San Mateo 2:13 - Tüpä Ñe'ëngagwer

¹³ Aipo ava imba'ekwa va'e yepepɨ pare, José upe oyemboyekwa ñepëi yande Yar rembigwai ɨva pendar ikerve, aipo e'i chupe: “Eñarapü'a, eraso pitani ichɨ reseve, eroñemi Egipto ve. Epɨtaño a'e peve che voi ete amombe'ura nde yevɨ agwä, esepia ni'ä mborerekwar Herodes osekara pitani yuka agwä.”

Tũpa Ñehengagüer

¹³ Aipo ava yepepɨ pare, José upe oyemboyecua Tũpa rembiguai iquerve, aipo ehi chupe: “Eñarapuha, eroñemi pĩtani ichɨ reseve eraso Egipto ve. Aheve erepɨtara acoi che amombehuse voi nde yevɨ ãgua. Esepia, mborerecuar Herodes osecara pĩtani yuca ãgua oico” ehi chupe.

San Mateo 2:13 Iomraidhean Croise

San Mateo 1:20

A'e ipɨ'a ñemoñeta opoi va'erä ichui, avɨyeteramo tëi rumo ñepëi yande Yar rembigwai ɨva pendar oyemboyekwa ikerve aipo e'i chupe: “José, David suindar, eresɨkɨyei rene María rese nde menda agwä, esepia Espíritu Maräne'ɨ̇ sui ou imembɨrä.

San Mateo 10:23

Akoi pe mañeko tëise ñepëi tekwave yuvɨreko, a'ese peyepepɨñorä ambuaeve ichui; supiete ava ɨvate katu va'e Ra'ɨrɨ che ayura perenondeve ndapemboavɨye vɨteiseve pe gwatasa tekwa Israel rupi.

San Mateo 2:12

Ipare Tüpä omombe'u ikerve ava imba'ekwa va'e upe iyevɨ iri e'ɨ̇ agwä Herodes rekosa rupi, evokoiyase oyevɨ yuvɨraso gwekwave ambuae perɨ rupi tëi.

San Mateo 2:14

José oñarapü'a, a'e pɨ̇tü pɨpeve voi vɨraso pitani ichɨ reseve Egipto ve,

San Mateo 2:16

Mborerekwar Herodes rumo oñemoɨrö iteanga ava imba'ekwa va'e ombopa tëisa rese, ipɨpe sui omondo sundao tekwa Belén ve chi'ïvä'e kuimba'emi opakatu ñuvɨrïo aravɨter vɨreko va'e chi'ïvä'emi katu va'e avei tekwa ɨvɨrindar pɨpe avei yuka uka agwä, esepia omoñetase ava imba'ekwa va'e oikwa uka osepia va'e yuvɨreko chupe.

San Mateo 2:22

Oyanduse rumo aipo Arquelao chinise mborerekwar Judea ve oyesupa Herodes rendagwerve, osɨkɨye tëi oso va'erä a'eve; omombe'u pare Tüpä ikerve mba'e chupe, ichui yuvɨraso ɨvɨ Galilea ve.

Los Hechos 10:22

A'e omboyevɨ yuvɨreko chupe: –Ore oroyu sundao rerekwar Cornelio orekwaisa pɨpe a'e mbɨa seko tuprɨ va'e, Tüpä mboeteisar opakatu judío osaɨsuai yuvɨreko. Ñepëi mbigwai ɨva pendar Tüpä suindar oyokwai nde rese, ereso va'erä sëtäve, a'e osendura mba'e eremombe'u va'e.

Los Hechos 10:7

Osose mbigwai ɨva pendar akoi oñe'ë va'ekwer sese, a'ese Cornelio oñe'ë ñuvɨrïo gwembigwai upe iyavei ñepëi sundao Tüpä mboeteisar upe sese oyeroya va'e ite yepi,

Los Hechos 12:11

A'ese ramo ite Pedro oikwa, ipare aipo e'i: “Supiete Yar ombou cheu gwembigwai che renose agwä Herodes povrɨ sui iyavei opakatu judío rerekwar che yuka rägwer sui.”

Los Hechos 12:7

Avɨyeteramo tëi mbigwai Yar suindar oyemboyekwa ike vɨteseve chupe, a'ese sendɨ gwasu iteanga sokendasa pɨpe. A'ese mbigwai ɨva pendar oñatoi yɨkeve imoma'e aipo e'i chupe: “¡Epü'a poyava!” Ipü'ase, opa voi oyera karena Pedro po sui,

Los Hechos 16:36

A'ese sokendaprɨ rärösar aipo e'i Pablo upe: –Mborerekwar mba'e moigätusar che kwai pemose agwä; sese kurïtëi peso tuprɨño peiko.

Los Hechos 5:19

Ipare ñepëi mbigwai Yar suindar pɨ̇tü pɨpe omboipa poroekendasa rokenda opa vɨnose ichui, aipo e'i chupe:

Los Hechos 7:19

Ko mborerekwar ɨvate katu va'e ombopa yande ramoi eta araka'e; iyavei oyukapa uka ta'ɨrɨ pitani yuvɨro'a ramo va'e.

Apocalipsis 12:14

Evokoi kuña upe rumo imondosaño ñuvɨrïo vɨra gwasu pepo iveve agwä, chupendar ɨvɨ imoigätuprɨ ava pore'ɨ̇save seko agwä, amombrɨ mba'e ɨpɨ oporomokañɨ va'e sui, a'eve oyopoi mbosapɨ aravɨter yemombɨtesa rupive.

Apocalipsis 12:4

Sugwai evokoiyase ombotɨrɨrɨ yasɨtata ɨva pendar imombosapɨsa sui ñepëi iya'okwer seraso, ipare opa omombo ɨvɨve. A'ese mba'e ɨpɨ evokoiyase opɨta osärö kuña imembɨra pota va'e o'ä, ta'upaño voi imembrɨ o'a ramoseve e'i viña.

Apocalipsis 12:6

kuña evokoiyase oñemi ɨvɨ iporupɨre'ɨ̇save oso, a'eve omoigätu Tüpä iyemboerekwa agwä, ikaru agwä avei mil doscientos sesenta arɨ rupi.