San Mateo 24:24 - Tüpä Ñe'ëngagwer

²⁴ Esepia yugwerura nda'ei va'e Poropɨsɨrösar nda'ei va'e avei Tüpä ñe'ë mombe'usar; ipare oyapora poromondɨisa gweko pirätäsa mboyekwa agwä yuvɨreko oporombopa agwä, egwë e'i aveira Tüpä rembiporavo upe yuvɨreko.

Tũpa Ñehengagüer

²⁴ Esepia, yugüerura ava ‘che Poropɨ̃sɨrosar aico’ ehi tẽi vahe iyavei ‘che amombehu vahe Tũpa Ñehengagüer’ ehi angahu tẽi vahe; iyavei oyapora mbahe ava ndoyapoi vahe poromondɨisa güeco pĩratasa mboyecua ãgua yuvɨreco. Ipɨpe osecoãhara Tũpa rembiporavo imbopa ãgua yuvɨreco.

San Mateo 24:24 Iomraidhean Croise

San Mateo 22:14

Esepia seta tëi icho'oprɨ, movɨrö tëi rumo iporavoprɨ.”

San Mateo 24:11

Seta aveira Tüpä ñe'ë mombe'usar anga'u tëi va'e, iyavei seta ombopa ava yuvɨreko no.

San Mateo 24:22

Iyavei nomombɨtu'uise Tüpä ko arɨ naporäi va'e, ndipoi chietera oñepɨsɨrö va'e yuvɨreko viña; a'e rumo gwembiporavo raɨsusa pɨpe omombɨtu'u ñoitera kuri.”

San Mateo 24:25

Opa aipo ko senondeve amombe'u peü.

San Mateo 24:31

Iyavei amboura mbigwai eta ɨva pendar, a'e evokoiyase gwemimbɨ omoñe'ë pirätära opakatu che rembiporavo ko ɨvɨ rupindar amombrɨ rupi yuvɨrekoi va'e monu'ä agwä.”

San Mateo 24:5

Esepia ni'ä seta ava yugwerura che rer pɨpe. Aipo e'ira yuvɨreko: ‘Che aiko Poropɨsɨrösar’, iyavei ombopa atɨra ava yuvɨreko.

San Mateo 7:15

“Peñearö ava semirañeteai va'e sui oñe'ë tuprɨ tëi va'e Tüpä rese. A'e yugwerura peü ndoyavɨi chira ovesa ndaseko maräi va'e yuvɨreko, ipɨ'a pɨpe rumo sekokwer avɨye ma'embiar oñaröai va'e.

San Marcos 13:22

Esepia yugwerura ava che Poropɨsɨrösar aiko e'i tëi va'e iyavei che amombe'u Tüpä ñe'ëngagwer e'i va'e; iyavei oyapora mba'e ava ndoyapoi va'e poromondɨisa gweko pirätäsa mboyekwa agwä yuvɨreko. Avɨyeteramo ombopa aveira ava Tüpä reroyasar.

San Lucas 18:7

Supiete, ¿nda'ei chira pi'ä Tüpä avei oipɨsɨröra gwembiporavo, oyeupe yeruresar arɨ, pɨ̇tü rupi yepi? ¿Osärö uka tëira pi'ä?

San Juan 4:48

Jesús omboyevɨ chupe: –Pe ndache reroyai ete peye, ndapesepiaise mba'e poromondɨisa che rembiapo.

San Juan 6:37

Opakatu ombou va'e ava che Ru cheu, cheu ni'ä yugwerura; akoi yugweru va'e cheu aipɨsɨra; namomboi chietera che yesui.

San Juan 6:39

Iyavei che mbousar ndoipotai ete ñepëi ava ombou va'e cheu amokañɨrä, a'e oipota ambogwerayevɨra arɨ ipa va'e pɨpe kuri.

Los Hechos 20:16

Pablo ipoyava ite, esepia ndopɨta puku potai Asia ve, sese ndoso potai Éfeso ve; esepia oyepota voi pota Jerusalén ve oso, Pentecostés pieta pɨpe tuprɨ gweko agwä.

Romanos 12:18

Peikatu va'e rupi peseka pe reko tuprɨ agwä opakatu ava rese.

Gálatas 4:15

¿Marä peye pevɨ'aretesa rereko kurïtëi? Ndacheremiräi chietera aipo peü, esepia supiete penosera revo pembou va'erä peresa cheu viña.

2 Timoteo 2:19

Tüpä rumo omondo mba'e movɨräkwä tuprɨ agwä, sese ikwachiasa va'e pɨpe aipo e'i: “Yande Yar oikwa ite oyeupendar ava”, iyavei “Opakatu yande Yar rer vɨreko va'e, toyepepɨ mba'e naporäi va'e sui yuvɨreko yepi.”

1 San Pedro 1:5

Poreroyasa pereko va'e Tüpä rese, ipɨpe sui a'e pe repɨ opirätäsa pɨpe mba'e tëi sui peiko va'erä poropɨsɨrösa imoigätuprɨ pɨpe, iyavei a'e oikwa ukara peü arɨ ipa va'e pɨpe kuri.

2 San Pedro 3:17

Che rɨvrɨ, che rembiaɨsu, peikwa ite ni'ä evokoi mba'e, sese peñearö tuprɨra pe yembopa uka e'ɨ̇ agwä ava ndiporeroyai va'e upe Tüpä rese pe rekokwer yemovɨräkwäsa sui pe yepepɨ e'ɨ̇ agwä.

1 San Juan 2:18

Che ra'ɨreta, ko arɨ ipa va'e ite yandeu. Pesendu avei akoi ou va'erä Cristo amotare'ɨ̇mbar; esepia kurïtëi seta oyemboyekwa Cristo amotare'ɨ̇mbar yuvɨreko. Sese yaikwa arɨ ipa va'e yepota agwä.

1 San Juan 2:22

¿Uma pi'ä semiräñeteai va'e? A'e akoi Jesús nda'ei Poropɨsɨrösar e'i va'e. A'e Cristo amotare'ɨ̇mbar yuvɨrekoi, esepia ndovɨroyai yande Ru Tüpä Ta'ɨrɨ avei yuvɨreko.

1 San Juan 5:18

Yaikwa ni'ä vɨreko va'e Tüpä opɨ'a pɨpe, a'e ndoyapo iri angaipa, esepia Tüpä Ta'ɨrɨ osärö evokoi nungar, ichui karugwar ndopokoi ete sese.

Apocalipsis 19:20

Ko mba'e ɨpɨ vai yɨpɨndar va'e sokendasa, oyoya evokoi Tüpä ñe'ë mombe'usar anga'u tëi va'e rese, a'e akoi oyapo va'e mba'e yavairai va'e yɨpɨndar mba'e ɨpɨ vai rovake. Evokoi mba'e yavairai va'e apo pɨpe ombopa-mbopa tëi ava, akoi seroyasar vɨreko va'e mba'e ɨpɨ vai rer oyese iyavei omboetei va'e sa'anga yuvɨreko. Evokoiyase ko mba'e ɨpɨ vai iyavei Tüpä ñe'ë mombe'usar anga'u tëi, opa imombosa sekove reseve ɨpa azufre okai va'e pɨpe yuvɨreko.