San Mateo 17:18 - Tüpä Ñe'ëngagwer

¹⁸ Evokoiyase Jesús oñe'ëgäta karugwar upe ipare omose chi'ïvä'e sui, a'e ramoseve voi ete okwera tuprɨ.

Tũpa Ñehengagüer

¹⁸ Ahese oñehe pĩrata caruguar upe chĩhivahe sui imose. Aheseve ocuera tuprɨ voi eté.

San Mateo 17:18 Iomraidhean Croise

San Mateo 12:22

Vɨraso Jesús upe ñepëi ava ndasesapɨsoi va'e iyavei niñe'ë gätui va'e, a'e karugwar vɨreko va'e oyese, ipare rumo Jesús ombogwera sesa maräsa sui omoñe'ë gätu aveino.

San Mateo 15:28

Evokoiyase Jesús aipo e'i chupe: –¡Kuña, erereko ite tuvicha va'e nde yeroyasa Tüpä rese! Avɨye tayaposa mba'e nde remimbotar rupi. Iyavei aipo i'e ramoseve, okwera voi ete imembrɨ.

San Mateo 17:17

Jesús omboyevɨ chupe: –¡Too, ndapeyeroya tuprɨ vɨtei ete vo Tüpä rese! ¿Mbovɨ rupi rutei vo aiko vɨtera pe pa'üve? ¿Mbovɨ yupagwer rupi vo amombe'u irira mba'e vichiko peü? Peru evokoi chi'ïvä'e cheu.

San Mateo 17:19

Ipare semimbo'e eta oporandu kokotɨmi Jesús upe yuvɨreko: –¿Ma'erä pi'ä ore ndoroikatui karugwar renose ichui?

San Mateo 9:22

Jesús rumo oyemboyere kuña rese, aipo e'i chupe: –Che rayrɨ, eñemopoäse, erekwera kurïtëi Tüpä reroyasa erereko va'e pɨpe. Aipo i'e ramoseve okwera voi ete a'e kuña.

San Marcos 1:34

Jesús seta ombogwera ava opakatu imba'erasɨsa sui, iyavei omboyepepɨ seta karugwar ava sui; ndoipotai rumo karugwar ñe'ë, esepia a'e oikwa ite sekokwer yuvɨreko.

San Marcos 5:8

Egwë e'i aipo oñe'ë esepia Jesús aipo e'i chupe: –¡Karugwar mba'e tëi va'e, epoi ko ava sui!

San Lucas 4:41

Imba'easɨ va'e sui seta yuvɨnosë karugwar, säse tëi aipo e'i yuvɨreko: –¡Nde Tüpä Ra'ɨrɨ ite ereiko! Jesús rumo oñe'ëgäta karugwar upe iyavei ndoipota iri iñe'ë agwä, esepia a'e oikwa ite Poropɨsɨrösar sekoise yuvɨreko.

San Lucas 8:29

Aipo e'i oñe'ë, esepia Jesús opa ite oyokwai karugwar töse ichui oyapave. Seta yupagwer karugwar a'e mbɨa ombopa sereko yepi; yepe ava oipokwa-pokwa tëi yuvɨreko ipɨ rupi avei karena pɨpe tovɨraso iri eme oyapave yuvɨreko viña, a'e rumo ombosando-sando ñoite okwasa karugwar rumo vɨraso ukaño ava pore'ɨ̇sa rupi sereko.

San Lucas 9:42

Oyemboyase chi'ïvä'e oso sese, a'ese karugwar ombovɨapi ɨvɨve imondo ipare rumo omoeo'ä iri ete; Jesús rumo oñe'ëgäta karugwar upe, a'e chi'ïvä'e ipare ombogwera imboyevɨ imondo iyesupa upe.

Los Hechos 16:18

Seta arɨ rupi egwë e'i oiko, omañeko tëise rumo Pablo, oyemboyere chupe, aipo e'i ikarugwar upe: –Che orokwai Jesucristo rer pɨpe, esë ko kuñatäi sui. A'e ramoseve karugwar osë ichui.