San Mateo 23:39 - Tüpä Ñe'ëngagwer

³⁹ iyavei aipo a'e peü, ko suive tuprɨ, ndache repiai chira peye akoi aipo peye rane itera, ‘¡Imboeteiprɨ yande Yar remimbou tasekoi!’ ”

Tũpa Ñehengagüer

³⁹ Esepia, ndache repiai chira peye acoi, ‘¡Imboeteiprɨ Yar remimbou tasecoi!’ peyese voi che repia irira peye” ehi Jesús ava eta upe.

San Mateo 23:39 Iomraidhean Croise

San Mateo 21:9

Seta iteanga ava yuvɨraso senonde, sakɨkwerindar avei, a'e säse yuvɨreko: –¡Imboeteiprɨ tasekoi mborerekwar David Ra'ɨrɨ! ¡Sovasaprɨ sekoira ou va'e yande Yar rer pɨpe! ¡Imboeteiprɨ avei tasekoi ɨva pendar!

San Lucas 17:22

Aipo e'i gwemimbo'e eta upe: –Oyepotara arɨ peipota tëira aiko va'erä pe pɨri ñepëi arɨ rupi yande Yar ra'ɨrɨ che rekosa pɨpe, ndache repia iri chira rumo peye.

San Juan 14:19

Koiye katumi, yuvɨrekoi va'e ko ɨvɨ pɨpendar ndache repia iri chietera yuvɨreko; pe rumo che repia itera peye, iyavei peikoveño itera esepia che avei ni'ä aikovera.

San Juan 14:9

Jesús omboyevɨ chupe: –Felipe, che aiko kurïtëi ko'ave seta arɨ pepa'üve, ¿ndachekwa vɨtei ete vo peye? Akoi che repiasar rumo, a'e osepia avei che Ru; ¿ma'erä vo ereporandu torosepia nde Ru ere cheu?

San Juan 8:21

Jesús rumo aipo e'i iri: –Che asose, pe che reka tëira peye, pemanopara pe angaipa pɨpe. Che asosave ndapeikatui chietera peso va'erä.

San Juan 8:24

Sese ni'ä akoi aipo a'e peü pemanopa itera angaipa pɨpe; esepia ndache reroyaise peye Che Aikose, pemanopa itera angaipa pɨpe.

San Juan 8:56

Pe ramoi Abraham araka'endar, oyembovɨ'arete ite esepia ni'ä osepiara che arɨ oiko; ipare rumo osepia ite, ichui ovɨ'arete opɨ'a pɨpe.

Romanos 11:25

Che rɨvrɨ eta, che aipota peikwa va'erä Tüpä sui mba'e ndikwasai va'e, oyemboɨvateai e'ɨ̇ agwä yuvɨreko: esepia Israel ɨgwar movɨrö kokotɨ tëi ipɨ'a ñemoñeta va'e yuvɨreko, ko rese egwë e'i opakatu yuvɨroikepa rane itera ava nda'ei va'e Israel pendar yuvɨreko.