San Mateo 2:4 - Tüpä Ñe'ëngagwer

⁴ Evokoiyase mborerekwar ɨvate katu va'e opa omonu'ä uka pa'i eta rerekwar Moisés porokwaita rese oporombo'e va'e avei, ipare oporandu chupe kevo aipo o'ara Poropɨsɨrösar.

Tũpa Ñehengagüer

⁴ Iyavei cũriteimi opa omonuha uca pahi rerecuareta, Moisés porocuaita rese oporombohe vahe avei. Ipare oporandu chupe: —¿Que vo aipo ohara Poropɨ̃sɨrosar? —ehi.

San Mateo 2:4 Iomraidhean Croise

San Mateo 13:52

Evokoiyase Jesús aipo e'i: –Akoi ñepëi oporombo'e va'e porokwaita ɨva pendar rese, oyembo'e va'e avei Tüpä mborerekwasa rese, a'e inungar ava oɨ yar, iyavei mba'e vɨreko va'e yapokatuprɨ oikwa ite senose mba'e ipɨasu va'e mba'e kwakwa aveino.

San Mateo 2:3

Aipo i'ese mborerekwar Herodes oyembosɨkɨye tëi, ava Jerusalén pendar avei egwë e'i päve yuvɨreko.

San Mateo 2:5

A'e aipo e'i yuvɨreko chupe: –Belén ve ɨvɨ Judea rupi; esepia Tüpä ñe'ë mombe'usar aipo e'i ete ikwachia:

San Mateo 21:15

Evokoiyase pa'i rerekwareta iyavei Moisés porokwaita rese oporombo'e va'e yuvɨreko osepiase poromondɨisa oyapose, iyavei tüpäro pɨpe osenduse chi'ïvä'e sapukaisa: “¡Imboeteiprɨ mborerekwar David Ra'ɨrɨ tasekoi!”, a'ese oñemoɨrö

San Mateo 21:23

Ichui Jesús oike iri oso tüpäro pɨpe oporombo'e. A'ese pa'i eta rerekwar, judío rerekwar avei oyemboya sese, oporandu yuvɨreko chupe: –¿Ava nde kwaita pɨpe vo ereyapo ko nungar eiko? ¿Ava vo ombou nde mborerekwarä ndeu?

San Mateo 26:3

A'e arɨ pɨpe avei, pa'i eta rerekwar, iyavei judío rerekwareta oñemonu'ä yuvɨreko pa'i rerekwar ɨvate katu va'e Caifás rëtäve,

San Mateo 26:47

Jesús ñe'ë vɨteseve, Judas oyepota oso chupe, a'e ñepëi semimbo'e opayandepo yovaive ñuvɨrïo pa'ü pendar, iyavei seta iteanga ava yugweru kɨse puku, ɨvɨra reseve-seve supi. A'e pa'i eta rerekwar yuvɨrekoi va'e judío rerekwar porokwaita rupi oyapo yuvɨreko.

San Mateo 27:1

Ko'ë ramose, opakatu pa'i eta rerekwar iyavei judío rerekwar oñemonu'ä atɨ oyemboyoya gwasu Jesús tayukasa ite oyapave yuvɨreko.

San Mateo 7:29

esepia, nda'ei Moisés porokwaita rese oporombo'e va'e nungar; a'e rumo oporombo'e gweko pirätäsa pɨpe ite.

San Marcos 8:31

Jesús omboɨpɨ oporombo'e che ava ɨvate katu va'e Ra'ɨrɨ che paraɨsu itera, iyavei opakatu judío rerekwareta, pa'i rerekwar ɨvate katu va'e iyavei Moisés porokwaita rese oporombo'e va'e remiamotare'ɨ̇. A'e avei che yuka ukara yuvɨreko, akwerayevɨra rumo mbosapɨ arɨ rupi.

San Lucas 20:19

Pa'i eta rerekwar iyavei oporombo'e va'e Moisés porokwaita rese osokenda pota Jesús yuvɨreko a'e arɨ pɨpe, a'e osendukwa ite ko porombo'esa oyeupendar. A'e rumo osɨkɨyeño ite ava sui yuvɨreko.

San Lucas 23:10

A'eve avei yuvɨrekoi pa'i eta rerekwar iyavei Moisés porokwaita rese oporombo'e va'e, seroɨrösave oñemoñeta-ñeta tëi sese yuvɨreko.

San Juan 18:3

Egwë e'i Judas oyepota oso sundao re'ɨi reseve iyavei tüpäro rärösar pa'i eta rerekwar fariseo eta remimondo rese avei. A'e yuvɨrekoi oyeepɨsa rese, iyavei opakatu vɨraso gwataendɨ yuvɨreko.

San Juan 3:10

Jesús omboyevɨ aipo e'i chupe: –¿Nde ni'ä porombo'esar ɨvate katu va'e Israel pendar ereiko, nderesendukwai ete rumo ko nungar mba'e?

San Juan 7:32

Fariseo eta osendu ava ñe'ësa Jesús resendar; iyavei pa'i eta rerekwar oyokwai sundao tüpäro rärösar ipɨsɨ agwä yuvɨreko.

San Juan 8:3

Moisés porokwaita rese oporombo'e va'e iyavei fariseo eta a'ese vɨraso ñepëi kuña, osesapɨ'a va'e iyemboagwasase yuvɨreko. Omondo opakatu ava re'ɨi avɨterve imo'ä yuvɨreko.

Los Hechos 23:9

Sese säse gwasu yuvɨreko; a'ese oime opü'a va'e Moisés porokwaita rese oporombo'e va'e fariseo rupindar, aipo e'i yuvɨreko: –Ko mbɨa ndoyapoi ete mba'e tëi; avɨyeteramo espíritu oñe'ë chupe anise mbigwai ɨva pendar.

Los Hechos 4:5

A'ere arayi'ive mborerekwareta oñemonu'ä yuvɨreko Jerusalén ve, judío rerekwar, pa'i eta rerekwar, Moisés porokwaita rese oporombo'e va'e avei.

Los Hechos 6:12

Evokoiyase a'e ava oyamotare'ɨ̇ uka opakatu ava mborerekwar reseve iyavei judío porokwaita rese oporombo'e va'e upe avei yuvɨreko; ichui oipɨsɨ yesapɨ'a Esteban seraso mborerekwar upe Porandusa ɨvate katu Va'esave yuvɨreko.