San Mateo 20:26 - Tüpä Ñe'ëngagwer

²⁶ Pe rumo egwë ndapeyei chira peiko. Iyakatu rumo, akoi ava oipota va'e ɨvate katu gweko agwä pe pa'üve, i'añeko rane itera opakatu ambuae ava rese;

Tũpa Ñehengagüer

²⁶ Pe rumo ẽgüe ndapeyei chira peico. Iyacatu rumo acoi ava oipota vahe ɨvate catu güeco ãgua pe pãhuve, ihañeco rane itera opacatu ambuae ava rese.

San Mateo 20:26 Iomraidhean Croise

San Mateo 20:27

iyavei akoi pe pa'ü pendar oipota va'e tenonde katu gweko agwä, i'añeko tuprɨ ranera opakatu pe pa'ü pendar rese.

San Mateo 25:44

Evokoiyase a'e oporandura yuvɨreko chupe: ‘Ore Yar, ¿maräse vo aipo nde repiasa nanderɨepoise anise aipo nde useise, anise ndegwatatëisa rupi, ipanese nde turukwarä ndeu, anise nde mba'easɨse, anise nde rokendasave, iyavei nande pɨtɨ̇vɨïsaise no?’

San Mateo 27:55

Iyavei seta kuña a'eve amombrɨve osepia katu yuvɨno'ä, a'e akoi Galilea sui yugweru va'ekwer Jesús rupi iyavei seta yupagwer oipɨtɨ̇vɨï yuvɨreko yepi.

San Marcos 10:43

Pe rumo egwë ndapeyei chira pe yeereko. Iyakatu rumo akoi ava oipota va'e ɨvate katu gweko agwä pe pa'üve, i'añeko rane itera opakatu ambuae ava rese,

San Marcos 10:45

Esepia ni'ä che, ava ɨvate katu va'e Ra'ɨrɨ, ayu nda'ei ava che rese i'añeko agwä; che rumo ayu ava rese che añeko agwä, iyavei amondo va'erä che rekokwer manosave opakatu ava repɨrä.

San Marcos 9:35

Evokoiyase ogwapɨsave, periopa e'i gwemimbo'e opayandepo yovaive ñuvɨrïo va'e upe, aipo e'i avei: –Oimese pe pa'ü pendar oyemboɨvateai va'e, a'e rumo seko ɨvɨ kotɨ katura opakatu sui ava eta pɨtɨ̇vɨï agwä.

San Lucas 18:14

Sese aipo a'e peü ko gwarepochi rerokwasar oyevɨ tuprɨ gwëtäve oso, fariseo rumo ani ete. Esepia ni'ä, opakatu akoi oyemboɨvateai va'e, opara seko reroyɨsa; akoi seko mbegwe va'e, a'e rumo seko mboɨvate katusara.”

San Lucas 22:26

Pe rumo egwë ndapeyei chira. Akoi oyemboɨvate pota va'e toyemochi'ïvä'eño gweko mbegwesa pɨpe, oporokwai va'e ti'añeko katu ambuae ava rese.

San Juan 18:36

Jesús omboyevɨ chupe: –Che mborerekwasa nda'ei ko ɨvɨ pɨpendar. Egwë e'ise viña, arekora ava ovava va'erä judío upe che repɨsave yuvɨreko viña. Che mborerekwasa nda'ei ko'a pendar.

Los Hechos 13:5

Oyepota ɨarusu yemboyasa Salamina ve yuvɨraso, a'eve omboɨpɨ omombe'u Tüpä ñe'ëngagwer oɨ judío ñemonu'äsa rupi yuvɨreko. Juan avei oso supi ipɨtɨ̇vɨï agwä.

2 Corintios 1:24

Ore nda'ei oroiko pe pɨ'a ñemoñetasa rerekwar; ore rumo oroiko pota pepɨtɨ̇vɨï agwä, pereko va'erä vɨ'aretesa esepia pe poreroyasa pereko ite ñemovɨräkwäsa pɨpe.

2 Timoteo 1:18

Yande Yar tomondo oporoparaɨsuerekosa chupe a'e arɨ ipa va'e pɨpe kuri. Iyavei nde ereikwa tuprɨ a'e mbɨa yande pɨtɨ̇vɨï va'e Éfeso ve.

Filemón 1:13

Che aipota opɨta va'erä ko'ave che pɨri, nde nungar tuprɨ che pɨtɨ̇vɨï agwä viña, ko sokendaprɨ vɨte che rekose Jesucristo ñe'ëngagwer sui tëi.

Hebreos 1:14

Esepia opakatu mbigwai eta ɨva pendar espíritu yuvɨrekoi Tüpä upe oporavɨkɨ yuvɨreko, imbouprɨ ava pɨtɨ̇vɨï agwä ipɨsɨröpɨrä.

1 San Pedro 4:11

Akoi ava oñe'ë tuprɨai va'e, a'e tomombe'u Tüpä ñe'ë ite. Akoi peporopɨtɨ̇vɨï potase, peyapoño Tüpä ombou va'e pirätäsa pɨpe peü. Opakatu mba'e peyapo va'e, peyapo katu Jesucristo rer pɨpe Tüpä mboetei agwä, esepia chupendar ite imboeteisa iyavei imborerekwasa apɨre'ɨ̇ va'erä ite. Amén.

1 San Pedro 5:3

Ndapeikoi chira pe remiarö upe inungar mborerekwar gweko ɨvatesa pɨpe oporokwai pirätä va'e, pemboyekwara rumo pe rekokwer avɨye va'e chupe imbo'esa tuprɨ pɨpe.

Apocalipsis 17:6

Ipare aikwa evokoi kuña osavaɨpo va'e öi Tüpä reroyasar ruvɨ pɨpe iyavei akoi Jesús rekokwer mombe'usa sui tëi yukaprɨ va'e ruvɨ pɨpe aveino. Asepiase rumo ndache mbovɨ'ai ete.