San Mateo 20:34 - Tüpä Ñe'ëngagwer

³⁴ Jesús oiparaɨsuerekosave, opoko sesa rese. A'e ramoseve ndasesapɨsoi va'e osareko tuprɨai ete yuvɨreko, ipare yuvɨraso Jesús rupi.

Tũpa Ñehengagüer

³⁴ Evocoiyase saɨsusave opoco sesa rese. Ahe ramoseve ndasesapɨsoi vahe osareco tuprɨ ai eté yuvɨreco. Ipare yuvɨrasoño ité supi.

San Mateo 20:34 Iomraidhean Croise

San Mateo 14:14

Ogweyɨse Jesús ɨarusu pɨpe sui, osepia ava re'ɨi; a'ese oiparaɨsuereko ava eta sese opa ombogwera imba'easɨ va'e serasoprɨ yuvɨreko chupe.

San Mateo 15:32

Jesús oñe'ë gwemimbo'e eta upe, aipo e'i chupe: –Iparaɨsu katu ko ava yuvɨreko cheu, esepia mbosapɨ arɨ yuvɨrekoi yande pɨri iyavei ndipoi ete mba'e semi'urä. Ndiyai sëtäve sɨe pore'ɨ̇ reseve amondo, avɨyeteramo ovɨrovɨapi-api tiëtera tɨepore'ɨ̇ perɨ rupi yuvɨreko.

San Mateo 20:33

A'e omboyevɨ yuvɨreko chupe: –Ore Yar, ore mbosarekomi tëi eve.

San Mateo 21:1

Akoi vɨrovɨse tekwa Jerusalén yuvɨraso iyavei oyepota tekwami Betfagé ve, ɨvɨtrɨ Olivos save, a'eve Jesús omondo ñuvɨrïo gwemimbo'e,

San Mateo 8:15

Jesús evokoiyase opoko ipo rese, a'e ramoseve so'ɨ opɨtu'u ichui, okwerare oñarapü'a voi o'añeko agwä sese.

San Mateo 9:29

Evokoiyase Jesús opoko sesa rese, aipo e'i chupe: –Tayaposa mba'e pe che reroya agwer rupi peü.

San Mateo 9:36

Osepiase ava re'ɨi, iparaɨsu tëi chupe, esepia ikwerai tëi yuvɨreko, inungar ovesa ndovɨrekoi va'e gwarösar.

San Marcos 7:33

Ichui Jesús vɨraso kokotɨ, ava pore'ɨ̇save, okwä omoinge yapɨsa pɨpe ipare omondo gwendɨ ñapëku rese.

San Lucas 18:43

A'e ramoseve ndasesapɨsoi va'e osareko tuprɨ ite, osoño Jesús rupi Tüpä mboeteisave. Opakatu ava osepia va'e omboetei Tüpä yuvɨreko.

San Lucas 22:51

Jesús aipo e'i: –Te'eni; evokoi nungar. Ichui opoko mbigwai nambi rese, ombogwera voi ete.

San Lucas 7:13

A'e kuña repiase, yande Yar oiparaɨsuereko aipo e'i chupe: –Ereyase'oi rene.

Los Hechos 26:18

Oromondora chupe yuvɨreko ipɨ'a ñemoñeta tuprɨ agwä iyavei ndogwata iri va'erä pɨ̇tümimbisa va'e nungar rupi; a'e ogwata va'erä tesapesa rupi yuvɨreko; ipɨpe sui toyuvɨreko iri eme Karugwar povrɨve, togwata katu Tüpä rupi; egwë te'i che reroya yuvɨreko a'ese oipɨsɨra ñeröisa oangaipa rese iyavei oipɨsɨra Tüpä porerekosa opakatu che rembipe'a.’ ”

Hebreos 2:17

Sese ni'ä sekoi vɨvɨreta nungar tuprɨ ite, sekoi va'erä pa'i eta rerekwar ɨvate katu va'e Tüpä upe oporavɨkɨ agwä, tomondo gwetekwer ava angaipa repɨrä ñeröisa reime agwä oyapave.

1 San Pedro 3:8

Iyavei peikora opakatu teko katuprɨsa pɨpe, perekora ñepëi pɨ'a ñemoñetasa, iyavei peyeaɨsu katura Jesús reroyasar pe rekosa pɨpe. Peyemboava aveira oyeupe pe reko mbegwesa pɨpe.