüer

³⁶ “Ndipoi eté rumo ava oicua vahe arɨ iyavei hora che yevɨ ãgua. Ɨva pendar che Ru rembiguai avei ndoicuai yuvɨreco. Che avei ndaicuai eté. Che Ru güeraño ité rumo oicua.

San Mateo 24:36 Iomraidhean Croise

San Mateo 24:42

“Pema'emo'ä peyese yepi esepia ndapeikwai mba'e arɨ pɨpe che pe Yar ayevɨra.

San Mateo 24:44

Egwë peye aveira peyemoigätu; esepia ni'ä che ava ɨvate katu va'e Ra'ɨrɨ aporoesapɨ'a tëira vitu kuri.”

San Mateo 25:13

“Pe evokoiyase pema'emo'ära peyese–aipo e'i iri Jesús–, esepia ni'ä ndapeikwai ete mba'e arɨ pɨpe che ayevɨra vitu.”

San Marcos 13:32

“Ndipoi ete rumo ava oikwa va'e arɨ che yevɨ agwä, iyavei che Ru rembigwai ɨva pendar avei ndoikwai yuvɨreko, Che avei ndaikwai ete. Che Ru gweraño ite rumo oikwa.

Los Hechos 1:7

Jesús omboyevɨ chupe: –Ndiyai a'e arɨ kwa agwä peü esepia Tüpä gweraño ite vɨreko omborerekwasa a'e mba'e apo agwä;

1 Tesalonicenses 5:2

Esepia peikwa tuprɨ ko yande Yar arɨ oyepotara imo'ä e'ɨ̇sa pɨpe, inungar akoi imondarai va'e oyepota pɨ̇tü pɨpe.

2 San Pedro 3:10

Yande Yar arɨ yande resapɨ'a tëira inungar imondarai va'e ou pɨ̇tü pɨpe yepi. A'ese ɨva okañɨ tuprɨ tëira vɨapugwer ipirätä va'e pɨpe kuri, opakatu mba'e yapoprɨ opara yuvɨrokai, ipɨpe sui ko ɨvɨ opakatu ipor reseve okañɨ tëietera.

Apocalipsis 16:15

“Peyapɨsaka tuprɨ che ñe'ë rese, che avɨyeteramo tëi ayura imondarai va'e nungar kuri. Sorɨvetera akoi ava ima'emo'ä va'e oyemonde tuprɨ va'e gwembiapo avɨye va'e pɨpe, a'ese nochi chietera oiko che sui.”

Apocalipsis 3:3

Peyemoma'endu'a akoi porombo'esa peipɨsɨ va'e rese; pepoi rene ichui peyevɨ katu Tüpä upe. Ndapeyemovɨräkwäise rumo, asora peü inungar imondarai va'e, egwë a'era vicho pe resapɨ'a.