San Mateo 21:44 - Tüpä Ñe'ëngagwer

⁴⁴ Akoi ovɨapi va'e evokoi ita arɨve opa tëira a'e ae oyemomarä; iyavei ovɨapise evokoi ita ava arɨve, a'ese opa tuprɨ aveira omokañɨ.

Tũpa Ñehengagüer

⁴⁴ Acoi que ovɨapi vahe evocoi ita harɨve, opa tẽira ahe ae oyemomara; iyavei acoi ovɨapise evocoi ita que ava harɨve, ahese opa tuprɨ aveira omocañɨ —ehi Jesús oñehe oyese.

San Mateo 21:44 Iomraidhean Croise

San Mateo 21:43

Sese aipo a'e peü serokwasara mborerekwasa ɨva pendar ichui, a'e imondosara ñepëi tekwa iporeroya va'e upe.

San Mateo 21:45

Pa'i eta rerekwar iyavei fariseo eta osenduse ko yembo'esa Jesús omombe'u va'e, oikwa voi ete ñe'ësa oyesendar yuvɨreko.

San Mateo 26:24

Imboavɨyesa itera che ava ɨvate katu va'e Ra'ɨrɨ, rese ñe'ësa Ikwachiaprɨ; ¡iparaɨsu katura rumo akoi mbɨa che mondosar! Avɨye katura ndoyesuise viña.

San Mateo 27:25

A'ese opakatu ava re'ɨi omboyevɨ yuvɨreko chupe: –¡Ore iyavei ore ra'ɨreta reseve ore añekora evokoi mbɨa mano agwer rese!

San Lucas 2:34

Evokoiyase Simeón osovasa pitani iyesupa reseve, aipo e'i Jesús sɨ María upe: –Esepia ko pitani reroya e'ɨ̇sa pɨpe seta ovɨapira mba'e tëi pɨpe Israel ɨgwar yuvɨreko ambuae rumo seroya pɨpe sovasaprɨ yuvɨrekoira. A'e avei omboyekwara mba'e ava upe amove rumo vɨroɨröñora yuvɨreko,

San Lucas 20:18

Akoi ovɨapi va'e ita arɨve, opa tuprɨra imarä; iyavei ita ovɨapise ambuae arɨve, opa aveira omongu'i.

San Juan 19:11

A'ese Jesús omboyevɨ chupe: –Ani ndererekoi chietera ñepëi nde mborerekwasa che arɨve, iyavei Tüpä nomondoise ndeu mba'e apo agwä viña; evokoi rumo, che mondosar ndeu a'e oyemboangaipa katu itera ndesui.

Romanos 9:33

aipo e'i Ikwachiaprɨ pɨpe: “Che amondo Sión ve ñepëi ita a'e ita rese oyepɨapira yuvɨreko; akoi sese oyeroya va'e rumo, a'e nimbopasai chietera.”

1 Tesalonicenses 2:16

esepia akoi oroñe'ë potase ava nda'ei va'e judío upe iñepɨsɨrö agwä rese, a'e rumo ndoipotai yuvɨreko oreu. Ipɨpe sui oyemboangaipa katu yuvɨreko. Kurïtëi rumo Tüpä ñemoɨrösa ipirätä va'e ou i'arɨve yuvɨreko.

1 San Pedro 2:8

Iyavei Ikwachiaprɨ pɨpe aipo e'i: “Ko ita gwasu iyavei ita ta'ɨ katu va'e sese oyepɨapira yuvɨreko.” Esepia a'e ovɨapi mba'e tëi pɨpe yuvɨreko Tüpä ñe'ëngagwer rendu pota e'ɨ̇save, evokoi nungar ava yuvɨrekoira mba'e tëi pɨpe.