San Mateo 17:20 - Tüpä Ñe'ëngagwer

²⁰ Jesús aipo e'i gwemimbo'e eta upe: –Esepia ndapeyeroya tuprɨi vɨtei ete Tüpä rese. Supiete perekose peporeroyasa chi'ïmi viña, inungar-ra ndoyavɨi chira mostaza rä'ɨi ta'ɨmi va'e, aipo peyera ko ɨvɨtrɨ uve: ‘Esɨrɨ ko'ave sui eso kokotɨ rupi ëi’, a'ese ɨvɨtrɨ osɨrɨño itera oso. Ichui ndipoi chietera mba'e yavai va'e peü.

Tũpa Ñehengagüer

²⁰ —Esepia, ndapeyeroya tuprɨi Tũpa rese. Supi eté sese pe yeroyasa, yepe ndoyavɨi chira mostaza rãhɨi tahɨmi vahe viña, aipo peyera co ɨvɨtrɨ upe: ‘Esɨrɨ, eso coi cotɨ’ peyera. Evocoiyase ɨvɨtrɨ osɨrɨño itera. Ahese ndapemboavaimi chira mbahe.

San Mateo 17:20 Iomraidhean Croise

San Mateo 13:31

Jesús omombe'u avei ko ambuae yembo'esa oyoya va'e: “Tüpä mborerekwasa ɨva pendar oyoya tuprɨ mostaza rä'ɨi rese inungar ava oñotɨ̇ va'e oɨvɨ pɨpe.

San Mateo 14:29

–Erio ru–e'i Jesús chupe. Evokoiyase Pedro ogweyɨ ɨarusu pɨpe sui omboɨpɨ ogwata ɨ arɨ rupi oso Jesús kotɨ.

San Mateo 17:17

Jesús omboyevɨ chupe: –¡Too, ndapeyeroya tuprɨ vɨtei ete vo Tüpä rese! ¿Mbovɨ rupi rutei vo aiko vɨtera pe pa'üve? ¿Mbovɨ yupagwer rupi vo amombe'u irira mba'e vichiko peü? Peru evokoi chi'ïvä'e cheu.

San Mateo 17:19

Ipare semimbo'e eta oporandu kokotɨmi Jesús upe yuvɨreko: –¿Ma'erä pi'ä ore ndoroikatui karugwar renose ichui?

San Mateo 17:9

Ogweyɨse ɨvɨtrɨ sui yuvɨreko, a'ese Jesús aipo e'i mbosapɨ gwemimbo'e upe: –Ndapemombe'ui chietera ñepëi ava upe ko mba'e pesepia va'e, akoi ava ɨvate katu va'e Ra'ɨrɨ okwerayevɨse voi ete kuri.

San Mateo 21:21

Jesús rumo omboyevɨ chupe: –Supiete aipo a'e peü perekose yeroyasa Tüpä rese, iyavei ndaperekoi chietera poreroya e'ɨ̇sa, a'ese nda'ei ko mba'e gweraño peyapora inungar che ayapo va'e higuera rese, ko ɨvɨtrɨ upe avei aipo peyese: ‘Esɨrɨ ave sui evɨapɨ eso paragwasu pɨpe’, egwë e'i etera mba'e yavɨye koiye.

San Mateo 8:26

A'e rumo omboyevɨ gwemimbo'e upe: –¿Ma'erä vo pesɨkɨye eteprɨ? ¡Ndapeyeroyai ete vo Tüpä rese! Oñarapü'a pare rumo Jesús oñe'ë pirätä ɨtu gwasu upe ɨvɨtuai upe aveino, ipare voi ete opa tuprɨ opɨtu'u.

San Marcos 11:22

Jesús omboyevɨ aipo e'i: –Peyeroya katu Tüpä rese.

San Marcos 11:23

Supiete aipo a'e peü akoi aipo e'i va'e ɨvɨtrɨ upe: ‘¡Esɨrɨ avesui evɨapɨ eso paragwasu pɨpe!’, iyavei ndape yapoi chira ate'ɨ̇sa pɨpe, ko peroya itera aipo peye va'e, a'ese egwë e'i etera kuri.

San Marcos 4:31

A'e oyoya tuprɨ mostaza rä'ɨi rese. A'e ta'ɨmi opakatu ambuae mba'e rä'ɨi sui,

San Marcos 9:23

Jesús aipo e'i chupe: –¿Ma'erä ‘ereikatuse ere cheu’? ¡Opakatu che reroyasar upe yaposa ite mba'e avɨye va'e!

San Lucas 1:37

Tüpä upe ndipoi ete mba'e yavai va'e.

San Lucas 17:6

Evokoiyase yande Yar omboyevɨ chupe: –Perekose yeroyasa Tüpä rese viña, yepe ndoyavɨi chira mostaza rä'ɨi ta'ɨmi va'e viña, aipo peyera ko ɨvɨra tuvicha va'e upe: ‘Eyeapo'o ave sui eñeñetɨ paragwasu pɨpe’, a'ese pe mboyeroya itera.

San Lucas 18:27

Jesús omboyevɨ chupe: –Ava tëi upe mba'e yavai ete Tüpä upe rumo ndayavaimi ete.

San Juan 11:40

Jesús omboyevɨ chupe: –¿Na mombe'ui vo akoi ndeu, ko ereroyase, eresepiara Tüpä porañetesa eiko?

1 Corintios 12:9

Ambuae upe evokoiyase omondo oyese yeroya tuprɨ katu agwä Espíritu pɨpe sui avei, ambuae upe omondo opirätäsa imba'easɨ va'e mbogwera agwä.

1 Corintios 13:2

Iyavei amombe'uño tëise Tüpä suindar ñe'ësa ou va'e yandeu viña, iyavei aikwase opakatu mba'e ikwapɨre'ɨ̇ Tüpä suindar, arekose avei arakwasa opakatu che yese, iyavei Tüpä rese yeroya pɨpe arosɨrɨra ɨvɨtrɨ gwasu senda sui viña, ndasaɨsuise rumo ava ipɨpe, che evokoiyase egwë a'e tuprɨ tëira vichiko.

Hebreos 3:19

Ipɨpe sui yaikwa ndoikatui ete yuvɨroike agwä a'e ɨvɨ imoigätuprɨ pɨpe, esepia ni'ä ndovɨroyai ete yuvɨreko.