San Mateo 16:4 - Tüpä Ñe'ëngagwer

⁴ Ko ava ndasekoporäi ndipɨ'a ñemoñetai va'e oporandu poromondɨisa rese yuvɨreko; nimboyekwasai chietera chupe inungar poromondɨisa oso va'e Jonás upe.” Ichui oseyapaño ava oso.

Tũpa Ñehengagüer

⁴ Co ava ndaseco põrai vahe oyepepɨ vahe Tũpa sui oporandu poromondɨisa rese ‘¿Tũpa suindar ité pĩha?’ oyapave. Che rumo namboyecuai chira ambuae poromondɨisa chupe; acoi poromondɨisa Tũpa oyapo Jonás upe güeraño tuprɨ aseyara chupe” ehi. Ichui oseyapaño ava rehɨi oso.

San Mateo 16:4 Iomraidhean Croise

San Mateo 15:14

Egwë te'iño yuvɨreko, esepia evokoi ndasesapɨsoi va'e vɨrogwata ambuae ava ndasesapɨsoi va'e. Iyavei ñepëi ndasesapɨsoi va'e vɨrogwatase ambuae, ñuvɨrïo voi ovɨapira ɨvɨkwar pɨpe yuvɨraso.

San Mateo 16:5

Evokoiyase semimbo'e eta opase osasa ɨpa rovai yuvɨraso, sesarai rumo mboyape rerasosa sui yuvɨreko.

San Marcos 8:12

Jesús ipɨtü'ë puku aipo e'i: –¿Ma'erä vo ko ava oipota ɨva pendar poromondɨisa che rekokwer kwa agwä yuvɨreko? Namboyekwai chietera rumo ñepëi evokoi nungar mba'e peü.

San Marcos 8:38

Esepia akoi ava yuvɨnochiai va'e che sui iyavei che ñe'ëngagwer sui ava angaipa viyar ndaseko tuprɨi va'e rovai, che avei ava ɨvate katu va'e Ra'ɨrɨ, egwë a'era akoi ayevɨse che Ru reko pirätä porañetesa pɨpe, sembigwai re'ɨi ɨva pendar maräne'ɨ̇ reseve kuri.

Los Hechos 18:6

A'e rumo iñe'ë-ñe'ë tëi voi seroɨrösave yuvɨreko chupe; sese Pablo oipɨpete oturukwar sovake oñemoɨrösave, aipo e'i chupe: –Pe ae ni'ä peseka Tüpä ñemoɨrösa peyeupe pe rekokwerai sui, nda'ei rumo che resera mba'e. Ko pɨpe suive tuprɨ, amombe'ura ko ñe'ësa ava nda'ei va'e judío upe.

Los Hechos 2:40

Egwë e'i oñe'ë vɨte, ava mboarakwa aipo e'i: –¡Peyepepɨ ko ava sekokwer kokotɨ tëi va'e sui!