San Mateo 2:2 - Tüpä Ñe'ëngagwer

² ipare oporandu yuvɨreko: –¿Kevo aipo o'a judío rerekwar ɨvate katu va'e? Esepia ni'ä orosepia yasɨtata osëse ou sese oroyu imboetei agwä.

Tũpa Ñehengagüer

² Ahe oporandu Herodes upe yuvɨreco aipo ehi: —¿Que vo aipo oha judío rerecuar guasu? Esepia niha, caharu cotɨ yasɨtata orosepia. Sese oroyu arɨ sẽsa cotɨ sui imboetei ãgua —ehi yuvɨreco chupe.

San Mateo 2:2 Iomraidhean Croise

San Mateo 2:3

Aipo i'ese mborerekwar Herodes oyembosɨkɨye tëi, ava Jerusalén pendar avei egwë e'i päve yuvɨreko.

San Mateo 21:5

“Pemombe'u tekwa Sión pendar upe aipo peyera: ‘Pesepia, nde Rerekwar ɨvate katu va'e ou oiko ndeu narä, gweko mbegwesa pɨpe gwariku arɨve, ñepëi gwarikumi, imembrɨ ñepëi mba'e mɨmba ovosɨi va'e.’ ”

San Mateo 27:11

Jesús serasosa mborerekwar Pilato rovai, a'e oporandu chupe: –¿Nde ite vo judío Rerekwar ɨvate katu va'e ereiko? –Nde ni'ä aipo, a'e ereiko ere cheu–e'i Jesús imboyevɨ chupe.

San Lucas 19:38

Aipo e'i yuvɨreko: –¡Sovasaprɨ sekoi Mborerekwar ɨvate katu va'e ou va'e yande Yar rer pɨpe! ¡Mba'e tuprɨ toime ɨvave iyavei imboeteiprɨ Tüpä tasekoi!

San Lucas 2:11

Ko pɨpe o'a David rekwa Belén ve Poropɨsɨrösar peü narä, a'e ni'ä Tüpä Rembiporavo, pe Yargwä sekoi.

San Lucas 23:3

Pilato oporandu chupe: –¿Nde ite vo judío rerekwar ɨvate katu va'e ereiko? –Nde ni'ä aipo, a'e ereiko ere cheu–e'i Jesús imboyevɨ chupe.

San Lucas 23:38

Oime ikwachiaprɨ ñakä arɨve, aipo e'i öi: “Ko judío Rerekwar ɨvate katu va'e.”

San Juan 1:49

Natanael aipo e'i chupe: –Porombo'esar, ¡nde ni'ä Tüpä Ra'ɨrɨ ereiko, nde avei ereiko Mborerekwar ɨvate katu va'e Israel pendar!

San Juan 12:13

Evokoiyase oyasɨa pindo ipare yuvɨnosë sovaïchi agwä, osapukai yuvɨreko chupe: –¡Imboeteiprɨ! ¡Sovasaprɨ tasekoi ou va'e yande Yar Tüpä rer pɨpe a'e mborerekwar ɨvate katu va'e Israel pendar!

San Juan 18:37

Evokoiyase Pilato oporandu iri chupe: –¿Nde ite katu mborerekwar ɨvate katu va'e ereiko? Jesús omboyevɨ chupe: –Nde ite ni'ä aipo ere cheu: che ni'ä mborerekwar ɨvate katu va'e. Che ayesu iyavei ayu ko ɨvɨ pɨpe amombe'u va'erä mba'e supi va'e ete. Iyavei opakatu vɨroya va'e ñe'ësa supi va'e ite, a'e osenduño avei che ñe'ë yuvɨreko.

San Juan 19:19

Pilato oikwachia ñepëi ikwachiaprɨ imondo kurusu rese aipo e'i: “Jesús Nazaret ɨgwar, judío Rerekwar ɨvate katu va'e.”

San Juan 20:28

Tomás evokoiyase aipo e'i chupe: –¡Nde ereiko che Yar che Tüpä avei!

San Juan 5:23

egwë e'ira opakatu Che mboetei agwä inungar omboetei che Ru yuvɨreko. Akoi ndache mboetei va'e, egwë e'i avei che Ru mboetei e'ɨ̇, a'e ni'ä che mbousar.”

San Juan 9:38

Evokoiyase a'e mbɨa oñenopɨ'ä Jesús rovai oso, aipo e'i chupe: –Orovɨroya ite che Yar.

Hebreos 1:6

Ichui rumo ombouse Gwa'ɨrɨ ñepëi va'e ko ɨvɨ pɨpe, aipo e'i: “Tomboetei opakatu mbigwai Tüpä suindar yuvɨreko.”

Apocalipsis 22:16

“Che Jesús, amondo che rembigwai ɨva pendar mba'e mombe'u agwä opakatu che reroyasar upe. Che aiko mborerekwar gwasu David suindar. Iyavei aiko inungar yasɨtata gwasu sendɨ va'e añi'ïvëindar yepi.”