San Mateo 18:3 - Tüpä Ñe'ëngagwer

³ ipare aipo e'i chupe: –Supiete, akoi ndapeñekuñaröise iyavei ndapeikoise chi'ïvä'emi nungar, a'ese ndapeikei chira Tüpä mborerekwasa pɨpe.

Tũpa Ñehengagüer

³ aipo ehi: —Supi eté, acoi ndapeñecuñaroise iyavei ndapeicoise chĩhivahemi nungar, ahese ndapeiquei chira Tũpa mborerecuasa pɨpe.

San Mateo 18:3 Iomraidhean Croise

San Mateo 13:15

Esepia ava pɨ'a ñemoñetasa ko tekwa pɨpendar naporäi ete, ndayapɨsai ete sendu potae'ɨ̇save ndoyemboesapɨsoi avei sepia potae'ɨ̇save, ndosepia potai mba'e yuvɨreko ndosendu potai avei ñe'ësa avɨye va'e, ndosendukwa potai mba'e ndoyevɨ potai avei yuvɨreko cheu, che nambogwerai va'erä avei.’ ”

San Mateo 18:2

Evokoiyase Jesús oñe'ë ñepëi chi'ïvä'emi upe, a'ese omondo mbɨterve ipa'üve imo'ä,

San Mateo 18:4

Seko ɨvate katu va'e Tüpä mborerekwasave a'e oñemominimi va'e oyevɨra inungar ko chi'ïvä'emi sekoi.

San Mateo 19:14

Evokoiyase Jesús aipo e'i: –Toyugweruño chi'ïvä'e cheu, ani ndapeyei chira chupe, esepia Tüpä mborerekwasa a'e inungar tuprɨ yuvɨrekoi.

San Mateo 19:23

Jesús evokoiyase aipo e'i gwemimbo'e eta upe: –Supiete yavai eteanga mba'e yar upe seike agwä Tüpä mborerekwasa pɨpe.

San Mateo 5:18

Supiete ko ɨva ɨvɨ avei yandeu oime vɨtemiseve, ndipoi chietera ñepëi yepe Moisés porokwaita rembikwachiagwer okañɨ tëi va'erä, opakatu tuprɨ rane itera imombe'uprɨ yavɨye.

San Mateo 5:20

“Amombe'ura aipo peü, akoi ndapereko ɨvɨ̇i tuprɨise ko Moisés porokwaita rese oporombo'e va'e iyavei fariseo ndapeyapoise mba'e avɨye va'e Tüpä rovai, a'ese ndapeikei chietera Tüpä mborerekwasave.”

San Mateo 6:16

“Akoi peyekwakuse, ndapemboyekwai chira perepiaka vɨ'are'ɨ̇sa, inungar ava oñe'ë ñotëi va'e tekokwer rese yuvɨreko yepi, omboyekwa vɨ'are'ɨ̇sa tacherepia ava yuvɨreko e'i anga'u yekwakusa pɨpe. Supiete aipo a'e vɨreko itera porerekosa oyeupe narä.

San Mateo 6:2

“Evokoiyase, peipɨtɨ̇vɨïse iparaɨsu va'e, ndapemombe'ui chira opakatu ava upe, inungar ava oñe'ë ñotëi va'e tekokwer rese yuvɨreko yepi oɨ judío ñemonu'äsave iyavei okar rupi tëi tayanderepia anga'u ava o'esave tëi. Supiete aipo a'e evokoi vɨreko ite porerekosa oyeupe narä.

San Mateo 6:5

“Akoi peyerurese, ndapeikoi chira inungar ava oñe'ë ñotëi va'e tekokwer rese yuvɨreko yepi, a'e akoi oyerure potarai va'e oɨ judío ñemonu'äsave iyavei okarusu popɨve tacherepia ava yuvɨreko oyapave. Supiete aipo a'e evokoi rese vɨrekora porerekosa oyeupe narä.

San Marcos 4:12

yepe osepia tëira, ndosepiakwai chietera rumo yuvɨreko, iyavei yepe osendu tëira, a'e rumo ndosendukwai chietera yuvɨreko, Tüpä upe oyevɨ potae'ɨ̇save, ipɨpe sui ndipoi chira ñeröisa yuvɨreko chupe.”

San Lucas 13:24

–Peikwa tuprɨ peike va'erä okendɨpɨ ka'ïmi rupi; esepia aipo a'e peü seta ava yuvɨroike pota tëira, ndoikatu chietera rumo yuvɨreko.

San Lucas 22:32

che rumo ayerure nde rese, ipane e'ɨ̇ agwä nde pɨ'a ñemoñetasa. Iyavei nde, ereyevɨse cheu, eipɨtɨ̇vɨï katu nde rɨvrɨ eta imovɨräkwä agwä yuvɨreko oyese.

San Juan 1:51

Iyavei aipo e'i Jesús: –Supiete pesepiara ɨva oyemboi tuprɨse, iyavei mbigwai ɨva pendar Tüpä suindar eta igweyɨse che ava ɨvate katu va'e Ra'ɨrɨ arɨve iyevɨse avei ɨvave kuri.

San Juan 3:3

Jesús aipo e'i chupe: –Supiete aipo a'e ndeu akoi ava ndoyesu pɨasu iri va'e, ndosepiai chietera Tüpä mborerekwasa.

San Juan 3:5

Jesús omboyevɨ chupe: –Supiete aipo a'e ndeu akoi ava ɨ pɨpe iyavei Espíritu pɨpe ndoyesui va'e, a'e ndoikatui chietera oike va'erä Tüpä mborerekwasave.

Los Hechos 14:22

A'e tekwa rupi omongere'ɨ̇ katu Jesús reroyasar, iyavei peikora poreroyasa sɨkɨye e'ɨ̇sa pɨpe, aipo e'i yuvɨreko chupe yande reike agwä Tüpä mborerekwasave oime rane itera paraɨsusa tuvicha va'e.

Los Hechos 28:27

Ko ava tekwa pɨpendar pɨ'añemoñetasa kokotɨ tëiete, ndoyemboapɨsaiño yuvɨreko iyavei osapɨ̇vɨi tuprɨño mba'e sui, ndosepia potai mba'e avɨye va'e ndosendu potai avei mba'e yuvɨreko, ndosendukwa katui ete ñe'ësa supiete va'e; iyavei ndoyevɨ potai yuvɨreko cheu gwekokwer moigätu agwä iyavei che nambogwerai e'ɨ̇ va'erä yuvɨreko.’

Los Hechos 3:19

Sese, peyevɨ pe Tüpä upe iyavei peñekuñarö, ipɨpe sui a'e omokañɨra pe angaipagwer pe sui

1 Corintios 14:20

Che rɨvrɨ eta, pepɨ'añemoñeta eme chi'ïvä'emi pɨ'añemoñeta nungar pɨpe. Iyakatu rumo peikora kwakwa va'e pɨ'añemoñeta nungar pɨpe, peyemochi'ïvä'e katuñora rumo peiko mba'e naporäi va'e apoe'ɨ̇ agwä.

1 San Pedro 2:2

Inungar pitanimi okwakwa agwä oipota kambɨ; egwë peye aveira pe kere'ɨ̇sa pɨpe Tüpä ñe'ëngagwer rese pe yembo'e katu iri agwä, peiko va'erä avei poropɨsɨrösa pɨpe,

2 San Pedro 1:11

Evokoi nungar pɨpe sui ɨva rokenda imboisara pereike agwä mborerekwasa ndopai va'esave, yande Yar yande Pɨsɨrösar Jesucristo mborerekwasave.