San Mateo 24:29 - Tüpä Ñe'ëngagwer

²⁹ “A'e arɨ pɨpe mba'e-mba'e tëi pare kurïtëimi ndoyekwa iri chira arɨ, yasɨ ndosesape iri chira, yasɨtata avei opara ovɨapi ɨva sui, iyavei ɨva resendar mba'e orɨrɨira yuvɨreko.

Tũpa Ñehengagüer

²⁹ “Ahe arɨ pɨpe mbahe-mbahe tẽi pare cũriteimi ndoyecua iri chira arɨ, yasɨ avei ndosesape iri chira, yasɨtata avei opara ovɨapi ɨva sui iyavei ɨva resendar mbahe orɨrɨira yuvɨreco.

San Mateo 24:29 Iomraidhean Croise

San Mateo 24:21

esepia a'e arɨ oimerä paraisusa gwasu a'e yɨpɨ suive ndasepiasai va'e araka'e ipare ndipo iri chietera evokoi nungar.

San Mateo 24:8

Opakatu evokoi mba'e omboɨpɨ ramomi va'e mba'e tëi porarasa.

2 San Pedro 3:10

Yande Yar arɨ yande resapɨ'a tëira inungar imondarai va'e ou pɨ̇tü pɨpe yepi. A'ese ɨva okañɨ tuprɨ tëira vɨapugwer ipirätä va'e pɨpe kuri, opakatu mba'e yapoprɨ opara yuvɨrokai, ipɨpe sui ko ɨvɨ opakatu ipor reseve okañɨ tëietera.

Apocalipsis 8:12

Imoirugätusa mbigwai ɨva pendar omoñe'ë gwemimbɨ, ipare arɨ mombosapɨsa ya'okwer imegwä, yasɨ mombosapɨsa ya'okwer, yasɨtata mombosapɨsa ya'okwer aveino. Ichui imombosapɨsa ya'okwer ndosesape iri yuvɨreko arɨ mombosapɨsa ya'okwer pɨpe, pɨ̇tü mombosapɨsa ya'okwer pɨpe aveino.