San Mateo 19:28 - Tüpä Ñe'ëngagwer

²⁸ Jesús omboyevɨ chupe: –Supiete aipo a'e akoi arɨ ipapaprɨ oyepotase opakatu mba'e ñekuñarö agwä, a'ese che ava ɨvate katu va'e Ra'ɨrɨ agwapɨra che rendave che mborerekwa gwasu save, pe avei che rupindar pegwapɨra opayandepo yovaive ñuvɨrïo tenda arɨve, peporandura opakatu akoi opayandepo yovaive ñuvɨrïo tuprɨ yuvɨnosë va'e Israel suindar rekokwer rese kuri.

Tũpa Ñehengagüer

²⁸ —Oime itera niha mbahe pẽu. Esepia, acoi arɨ oyepotase opacatu mbahe recuñaro ãgua, ahese che, Ava Rɨquehɨr, aguapɨra che rendave che mborerecua guasusave. Pe avei, che rupindar, peguapɨra doce tenda harɨve. Ahese opacatu judío acoi doce imar Israel suindar recocuer rese peporandura curi.

San Mateo 19:28 Iomraidhean Croise

San Mateo 16:27

Esepia che ava ɨvate katu va'e Ra'ɨrɨ ayura che Ru pirätäsa porañetesa pɨpe iyavei sembigwai ɨva pendar reseve kuri, evokoiyase aikwara ñepëi-pëi ava upe sembiapokwer rupi chupe.

San Mateo 19:27

Pedro aipo e'i evokoiyase chupe: –Ore rumo oroseyapa opakatu ore mba'e nde rupi ore gwata agwä. ¿Mba'e evokoiyase oroipɨsɨra?

San Mateo 20:21

Jesús oporandu chupe: –¿Mba'e vo ereipota? A'e kuña evokoiyase aipo e'i chupe: –Emondo che membrɨ ndeyepɨri ogwapɨ va'erä ñepëi nde mba'e rese pokosa kotɨ, ambuae nde mba'e rese pokoe'ɨ̇sa kotɨ nde mborerekwasave.

San Mateo 25:31

“Che, ava ɨvate katu va'e Ra'ɨrɨ, ayevɨse opakatu che Ru rembigwai ɨva pendar reseve che reko ɨvategwer pɨpe, a'ese agwapɨra che renda porañete va'esave ava rekokwer rese porandu agwä.

San Mateo 6:33

Iyakatu rumo, pemondo opakatu pepɨ'a ñemoñetasa ɨva pendar rese iyavei peyapora mba'e avɨye va'e Tüpä rovai, iyavei peipɨsɨra opakatu ko mba'e ipane va'e peü.

San Mateo 8:20

Jesús omboyevɨ chupe: –Esepia agwara vɨreko okesa iyavei vɨräi vɨreko gwaitɨ, che ava ɨvate katu va'e Ra'ɨrɨ ndarekoi ete che pɨtu'u agwä.

San Marcos 10:37

A'e aipo e'i yuvɨreko: –Ore oroipota nde mborerekwa porañetesave ore mbogwapɨra ndeyepɨri eve, ñepëi nde mba'e rese pokosa kotɨ, ambuae nde mba'e rese pokoe'ɨ̇sa kotɨ.

Los Hechos 3:21

Kurïtëi rumo Jesucristo ɨvave vɨte sekoi akoi Tüpä opase voi omoigätu opakatu mba'e iyevɨ agwä, aipo e'i akoi imoñe'ë uka araka'endar oñe'ë mombe'usar ndaseko maräi va'e.

2 Timoteo 2:12

yañemosase mba'e tëi upe, a'ese yande yaikora imborerekwasave ipɨri; ndaikwai Jesucristo ya'ese, a'e avei ndopokwai va'e e'iñora yandeu;

2 San Pedro 3:13

yande rumo yasärö ite ɨva, ɨvɨ ipɨasu va'e Tüpä remimombe'u, a'eve opakatu ava yuvɨrekoira gweko avɨyesa pɨpe.

Apocalipsis 11:16

Evokoiyase veinticuatro tuprɨ ikwaiprɨ, evokoi ogwapɨ va'e yuvɨnoi Tüpä renda rovai, a'e oyeaɨvɨ omboya osɨva ɨvɨ rese Tüpä mboeteisave,

Apocalipsis 12:1

Evokoiyase ɨva rese oyekwa mba'e poromondɨisa tuvicha va'e: oime kuña iturukwar inungar arɨ rendɨgwer, avɨye opɨ̇ro va'e yasɨ rese o'ä, oakä yegwaka rese opayandepo yovaive ñuvɨrïo tuprɨ yasɨtata vɨreko.

Apocalipsis 20:4

Ipare asepia tenda, i'arɨve seta ava ogwapɨ yuvɨnoi evokoi oipɨsɨ va'e omborerekwasa yuvɨreko ava upe mba'e rese porandu agwä. Iyavei asepia ava ä evokoi opa va'ekwer oyasɨa ñakä yuvɨreko Jesús rekokwer mombe'usa sui tëi Tüpä ñe'ëngagwer mombe'usa pɨpe sui tëi avei. A'e ava nomboetei va'e mba'e ɨpɨ vai; sa'anga avei nomboetei yuvɨreko no; nomondo ukai va'e avei osɨva rese serer yuvɨreko, opo rese avei. A'e asepia opa okwerayevɨ yuvɨreko. Ipare oporokwai Cristo rese mil aravɨter rupi yuvɨreko.

Apocalipsis 21:5

A'ese evokoi ogwapɨ va'e tenda porañete va'e arɨve öi, a'e aipo e'i: “Che ayapo mba'e opakatu ipɨasu va'e.” Iyavei aipo e'i: “Eikwachia, esepia ko ñe'ësa supi tuprɨ va'e ite, evokoiyase iya ite peyeroya sese.”

Apocalipsis 22:2

Okar gwasu mbɨter rupi oso iyavei ɨai ɨke yakatu oime ɨvɨra tekovesa resendar, i'a va'e yasɨ rupi imboopayandepo yovaivesa ñuvɨrïo yupagwer ñepëi aravɨter pɨpe; iyavei evokoi ɨvɨraro avɨyeai ava opakatu ɨvɨ mbogwera agwä.

Apocalipsis 22:5

A'eve ndipoi chietera pɨ̇tü, iyavei ava a'eve yuvɨrekoi va'e ndosekai chietera tataendɨ, ndosekai chiaveira arɨ gwesape agwä yuvɨreko, esepia yande Yar Tüpä teiete osesapera, ipare a'e ava mborerekwar apɨre'ɨ̇ va'erä ite yuvɨrekoira sese.

Apocalipsis 3:21

Akoi ava oyemovɨräkwä va'e mba'e-mba'e tëi apoe'ɨ̇ agwä yuvɨreko, a'e ambogwapɨ ukara che ɨpɨve imoi che porokwaisave, inungar che mba'e tëi reko reroyɨ pare, agwapɨ che Ru ɨpɨve vïte.

Apocalipsis 4:4

iyavei asepia evokoi rese oyere tuprɨ ambuae veinticuatro tenda, a'e i'arɨve ogwapɨ yuvɨnoi veinticuatro avei ikwaiprɨ yuvɨrekoi va'e; iturukwar morochi va'e yuvɨreko iyavei oakä rese omboyere tuprɨ oro apoprɨ yuvɨreko.

Apocalipsis 7:4

Ipare asendu Tüpä rer oipɨsɨ va'e retakwer: ciento cuarenta y cuatro mil tuprɨ, opakatu iporavoprɨ yuvɨrekoi Israel suindar.