San Mateo 20:8 - Tüpä Ñe'ëngagwer

⁸ “Oyepotase rumo pɨ̇tü, mba'e yar aipo e'i oporavɨkɨ va'e yangarekwar upe: ‘Eñe'ëpa ava oporavɨkɨ va'e upe, emboepɨpa ipa yugweru va'e upe rane iporavɨkɨ yuvɨreko chupe ipare tenonendar yugweru va'e upe avei.’

Tũpa Ñehengagüer

⁸ “Pɨ̃tu ramose, cove yar aipo ehi oporavɨquɨ vahe rese yangarecuar upe: ‘Eñehepa ava oporavɨquɨ vahe upe. Emboepɨ ipa yugüeru vahe upe rane iporavɨquɨ yuvɨreco chupe. Ipare tenonendar uve’ ehi.

San Mateo 20:8 Iomraidhean Croise

San Mateo 20:7

A'e omboyevɨ yuvɨreko chupe: ‘Esepia ndipoi ete tapeporavɨkɨ e'i va'e oreu.’ Evokoiyase aipo e'i chupe: ‘Peso, pe avei tapeporavɨkɨ che uvatɨve.’ ”

San Mateo 20:9

Akoi yuvɨroike va'e ka'arumi katuse oporavɨkɨ va'e yuvɨreko chupe, ipare a'e oyakatu ñepëi-pëi arɨ rupindar oipɨsɨ gwarepochi yuvɨreko.

San Mateo 25:19

“Ipare koiye oyevɨse serekwar a'e gwembigwai upe ou, ichui oporandu ogwarepochi retakwer rese ikwa agwä.

San Mateo 25:31

“Che, ava ɨvate katu va'e Ra'ɨrɨ, ayevɨse opakatu che Ru rembigwai ɨva pendar reseve che reko ɨvategwer pɨpe, a'ese agwapɨra che renda porañete va'esave ava rekokwer rese porandu agwä.

San Lucas 10:7

Pepɨtañorä a'e oɨ pɨpe, iyavei pekarura peɨ'ura a'e sembiereko yuvɨreko, esepia a'e ava upe sepɨ itera iporavɨkɨ. Ndapegwatai chira ambuae oɨ rupi-rupi tëi peiko.

San Lucas 12:42

Evokoiyase yande Yar aipo e'i: “¿Umavo ava mba'e rese ñangarekwar omboavɨye tuprɨ va'e okwaita, yarakwa va'e avei, a'e chupe serekwar oseya ikwaitarä gwëtä pɨpendar rese añeko agwä tembi'u tomondo che rëtä pɨpendar upe che porokwaita rupi oesave?

San Lucas 8:3

iyavei Juana, Cuza rembireko, a'e mbɨa Herodes mba'e rese ñangarekwar; iyavei Susana; seta avei ambuae kuña oipɨtɨ̇vɨï va'e mba'e gwembiereko pɨpe yuvɨreko.

2 Corintios 5:10

Esepia yande opakatu yañekwave'ëra Cristo rovai iporandusave yaipɨsɨ va'erä ñepëi-pëi mba'e yande rembiapokwer rupi mba'e avɨye va'e, anise mba'e naporäi va'e yande rete rese yaiko vɨtese.

Tito 1:7

Akoi oyapo tuprɨ va'e tekwa pɨpe mba'e a'e yuvɨrekoi Tüpä mba'e rese i'añeko va'e, sese evokoiyase vɨrasora gwekokwer avɨye va'e rupi. Anichira ndasekoporäi yuvɨreko, anichira ndasorɨi oiko; nda'ei chiaveira kagwar tëi, ndivava serai chiaveira, tigwarepochi potarai eme yuvɨreko.

Hebreos 9:28

egwë e'i avei Cristo oyeeropove'ë ñepëi reseve opakatu angaipa mokañɨ agwä. Ipare rumo oyevɨ irise ou kuri, nda'e iri chira angaipa rekokwer rese, a'e rumo oyevɨra ou gwarösar pɨsɨrö agwä.

1 San Pedro 4:10

Ñepëi-pëi peipɨsɨ va'e opakatu mba'e kwasa Tüpä suindar, pemondo katu mba'e avɨye va'e peikatugwer rupi ambuae ava upe.