San Mateo 23:26 - Tüpä Ñe'ëngagwer

²⁶ ¡Pe fariseo ndaperesapɨsoi va'e: yɨpɨndar pemoatɨrö rane ɨgwa rɨru ipɨpe kotɨ, ichui egwë e'i aveira opɨta ikatuprɨ ikupe kotɨ no!”

Tũpa Ñehengagüer

²⁶ ¡Pe fariseo peico vahe, ndapepɨhañemoñetai vahe mbahe pe rembiapo ai rese, pemoatɨro rane pe pɨha pɨpe mbahe yavaeté vahe sui! Ahese ramo pe rembiapo icatuprɨra cute.

San Mateo 23:26 Iomraidhean Croise

San Mateo 12:33

“Ɨvɨra avɨyese, i'a avei avɨyera; ɨvɨra naporäise, i'a avei naporäi chira; sese ɨvɨra ikwasa i'a tuprɨsa rese.

San Mateo 14:8

Evokoiyase a'e kuñatäi oyeupe osɨ remimombe'u rupi, aipo e'i Herodes upe: –Embou Juan Oporoapirämo va'e akä tembi'u rɨru pɨpe cheu.

San Marcos 7:4

Mba'e rerokwasa sui oyevɨse, ndokarui oyepoi e'ɨ̇ vɨteseve yuvɨreko. Iyavei tekokwer araka'endar tëi oyapo vɨte yuvɨreko, inungar ɨgwa rɨru pɨisa, mba'e rɨru gwarepochi apoprɨ iyavei vupa moatɨrö tuprɨsa rese.)

San Lucas 11:39

Yande Yar rumo aipo e'i chupe: –Pe fariseo peiko va'e pemoatɨrö ɨgwa rɨru iyavei tembi'u rɨru ikupe rupi tëi, ipɨpe rupi rumo pe egwë e'i tuprɨ avei pe rekokwer pe monda raisave mba'e-mba'e tëi pe reko pɨpe.

San Lucas 6:45

Ava seko katuprɨ va'e omombe'u mba'e avɨye va'e esepia vɨreko mba'e tuprɨ opɨ'a pɨpe, iyavei akoi ava ndasekoporäi va'e omombe'u mba'e naporäi va'e avei esepia vɨreko mba'e tëiete opɨ'a pɨpe. Esepia pe pɨ'a pɨpe sui tëi osë peñe'ë agwä.”

2 Corintios 7:1

Che rɨvrɨ eta, che rembiaɨsu, ko Tüpä remimombe'u imboavɨyepɨrä yandeu. Sese yande yamoigätu tuprɨra yande rekokwer chupe yareko e'ɨ̇ agwä yande retekwer angaipa pɨpe, inungar yande rete iyavei yande rekokwer pɨpe; iyavei Tüpä mboeteisa pɨpe yasekara yande reko katuprɨ agwä chupe narä gweraño ite.

Hebreos 10:22

Sese yayemboya katura Tüpä rese yande pɨ'añemoñeta tuprɨsa pɨpe iyavei yande yeroyasa ipa voi va'e pɨpe, supiete a'e opa yande reko mbokatuprɨ yande pɨ'añemoñeta raisa sui iyavei omoatɨrö yande rete ɨ maräne'ɨ̇ pɨpe.

Santiago 4:8

Peyemboya Tüpä rese, a'e evokoiyase oyemboyara pe rese. ¡Peñemoatɨrö mba'e peyapo va'e sui! ¡Iyavei pemoatɨrö pe pɨ'a ñemoñetasa, pesaɨsu pota va'e Tüpä a'e pɨpe avei pesaɨsu mba'e ko ɨvɨ pɨpendar!