San Mateo 23:13 - Tüpä Ñe'ëngagwer

¹³ “¡Peparaɨsu katu itera pe Moisés porokwaita rese oporombo'e va'e iyavei pe fariseo peiko va'e, pe inungar ava oñe'ë ñotëi va'e tekokwer rese yuvɨreko yepi!, pemombɨtaño ava Tüpä povrɨve seike rägwer sui yepi. Pe avei ete ndapeikei ipovrɨve, iyavei akoi yuvɨroike pota va'e pemombɨtaño seike rägwer sui.

Tũpa Ñehengagüer

¹³ “¡Peparaɨsu catu itera pe Moisés porocuaita rese oporombohe vahe iyavei pe fariseo peico vahe, pe seco tuprɨ angahu tẽi vahe peico! Pemombɨtaño ava Tũpa povrɨve seique rãgüer sui peico yepi. Pe avei eté ndapeiquei ipovrɨve, iyavei acoi yuvɨroique pota vahe pemombɨtaño seique rãgüer sui.

San Mateo 23:13 Iomraidhean Croise

San Mateo 23:16

“¡Peparaɨsu katu itera, pe ava mbo'esar ndasesapɨsoi va'e nungar peiko!, pe aipo peye tëi va'e: ‘Yamombe'use mba'e tüpäro rer pɨpe, yande ñe'ë mboavɨye agwä, egwë ya'e tëiete; ko rumo yamombe'use mba'e oro tüpäro pendar rer pɨpe, a'ese iya itera yamboavɨye yepi.’

San Mateo 23:23

“¡Peparaɨsu katu itera, pe Moisés porokwaita rese oporombo'e va'e iyavei pe fariseo peiko va'e, pe inungar ava oñe'ë ñotëi va'e tekokwer rese yepi!, yepe pemondo ñepëi-pëi imboopayandepo yovaivesa pe remitɨ̇ menta, anís, comino pereko va'e sui ñepëi Tüpä uve narä viña, pe rumo pepoi ko porombo'esa avɨye katu va'e porokwaita sui, peyapora mba'e i'ɨ̇vi va'e, peporoparaɨsuerekora iyavei pemboavɨye tuprɨra pe kwaita yepi. Ko nungar peyapora peiko, ndaperesarai chira ambuae mba'e peyapo agwä sui.

San Mateo 23:25

“¡Peparaɨsu itera pe Moisés porokwaita rese oporombo'e va'e iyavei pe fariseo peiko va'e, pe inungar ava oñe'ë ñotëi va'e tekokwer rese yuvɨreko yepi!, esepia inungar ɨgwa rɨru iyavei tembi'u rɨru ikupe rupi tëi yoseiprɨ, ipɨpe rumo ikɨ'a opɨtaño ite, egwë e'i avei pe rekokwer pe monda raisa pɨpe.

San Mateo 23:27

“¡Peparaɨsu katu itera, pe Moisés porokwaita rese oporombo'e va'e, fariseo peiko va'e avei, inungar ava oñe'ë ñotëi va'e tekokwer rese yuvɨreko yepi!, pe rekokwer inungar tuvɨpa imomorochimbrɨ tëi, i'arɨve tëi ikatuprɨ chupe, ipɨpe rumo te'ögwer kangwer iyavei opakatu mba'e yavaete va'e ovɨreko oyese.

San Mateo 23:29

“¡Peparaɨsu katu itera pe Moisés porokwaita rese oporombo'e va'e, pe fariseo peiko va'e, inungar ava oñe'ë ñotëi va'e tekokwer rese yuvɨreko yepi!, esepia pemoigätu Tüpä ñe'ë mombe'usar ruvɨpagwer peiko sese pe yemoma'endu'a agwä iyavei pemoporañeteai tëi ava seko i'ɨ̇vi va'e ruvɨpagwer yepi viña,

San Mateo 3:7

Juan osepiase ava fariseo eta iyavei saduceo eta, yuvɨraso oñeapirämo agwä chupe viña, a'e rumo aipo e'i: “¡Pe mboi mboetasa tëi peiko! ¿Ava vo pesëra Tüpä ñemoɨrösa ou va'erä sui e'i tuprɨ tëi peü?

San Lucas 11:52

“¡Peparaɨsu pe, Moisés porokwaita rese oporombo'e va'e!, peae tëi pe mba'ekwasa pesokenda tuprɨño sereko; esepia ni'ä pe avei ndape mboavɨyei porokwaita ndapeipotai avei ambuae ava upe imboavɨye uka agwä.”

San Juan 9:22

Iyesupa rumo osɨkɨyepave tëi aipo e'iño yuvɨreko, esepia judío eta opa ite oyemoigätu yuvɨreko imombo agwä oɨ judío ñemonu'äsa sui ava vɨroya va'e Jesús Poropɨsɨrösar sekoise e'i va'e.

San Juan 9:24

Judío eta oyevɨ iri oñe'ë akoi ndasesapɨsoi va'ekwer upe, aipo e'i yuvɨreko chupe: –Emombe'u oreu mba'e supi tuprɨ va'e Tüpä rovai. Esepia ore oroikwa ite evokoi mbɨa angaipa viyar sekoise.

San Juan 9:34

Evokoiyase aipo e'i yuvɨreko chupe: –Nde evokoiyase ereyesu tëi va'e angaipa pɨpe, ¿ore mbo'e pota mba'e rese eve? Ipare omombo oɨ judío ñemonu'äsa pɨpe sui yuvɨreko.

Los Hechos 13:8

Ipaye va'e rer griego ñe'ë pɨpe Elimas, a'e ndovɨroya ukai gwerekwar upe ñe'ësa supiete va'e.

Los Hechos 5:28

–Ore oroiko va'e, ndoroipotai ete peporombo'e agwä evokoi mbɨa rekokwer rese. ¿Iyavei pe mba'e vo peyapo peiko? Opa ite oikwa peporombo'esa opakatu Jerusalén pɨpe yuvɨreko, iyavei oremoangaipa pota peye evokoi mbɨa yuka agwer rese.

Los Hechos 5:40

Ichui rumo gweru iri Jesús ñe'ë mombe'usar inupa uka agwä yuvɨreko, iyavei iñe'ë iri e'ɨ̇ agwä Jesús rese; inupa pare opa omose yuvɨreko.

Los Hechos 8:1

Iyavei Saulo a'eve sekoi, osepia ite Esteban oyukase yuvɨreko. A'e arɨ pɨpeve omboɨpɨ Jesús reroyasar reka Jerusalén ve yuvɨreko. Opakatu tuprɨ, Jesús ñe'ë mombe'usar gweraño opɨta yuvɨreko, opa oyemboya'o-ya'o ɨvɨ Judea rupi Samaria rupi avei.

2 Timoteo 3:8

Inungar ko ava ipaye va'e Janes iyavei Jambres serer va'e oyemboyere Moisés amotare'ɨ̇ yuvɨreko, egwë e'i avei evokoi ava porombo'esa supiete va'e amotare'ɨ̇sar yuvɨreko. A'e oyemomarä va'e opɨ'añemoñeta rai pɨpe, ndovɨroyai ete Jesús porombo'esa yuvɨreko.

2 Timoteo 4:15

Iyavei nde eikwa katu ichui, esepia a'e yande amotare'ɨ̇ mba'e yande remimombe'u rese oiko.