San Mateo 20:21 - Tüpä Ñe'ëngagwer

²¹ Jesús oporandu chupe: –¿Mba'e vo ereipota? A'e kuña evokoiyase aipo e'i chupe: –Emondo che membrɨ ndeyepɨri ogwapɨ va'erä ñepëi nde mba'e rese pokosa kotɨ, ambuae nde mba'e rese pokoe'ɨ̇sa kotɨ nde mborerekwasave.

Tũpa Ñehengagüer

²¹ Evocoiyase, —¿Mbahe vo ereipotami? —aipo ehi ichɨ upe. —Che aipota che membrɨ eremboguapɨra ndeyepɨri ñepei nde mbahe rese pocosa cotɨ, ambuae nde mbahe rese pocoẽhɨsa cotɨ nde mborerecuasave —ehi chupe.

San Mateo 20:21 Iomraidhean Croise

San Mateo 18:1

A'e arɨ pɨpeve semimbo'e eta oyemboya yuvɨraso Jesús rese oporandu yuvɨreko chupe: –¿Uma pi'ä seko ɨvate katu va'e Tüpä mborerekwasave?

San Mateo 19:28

Jesús omboyevɨ chupe: –Supiete aipo a'e akoi arɨ ipapaprɨ oyepotase opakatu mba'e ñekuñarö agwä, a'ese che ava ɨvate katu va'e Ra'ɨrɨ agwapɨra che rendave che mborerekwa gwasu save, pe avei che rupindar pegwapɨra opayandepo yovaive ñuvɨrïo tenda arɨve, peporandura opakatu akoi opayandepo yovaive ñuvɨrïo tuprɨ yuvɨnosë va'e Israel suindar rekokwer rese kuri.

San Mateo 20:22

Jesús rumo omboyevɨ chupe: –Pe ndapeikwai mba'e rese peporandu. ¿Peikatura pi'ä peɨ'u mba'e ɨgwa iroiteanga va'e inungar che aɨ'u va'erä viña? A'e aipo e'i yuvɨreko chupe: –Oroikatuño itera.

San Mateo 20:32

Evokoiyase Jesús opɨta osenduse, oñe'ë ndasesapɨsoi va'e upe ipare rumo oporandu chupe: –¿Mba'e vo peipota ayapo va'erä peü?

San Marcos 10:51

a'e evokoiyase oporandu chupe: –¿Mba'e vo ereipota ayapo va'erä ndeu? Ndasesapɨsoi va'e omboyevɨ chupe: –Porombo'esar, che mboesarekomi tëira eve viña.

San Marcos 16:19

Oñe'ë pare, yande Yar Jesús oso ɨvave a'eve ogwapɨ Vu Tüpä akato kotɨ öi.

San Marcos 6:22

Herodías membrɨ kuñatäi oike karusave a'eve opɨvoi, ava rovake ipɨvoisa avɨyeai Herodes upe ambuae ava okaru va'e upe avei, ichui aipo e'i mborerekwar kuñatäi upe: –Eporandu mba'e nde remimbotar rese cheu, che evokoiyase amondora ndeu.

San Lucas 18:41

–¿Mba'e vo ereipota ayapo va'erä ndeu? Ndasesapɨsoi va'e omboyevɨ chupe: –Che Yar, aipota che mbosarekomi tëira eve.

San Lucas 19:11

Ava osendu Jesús ñe'ë yuvɨreko omombe'use ko mba'e resendar, a'e evokoiyase omombe'u ñepëi porombo'esa, esepia ni'ä köimi ete sekoi Jerusalén sui, a'e rumo ipɨ'a ñemoñeta Tüpä mborerekwasa oyepotara revo kurïtëi e'i yuvɨreko viña.

San Lucas 22:24

Semimbo'e eta oyeaka gwasu yuvɨreko uma pi'ä ɨvate katura yande pa'ü pendar sekoira yandesui e'i yuvɨreko.

San Juan 15:7

Akoi supiete peikose che rese, iyavei ndaperesaraise che porombo'esa sui, peporanduse rumo mba'e pe remimbotar rese a'e imondosaño itera peü.

Los Hechos 1:6

Oñemonu'ä va'e Jesús rese, oporandu yuvɨreko chupe: –Ore Yar, ¿eremondo irira vo kurïtëi Israel ɨgwar upe pirätäsa iyeyekwai agwä?

Romanos 12:10

Peyeaɨsu katu ñepëi-pëi oyeɨvrɨ nungar tuprɨ pe rekosa pɨpe, pe ae peyemboetei rägwer sui pemboetei katura ambuae ava.

Romanos 8:34

¿Uma pi'ä oikatura imokañɨ? Esepia Cristo Jesús omano yande angaipa repɨrä; iyavei okwerayevɨ kurïtëi Tüpä akato kotɨ chini, oyerure yande rekokwer rese oiko.

Colosenses 3:1

Kurïtëi rumo okwerayevɨ va'e peiko Cristo rese, sese peseka katu ko mba'e avɨye va'e ɨva pendar, a'eve ɨvave Cristo ogwapɨ öi gweko mborerekwasa pɨpe Vu Tüpä akato kotɨ.