San Mateo 18:7 - Tüpä Ñe'ëngagwer

⁷ ¡Iparaɨsu ko ɨvɨ pɨpendar che reroyasar omboangaipa uka va'e yuvɨreko! Oime rane itera, ¡paraɨsusa ava moangaipa uka tëisar upe kuri!

Tũpa Ñehengagüer

⁷ ¡Iparaɨsu co ɨvɨ pɨpendar che reroyasar omboangaipa uca vahe yuvɨreco! Che reroyasar upe rumo oimeño itera poroãtoisa yepi, ¡ahe imboangaipa ucasar rumo iparaɨsu itera!

San Mateo 18:7 Iomraidhean Croise

San Mateo 16:23

Jesús oyemboyere sese aipo e'i Pedro upe: –¡Esɨrɨ che sui, Karugwar, nde che reitɨ pota eve mba'e tëi pɨpe! Nderesepiai mba'e avɨye va'e inungar Tüpä osepia va'e, ava osepia va'e nungar tëi nde eresepia.

San Mateo 26:24

Imboavɨyesa itera che ava ɨvate katu va'e Ra'ɨrɨ, rese ñe'ësa Ikwachiaprɨ; ¡iparaɨsu katura rumo akoi mbɨa che mondosar! Avɨye katura ndoyesuise viña.

San Marcos 13:7

“Pesenduse rumo ñe'ësa vavasa resendar ko'ave iyavei ambuae rupi, ndapeyembosɨkɨyei chietera. Esepia ni'ä oime rane itera evokoi nungar; nde'i vɨtei chira rumo arɨ kañɨ ipa va'e.

San Lucas 17:1

Jesús aipo e'i gwemimbo'e eta upe: “Ndapei katui chietera angaipa pɨpe pevɨapi e'ɨ̇ agwä; ¡iparaɨsura rumo ava moangaipa tëisar yuvɨreko!

San Juan 17:12

Che aikose ko ɨvɨ pɨpe ipɨri yuvɨreko, asärö tuprɨ nderer pirätäsa pɨpe, akoi erembou va'e cheu. Ndipoi ete ñepëi okañɨ tëi va'e, akoi yɨpɨve okañɨ va'eño ite rumo okañɨ tëi; yavɨye rane itera aipo e'i va'e Ikwachiaprɨ pɨpe.

Los Hechos 1:16

“Che mu eta Jesucristo reroyasar, iya ite ko imboavɨyesa Tüpä ñe'ëngagwer Judas rekokwer resendar, a'e imombe'uprɨ David upe Espíritu Maräne'ɨ̇ pɨpe araka'e, evokoi Judas vɨraso va'e Jesús amotare'ɨ̇mbar ipɨsɨ uka agwä.

1 Corintios 11:19

¡Iya ite revo peyemboya'opara pe pɨ'a ñemoñetasa sui, a'ese ikwasara uma sekoi Jesús reroyasar ite!

1 Timoteo 6:1

Akoi ava mbigwai tëi yuvɨrekoi va'e, a'e omboyeroyara gwerekwar imboeteisa pɨpe yuvɨreko, iñe'ë marä e'ɨ̇ agwä Tüpä rer rese, yande porombo'esa rese avei.

Tito 2:5

oyapora mba'e avɨye va'e, ikatuprɨ va'e avei, tosärö tuprɨ omembrɨ sereko, toipotarai avei omer, evokoiyase ndipoichira oñe'ërai va'e Tüpä ñe'ëngagwer rese yuvɨreko.

Tito 2:8

ereñe'ëra mba'e tuprɨ rese, ndipoichira nde mongɨ'a va'e yuvɨreko. A'ese yuvɨnochira ndesui, evokoiyase ndoikatu iri chira oñe'ërai yuvɨreko yande rese.

San Judas 1:4

Esepia amove ava iporombopa serai va'e yuvɨroike anga'u ava pe pa'üve araka'e suive rumo ikwachiaprɨ yɨpɨ suive ite imokañɨsara. A'e ava ndasekoporäi va'e, Tüpä avɨye ite ndoyapoi chietera mba'e yandeu, sese oyapoño mba'e tëi yuvɨreko, Jesucristo nda'ei yande Rerekwar e'iño yuvɨreko.