San Mateo 21:19 - Tüpä Ñe'ëngagwer

¹⁹ A'eve perɨ popɨve osepia ɨvɨra higuera oyemboya oso sese, so gweraño tëi rumo osepia. Evokoiyase a'e aipo e'i higuera upe: –¡Ko pɨpe suive tuprɨ nande'ai chietera! A'e ramose voi higuera opa ipiru.

Tũpa Ñehengagüer

¹⁹ Aheve perɨ popɨve osepia ɨvɨra higuera. Ahe sese oyemboya oso ‘¿iha pĩha?’ oya viña. So güeraño tẽi rumo osepia. Evocoiyase ahe aipo ehi chupe: —¡Co pɨpe suive nandehai chietera! —ehi. Aheseve voi opa ipiru.

San Mateo 21:19 Iomraidhean Croise

San Mateo 21:20

A'e mba'e repiase, semimbo'e eta oyepɨ'amondɨi tëi ipare oporandu Jesús upe yuvɨreko: –¿Marä e'i rutei vo higuera kurïtëi opa voi ipiru?

San Marcos 11:14

Evokoiyase aipo e'i a'e higuera upe: –¡Ko pɨpe suive ndipo iri chira ava nde'a yuvɨro'u va'erä! Semimbo'e eta osendu iñe'ë yuvɨreko.

San Marcos 11:20

Arayi'ive rupi yuvɨraso ɨvɨra higuera ɨvɨi, a'eve osepia sapo suive ipirupase yuvɨreko.

San Lucas 3:9

Iyavei hacha ni'ä imoigätusa ite ɨvɨra asɨa agwä sapo sui tuprɨ. Opakatu ɨvɨra i'a naporäi va'e, yasɨasara imondosa va'erä tatave.”

San Juan 15:2

Akoi ñepëi che remitɨ̇ räkä ndi'aise cheu; a'e oyasɨara vɨrokwara säkä ichui omoatɨrö tuprɨ katu aveira sereko, ti'a katu oyapave.

San Juan 15:6

Akoi ndasekoi va'e che rese, a'e imombosara okarve ipare rumo ipirura inungar akoi ɨvɨra räkä imonu'äsa va'e sapɨ pɨrä tatave yepi.

2 Timoteo 3:5

A'e inungar-ra Tüpä rese ite yuvɨrekoi va'e viña. Tüpä pirätäsa rumo nomboyekwai chietera gwembiapo pɨpe yuvɨreko oyese. Sese nde, eyepepɨño evokoi nungar ava sui.

Tito 1:16

Aikwa Tüpä e'i tuprɨ tëi yuvɨreko, mba'e sembiapo rese rumo ikwasa seroya e'ɨ̇sa; a'e ni'ä ava ndosepia potai va'e, ndiporeroyai va'e ndoikatui mba'e avɨye va'e apo yuvɨreko yepi.

San Judas 1:12

Pe poromochi gwasu pieta avɨye va'e save peyapo mba'e pemboetei va'esave, a'eve okaru oɨ'u ovɨ'asave ndoyuvɨnochi ete yuvɨreko. Evokoi ovesa rärösar oyese tëi i'añeko va'e yuvɨreko. Inungar ɨva kɨ'a ndovɨrekoi va'e ɨ, ɨvɨtu remimombo tëi. Inungar ɨvɨra ndi'ai va'e o'asa rupi, ñuvɨrïo rupi ipiru va'e evokoiyase a'e sapo'oprɨ.

Apocalipsis 22:11

Akoi ava mba'e tëi aposar toyapoño mba'e tëi, iyavei akoi ava sekorai va'e taseko raiño ite; akoi ava seko tuprɨ va'e rumo, a'e toyapoño mba'e tuprɨ oiko, iyavei akoi ava Tüpä rese sekoi va'e, a'e tasekoi tuprɨño avei sese.”