San Mateo 18:15 - Tüpä Ñe'ëngagwer

¹⁵ “Akoi nde rɨvrɨ oyapose mba'e tëi ndeu, eñe'ë sese nde ae ipare eikwa uka mba'e sembiapokwer chupe. Vɨroyase a'e nde ñe'ë, a'ese nde ereyapo ite mba'e avɨye va'e nde rɨvrɨ upe.

Tũpa Ñehengagüer

¹⁵ “Acoi nde mboetasa Tũpa reroyasar oyapose que mbahe tẽi ndeu, eresora nde ae, eñehe mbahe ndeu oyavɨ vahe rese chupe. Nde ñehe vɨroyase, ahese peñero oyeupe cute.

San Mateo 18:15 Iomraidhean Croise

San Mateo 18:14

Egwë e'i aveira, pe Ru ɨvave sekoi va'e ndoipotai ete pe kañɨ tëi agwä inungar ko chi'ïvä'emi.”

San Mateo 18:21

Evokoiyase Pedro oso oporandu Jesús upe: –Che Yar, ¿mbovɨ yupagwer rupi vo che ñeröira che rɨvrɨ upe, oyapose mba'e naporäi va'e cheu? ¿Ñuvɨrïo ova rupivera pi'ä?

San Mateo 18:35

Jesús aipo e'i iri: –Egwë e'i aveira che Ru ɨva pendar peü, ndapeñeröise ñepëi-pëi pe pɨ'a pɨpe pe rɨvrɨ upe.

Romanos 12:21

Ani mba'e tëi upe peyeekopɨ uka. Iyakatu rumo pesekopɨra mba'e-mba'e tëi, mba'e tuprɨ aposa pɨpe.

1 Corintios 8:12

Esepia pemomaräse Tüpä rese ipɨ'a ñemoñetasa, a'ese pe ae peyemboangaipa uka Cristo amotare'ɨ̇sa pɨpe peiko.

2 Corintios 7:12

Egwë e'i akoi yɨpɨndar aikwachia va'e imondo peü, nda'ei ava mba'e tëi aposar reseño, nda'ei avei mba'e tëi oiporara va'e reseño, che rumo aipota katu peikwa pe ore raɨsusa pereko va'e oreu narä Tüpä rovake.

Gálatas 6:1

Che rɨvrɨ eta, akoi Jesús reroyasar pe pa'ü pendar oyavɨse gwekokwer, perekokwer katuprɨsa pɨpe peipɨtɨ̇vɨï sekokwer moigätu agwä. Pe rekokwer mbegwemisa pɨpe; peikwa katura rumo, avɨyeteramo oyoya voi peyemboangaipa uka tiëtera.

Colosenses 3:13

Egwë peyera peñemosa oyeupe, peñeröi aveira opakatu oyeupe akoi pe pa'ü pendar oñemoɨröse peü. Inungar yande Yar ombou ñeröisa yandeu, pe avei egwë peyera ambuae ava upe.

1 Tesalonicenses 4:6

Tipo eme avei oyapo va'e ko nungar angaipa yande rɨvrɨ reko momarä agwä tëi, esepia Tüpä omondora oñemoɨrösa ipirätä va'e evokoi nungar ava upe, evokoi ni'ä yɨpɨsuive oromombe'u va'e peü.

2 Tesalonicenses 3:15

Pereko eme katu yamotare'ɨ̇sa pɨpe, iyakatu rumo pemboarakwa katuñora inungar yande rɨvrɨ.

Tito 3:10

Oimese ava omboya'o va'e tüpäro pɨpe, eñe'ë yɨpɨndar chupe iyavei ñuvɨrïo yupagwer; nandereroyaise ite, emombo evokoi sui,

1 San Pedro 3:1

Egwë peye aveira pe kuña omenda va'e, pemboyeroyara pe mer, esepia amove ndovɨroya vɨtei Tüpä ñe'ëngagwer yuvɨreko, pemboyekwase rumo pe reko tuprɨsa imboeteisa avei chupe, avɨyeteramo a'e avei vɨroyara, yepe ndapeñe'ëi chira chupe viña,