San Mateo 21:21 - Tüpä Ñe'ëngagwer

²¹ Jesús rumo omboyevɨ chupe: –Supiete aipo a'e peü perekose yeroyasa Tüpä rese, iyavei ndaperekoi chietera poreroya e'ɨ̇sa, a'ese nda'ei ko mba'e gweraño peyapora inungar che ayapo va'e higuera rese, ko ɨvɨtrɨ upe avei aipo peyese: ‘Esɨrɨ ave sui evɨapɨ eso paragwasu pɨpe’, egwë e'i etera mba'e yavɨye koiye.

Tũpa Ñehengagüer

²¹ Ahese omboyevɨ oreu: —Acoi peyeroyase ité Tũpa rese, ahese ndahei co mbahe güeraño peyapora. Co ɨvɨtrɨ uve avei rumo: ‘Esɨrɨ ave sui, eso para guasu pɨpe’ peyese, ahe evocoiyase osɨrɨño itera.

San Mateo 21:21 Iomraidhean Croise

San Mateo 14:29

–Erio ru–e'i Jesús chupe. Evokoiyase Pedro ogweyɨ ɨarusu pɨpe sui omboɨpɨ ogwata ɨ arɨ rupi oso Jesús kotɨ.

San Mateo 17:20

Jesús aipo e'i gwemimbo'e eta upe: –Esepia ndapeyeroya tuprɨi vɨtei ete Tüpä rese. Supiete perekose peporeroyasa chi'ïmi viña, inungar-ra ndoyavɨi chira mostaza rä'ɨi ta'ɨmi va'e, aipo peyera ko ɨvɨtrɨ uve: ‘Esɨrɨ ko'ave sui eso kokotɨ rupi ëi’, a'ese ɨvɨtrɨ osɨrɨño itera oso. Ichui ndipoi chietera mba'e yavai va'e peü.

San Mateo 21:20

A'e mba'e repiase, semimbo'e eta oyepɨ'amondɨi tëi ipare oporandu Jesús upe yuvɨreko: –¿Marä e'i rutei vo higuera kurïtëi opa voi ipiru?

San Mateo 8:12

a'e yuvɨrekoi va'erä viña Tüpä mborerekwasave, a'e imondosara pɨ̇tümimbisave okañɨ tëi va'erä. A'eve oyase'o tëira iyavei oñeaimbotere-tere tëira mba'erasɨkwer rereko yuvɨreko.

1 Corintios 13:2

Iyavei amombe'uño tëise Tüpä suindar ñe'ësa ou va'e yandeu viña, iyavei aikwase opakatu mba'e ikwapɨre'ɨ̇ Tüpä suindar, arekose avei arakwasa opakatu che yese, iyavei Tüpä rese yeroya pɨpe arosɨrɨra ɨvɨtrɨ gwasu senda sui viña, ndasaɨsuise rumo ava ipɨpe, che evokoiyase egwë a'e tuprɨ tëira vichiko.

Santiago 1:6

Iyakatu rumo evokoi ava oporandura Tüpä upe sese oyeroya pɨpe, nda'ei chira opɨ'añemoñeta rerova-rova tëisa pɨpe; esepia akoi ava ipɨ'a ñemoñeta kokotɨ-kotɨ va'e, a'e inungar paragwasu pɨpe ɨvɨtu ombo'ɨtu-ɨtu tëi va'e ɨ sereko.