San Mateo 24:14 - Tüpä Ñe'ëngagwer

¹⁴ Iyavei ko ñe'ësa ikatuprɨ va'e Tüpä mborerekwasa resendar imombe'usapa ranera opakatu ɨvɨ rupi, ikwa uka agwä; a'ese ramo ite oimerä kañɨsa.”

Tũpa Ñehengagüer

¹⁴ Iyavei co ñehesa icatuprɨ vahe Tũpa mborerecuasa resendar imombehusapa ranera opacatu ɨvɨ rupi icua uca ãgua. Ahese ramo oimera cañɨsa co ɨvɨ pɨpe” ehi oreu.

San Mateo 24:14 Iomraidhean Croise

San Mateo 10:7

Peso pemombe'u avei Tüpä mborerekwasa köimi sekoi peyera.

San Mateo 18:19

Ko amombe'u pota peü: Ñuvɨrïo pe pa'ü pendar oyoya tuprɨse ipɨ'a ñemoñetasa ko ɨvɨ pɨpe oporandu agwä mba'e rese yeruresa pɨpe, che Ru ɨva pendar evokoiyase omondora peü.

San Mateo 24:3

Ipare yuvɨraso ka'a Olivos ve. A'eve Jesús ogwapɨ öi, ichui semimbo'e eta oyemboya oporandu agwä mba'e rese kokotɨ yuvɨreko chupe: –Oroipota eremombe'u oreu mba'ese vo oimerä aipo nungar. ¿Mba'e poromondɨisa rese rane vo ikwasara nde yu agwä iyavei arɨ kañɨ agwä kuri?

San Mateo 24:6

Pesendura ñe'ësa vavasa resendar ko'ave iyavei ambuae rupi; ndapeyembosɨkɨyei chira rumo ichui, esepia egwë e'i rane itera ni'ä; nde'i vɨtei chietera rumo arɨ kañɨsa.

San Mateo 4:23

Jesús ogwata opakatu Galilea ɨvɨ rupi, oporombo'e oɨ judío ñemonu'äsave tekwa yakatu rupi. A'eve ñe'ësa avɨye va'e omombe'u Tüpä mborerekwasa resendar, ombogwera avei opakatu-katu tëi mba'erasɨsa ava vɨreko va'e sui.

San Mateo 9:35

Jesús ogwatapa opakatu tekwa-tekwami rupi iyavei oporombo'e oɨ judío ñemonu'äsa yakatu rupi. Omombe'u tekovesa avɨye va'e Vu mborerekwasa resendar, iyavei oporombogwera opakatu-katu tëi mba'erasɨsa sui aveino.

San Marcos 13:10

Kañɨ renonde rumo, ko ñe'ësa pɨsɨrösa resendar opakatu rane ite ava upe ikwa ukasara ɨvɨ rupi.

San Lucas 2:1

Yɨpɨndar mborerekwar gwasu Augusto oporokwai oiko, oime va'erä yekwachiasa opakatu tekwa rupi.

San Lucas 24:47

iyavei serer pɨpe opakatu ɨvɨ yakatu rupi imombe'usara ava yevɨ agwä Tüpä upe, iñeröi agwä avei peangaipagwer rese peü. Omboɨpɨra rumo Jerusalén sui tuprɨ,

San Lucas 4:5

Ichui karugwar vɨraso omboyekwa va'erä opakatu tekwa ɨvɨ pɨpendar chupe,

Los Hechos 1:2

okwerayevɨre ɨvave oso renondeve. Jesús omombe'u oporokwaita Espíritu Maräne'ɨ̇ pirätäsa pɨpe gwembiporavo Jesús ñe'ë mombe'usar upe sembiaporä.

Los Hechos 11:28

Ñepëi ipa'ü pendar, Agabo serer va'e, Espíritu pirätäsa pɨpe opü'a omombe'u ñe'ësa ou va'erä tɨavor tuvicha va'e opakatu ɨvɨ rupi, a'e egwë e'i ete, mborerekwar ɨvate katu va'e Claudio rekose.

Los Hechos 17:31

Esepia Tüpä oiporavo arɨ opakatu ava rekokwer rese porandu uka agwä, ñepëi gwembiporavo rupi; ichui toikwa opakatu yuvɨreko oyapave ombogwerayevɨ omano va'e pa'ü sui.”

Los Hechos 17:6

ndoyosɨise rumo a'eve yuvɨreko, ombotɨrɨrɨ Jasón seraso iyavei ambuae yuvɨrekoi va'e Jesús reroyasar mborerekwa eta tekwa pɨpendar rovai, vɨroäse gwasu sereko yuvɨreko: –¡Ko mbɨa yuvɨrekoi va'e vɨrova va'e ava pɨ'a ñemoñetasa opakatu tekwa rupi yuvɨreko, kurïtëi yugweru avei ko'ave,

Los Hechos 19:27

Esepia avɨyeteramo mba'e tëi oimerä yandeu yande poravɨkɨsa mokañɨ tëi agwä, tüpäro gwasu Artemisa upendar okañɨ tëi aveira, opakatu Asia pendar iyavei ava opakatu ɨvɨ rupindar omboetei akoi Artemisa ra'anga yuvɨreko viña, avɨyeteramo rumo ava nomboete iri chira.”

Los Hechos 20:25

“Iyavei opa Tüpä mborerekwasa amombe'u peü, che rumo aikwa ndache repia iri chira peye.

Romanos 10:18

Che rumo aporandu: ¿Avɨyeteramo ndosendui ñe'ësa avɨye va'e yuvɨreko? ¡Supiete osendu yuvɨreko! Esepia Ikwachiaprɨ pɨpe aipo e'i: “A'e iñe'ë yuvɨreko opa ite ikwasa opakatu ɨvɨ rupi, iyavei opakatu ɨvɨ rupi osendu iñe'ë yuvɨreko.”

Colosenses 1:23

Egwë peye agwä rumo peyemovɨräkwä ñoitera Cristo rese pe yeroyasa pɨpe yepi, ndapeyepepɨi chiaveira mba'e oime va'erä rese pe yeroyasa sui pesendu va'e ko ñe'ësa ñepɨsɨrösa resendar pɨpe. A'e imombe'usa opakatu ɨvɨ rupi, che ni'ä Pablo, ikwaiprɨ aiko ko ñe'ësa mombe'u agwä.

Colosenses 1:6

ko ñe'ësa imombe'usa avei opakatu peü. Ko ñe'ësa seta ava oipɨsɨ tuprɨ avei yuvɨreko ko ɨvɨ pɨpe, inungar akoi pesenduse yɨpɨndar Tüpä porovasasa resendar ñe'ësa, ipɨpe sui peikwa tuprɨ katu a'e porovasasa supiete va'e.

Hebreos 1:6

Ichui rumo ombouse Gwa'ɨrɨ ñepëi va'e ko ɨvɨ pɨpe, aipo e'i: “Tomboetei opakatu mbigwai Tüpä suindar yuvɨreko.”

Hebreos 2:5

Tüpä nomondoi mbigwai ɨva pendar povrɨve ko ɨvɨ oime va'e, sese akoi oroñe'ë va'e peü.

Apocalipsis 14:6

Evokoiyase asepia ambuae mbigwai ɨva pendar oveve va'e ɨva mbɨter rupi iyavei vɨreko Tüpä ñe'ëngagwer pɨsɨrösa resendar ndopai va'e imombe'u agwä opakatu ava ko ɨvɨ pɨpendar upe, opakatu ɨvɨ rupindar upe, ava ambuae va'e upe, iñe'ë ambuae va'e upe, opakatu tekwa rupindar upe aveino.

Apocalipsis 16:14

Ko karugwar suindar yuvɨrekoi, a'e oyapo poromondɨisa mba'e mboyekwasa yuvɨreko, ipare opa yuvɨnosë opakatu ɨvɨ rupi mborerekwareta ɨvate katu va'e monu'ä agwä vavasave narä, akoi arɨ kañɨ pɨpe Tüpä mba'e mboavaisare'ɨ̇ amotare'ɨ̇save.

Apocalipsis 3:10

Esepia peroya ite che porokwaita, peyemovɨräkwä ite evokoi mba'e tëi upe peiko, evokoiyase che opoepɨra akoi arɨ tekoa'äsa ouse opakatu ɨvɨ rupindar upe kuri.