San Mateo 22:46 - Tüpä Ñe'ëngagwer

⁴⁶ Ndipoi ete oikatu va'e ñepëi ne'ësa imboyevɨ agwä, a'e arɨ pɨpe suive ndipo iri ñepëi ikere'ɨ̇ va'e oporandu mba'e rese yuvɨreko chupe.

Tũpa Ñehengagüer

⁴⁶ Evocoiyase ndoicatu iri imboyevɨ ãgua yuvɨreco cute. Ahe arɨ pɨpe sui ndipo iri que ñepei iquerẽhɨ vahe iñehe avɨ uca ãgua oñehe pɨpe yuvɨreco.

San Mateo 22:46 Iomraidhean Croise

San Mateo 21:27

Aipo e'i imboyevɨ yuvɨreko Jesús upe: –Ndoroikwai ete. Evokoiyase Jesús omboyevɨ chupe: –Evokoiyase che avei a'e iporokwaita pɨpe ko mba'e ayapo nda'ei chietera peü.

San Mateo 22:45

¿Ma'erä ru Poropɨsɨrösar David suindar sekoi peye, David teiete ni'ä che Yar e'i chupe?

San Marcos 12:34

Jesús oikwase ko Moisés porokwaita rese oporombo'e va'e pɨ'a ñemoñetasa tuprɨsa, aipo e'i chupe: –Namombrɨi ereiko Tüpä mborerekwasa sui. Ipare ndipo iri oyemongere'ɨ̇ va'e oporandu va'erä mba'e rese yuvɨreko chupe.

San Lucas 13:17

Aipo e'ise Jesús imombe'u, opakatu yamotare'ɨ̇sar yuvɨnochi tëi yuvɨreko ichui; ambuae ava rumo oyembovɨ'año opakatu Jesús rembiapo osepiase yuvɨreko.

San Lucas 14:4

A'e rumo noñe'ëiño yuvɨreko chupe. Evokoiyase a'e opoko imba'easɨ va'e rese, ombogwera ipare eso tuprɨño e'i chupe.

San Lucas 14:6

A'ese nomboyevɨ katui ete iñe'ë yuvɨreko chupe.

San Lucas 20:40

Ndoikatu iri ete mba'e rese oporandu agwä yuvɨreko chupe.

Los Hechos 4:14

Iyavei akoi ava semimbokweragwer supive ite sekoise, sese ndoikatui chupe oñe'ë marä agwä yuvɨreko.

Los Hechos 7:32

‘Che nde ramoi Tüpä aiko. Nde ramoi Abraham, Isaac iyavei Jacob che reroya va'ekwer yuvɨreko.’ Evokoiyase Moisés orɨrɨi osɨkɨyesa pɨpe noma'e pota iri sese.