San Mateo 22:9 - Tüpä Ñe'ëngagwer

⁹ Sese peso, opakatu okar ava gwata katusa rupi, peñe'ë mendasave yugweru va'erä opakatu pe rovaïchisar upe.’

Tũpa Ñehengagüer

⁹ Sese peso opacatu ava guata catusa rupi, peñehe mendasave yugüeru vaherã opacatu pe rovaĩchisar upe’ ehi.

San Mateo 22:9 Iomraidhean Croise

San Mateo 20:7

A'e omboyevɨ yuvɨreko chupe: ‘Esepia ndipoi ete tapeporavɨkɨ e'i va'e oreu.’ Evokoiyase aipo e'i chupe: ‘Peso, pe avei tapeporavɨkɨ che uvatɨve.’ ”

San Mateo 22:10

Evokoiyase mbigwai eta yuvɨnosepa yuvɨraso okar rupi, omonu'äpa seta ava osovaïchi va'e yuvɨreko, seko tuprɨ va'e sekorai va'e avei; egwë e'i ava savapɨpo tuprɨ oɨ pɨpe yuvɨreko.”

San Mateo 22:8

Ipare aipo e'i ambuae gwembigwai eta upe: ‘Opa oigätu tembi'u mendasave, ko rumo yɨpɨndar icho'oprɨ ndiya iri yugweru va'erä ko'ave.

San Lucas 24:47

iyavei serer pɨpe opakatu ɨvɨ yakatu rupi imombe'usara ava yevɨ agwä Tüpä upe, iñeröi agwä avei peangaipagwer rese peü. Omboɨpɨra rumo Jerusalén sui tuprɨ,

Los Hechos 13:47

Esepia na e'i ete yande Yar ore ombou, aipo e'i: ‘Che oromondo tesapesa nungar opakatu tekwa uve narä, pɨsɨrösa rerogwata agwä iyavei ereraso va'erä ɨvɨ aprɨ rupi.’

Efesios 3:8

Che rekokwer ni'ä ɨvɨ kotɨ katu opakatu ambuae Tüpä reroyasar sui; a'e rumo ombou oporovasasa ko mboravɨkɨsa ñe'ësa avɨye va'e Cristo rekokwer resendar mombe'u agwä ava nda'ei va'e judío upe narä cheu.

Apocalipsis 22:17

Espíritu Maräne'ɨ̇ iyavei Ovesami a'e Cristo sekoi va'e rembireko aipo e'i: “¡Perio!” Iyavei akoi osendu va'e ko ñe'ësa, aipo e'ira: “¡Perio!” Iyavei akoi ava i'usei va'e, toyugweruño; akoi ava oipota va'e toipɨsɨ ɨ tekovesa resendar ndasepɨi va'e yuvɨreko.