San Mateo 23:27 - Tüpä Ñe'ëngagwer

²⁷ “¡Peparaɨsu katu itera, pe Moisés porokwaita rese oporombo'e va'e, fariseo peiko va'e avei, inungar ava oñe'ë ñotëi va'e tekokwer rese yuvɨreko yepi!, pe rekokwer inungar tuvɨpa imomorochimbrɨ tëi, i'arɨve tëi ikatuprɨ chupe, ipɨpe rumo te'ögwer kangwer iyavei opakatu mba'e yavaete va'e ovɨreko oyese.

Tũpa Ñehengagüer

²⁷ “¡Peparaɨsu catu itera, pe Moisés porocuaita rese oporombohe vahe, fariseo peico vahe, peyapo angahu tẽi vahe mbahe pe recocuer pɨpe peico! Pe recocuer inungar tuvɨpa imomorochimbrɨ tẽi. Iharɨve tẽi icatuprɨ chupe. Ipɨpe rumo tehõgüer cangüer iyavei opacatu mbahe yavaeté vahe ovɨreco oyese.

San Mateo 23:27 Iomraidhean Croise

San Mateo 23:28

Egwë e'i perekokwer: ava rembiepiave avɨye pe reko i'ɨ̇vi va'e viña, pepɨ'a pɨpe rumo oime pe porombopasa iyavei opakatu mba'e-mba'e tëi naporäi va'e.”

San Lucas 11:44

¡Peparaɨsu peiko, esepia pe rekokwerai inungar te'ögwer ruvɨpa ikwa e'ɨ̇se ava ogwata i'arɨ rupi yuvɨreko!”

Los Hechos 23:3

A'ese Pablo omboyevɨ chupe: –¡Tüpä nde nupara, nde inungar ava oñe'ë ñotëi va'e tekokwer rese yepi! Nde ni'ä eregwapɨ ëi mba'e rese porandu agwä, porokwaita rupi cheu, ¿ma'erä vo ereporokwai che rese yuvɨrokwa va'erä mborokwaita mboyeroya e'ɨ̇sa pɨpe?

Gálatas 6:12

Evokoi ava pe mbocircuncida uka pota va'e gwemimbotar rupi tëi, a'e yuvɨropɨta tuprɨ va'erä egwë e'i ava rese yuvɨreko, esepia ndoipotai oamotare'ɨ̇ ko ñe'ësa Cristo atɨka agwer mombe'u pɨpe yuvɨreko.