San Mateo 23:3 - Tüpä Ñe'ëngagwer

³ Sese, iya peroyaño iyavei peyapo opakatu mba'e semimombe'u; anichira rumo peikora sembiapokwer rupi, esepia a'e omombe'u tuprɨ tëi mba'e, ipare rumo kokotɨ tëi mba'e oyapo yuvɨreko.

Tũpa Ñehengagüer

³ Sese iya peroyaño ité iyavei peyapo opacatu mbahe semimombehu; aní chira rumo peyapo mbahe sembiapo ai. Esepia, omombehu tuprɨ tẽi mbahe viña, ipare rumo co cotɨ tẽi mbahe oyapo yuvɨreco.

San Mateo 23:3 Iomraidhean Croise

San Mateo 21:30

Ipare iyesupa oso ambuae gwa'ɨrɨ upe aipo e'i tuprɨ avei. A'e omboyevɨ chupe: ‘Asora cheru, e'i anga'u tëi’ Ipare rumo ndosoi ete.

San Mateo 23:2

“Ko Moisés porokwaita rese oporombo'e va'e iyavei fariseo eta, a'e ikwaita oporombo'e Moisés porokwaita mombe'u agwä yuvɨreko.

San Mateo 23:4

Oñapɨ̇chi vosɨisa iposɨi va'e ndayasupi katui va'e, iyavei omondo ava achi'ɨ arɨve, a'e rumo ndopoko potai ete sese ñepëi ökwä pɨpe angara yuvɨreko viña.

Los Hechos 5:29

Pedro, omboetasa reseve, omboyevɨ pa'i rerekwar ɨvate katu va'e upe yuvɨreko: –Ore kwaita ite Tüpä mboyeroya agwä nda'ei chira rumo ava tëi rane oromboyeroyara.

Romanos 13:1

Opakatu mborerekwar yuvɨrekoi va'e pemboyeroyara. Esepia ndipoi mborerekwar ndovɨrekoi va'e okwaita Tüpä suindar, ko oime va'e rumo semimbou ite.

2 Timoteo 3:5

A'e inungar-ra Tüpä rese ite yuvɨrekoi va'e viña. Tüpä pirätäsa rumo nomboyekwai chietera gwembiapo pɨpe yuvɨreko oyese. Sese nde, eyepepɨño evokoi nungar ava sui.

Tito 1:16

Aikwa Tüpä e'i tuprɨ tëi yuvɨreko, mba'e sembiapo rese rumo ikwasa seroya e'ɨ̇sa; a'e ni'ä ava ndosepia potai va'e, ndiporeroyai va'e ndoikatui mba'e avɨye va'e apo yuvɨreko yepi.