San Mateo 18:28 - Tüpä Ñe'ëngagwer

²⁸ “Osëse oso ichui, a'ese ipɨtɨ̇vɨïsar osepia ñepëi omboetasagwer vɨnose va'e gwarepochi movɨrö tëi va'e gwerekwar sui. A'e oipɨsɨ iyesɨ'o rese ipare seni oyuka, aipo e'i chupe: ‘¡Emboepɨpa gwarepochi erenose va'ekwer che sui!’

Tũpa Ñehengagüer

²⁸ “Aheseve voi rumo sembiguai osẽse, osepia ambuae ondugüer oyeupe ndaseta tuprɨi vahe ireve. Ahe chupe aipo ehi iyesɨho pɨsɨ: ‘¡Emboepɨpa acoi nde revesa cheu!’ ehi.

San Mateo 18:28 Iomraidhean Croise

San Mateo 18:27

Ipare mborerekwar ɨvate katu va'e oiparaɨsuereko; egwë e'i iñeröi chupe iyavei omondo mba'e tuprɨ pɨpe.”

San Mateo 18:29

A'e imboetasagwer, oñenopɨ'ä sovai oso, aipo tëi chupe: ‘Eñemosañomi tëi cheu opara ni'ä opakatu amboepɨ ndeu.’

San Mateo 20:2

A'ese omoigätupa oporavɨkɨ va'e upe omboepɨ agwä ñepëi arɨ rupindar mboravɨkɨ reprɨ, ipare opa omondo uvatɨ̇save imboporavɨkɨ.

San Marcos 14:5

Omondo va'e ite tie ko trescientos arɨ rupindar mboravɨkɨ reprɨ rupi ava iparaɨsu va'e pɨtɨ̇vɨï agwä viña. Ipare omañeko tëi a'e kuña yuvɨreko.

San Marcos 6:37

Jesús rumo omboyevɨ gwemimbo'e upe: –Pemondo pe mba'e semi'urä. A'e rumo omboyevɨ yuvɨreko chupe: –¿Iyakatura pi'ä oreu doscientos arɨ rupindar mboyape repɨrä, ava mbokaru agwä?

San Lucas 10:35

A'ere arayi'ive, Samaria ɨgwar vɨnose ñuvɨrïo arɨ rupindar gwarepochi, omondo a'e pendar oɨ yar upe aipo e'i chupe: ‘Esärö tuprɨmi tëi ko mbɨa cheu, akoi nde'añeko katuse sese, amboepɨ katu irira che yevɨse ndeu.’

San Lucas 7:41

Jesús aipo e'i iri: –Ñuvɨrïo mbɨa vɨrokwa yuvɨreko ñepëi gwarepochi mondosar sui. Quinientos tuprɨ, ambuae evokoiyase cincuenta tuprɨ vɨrokwa;

San Juan 6:7

Evokoiyase Felipe omboyevɨ chupe: –Doscientos arɨ rupindar gwarepochi ndosupitɨi chietera mboyape rerokwa agwä oipɨsɨ va'erä chi'ï-chi'ïmi rupi ava yuvɨreko viña.