San Mateo 16:16 - Tüpä Ñe'ëngagwer

¹⁶ Simón Pedro omboyevɨ chupe: –Nde ereiko Poropɨsɨrösar, Tüpä Ra'ɨrɨ oikove va'e ite.

Tũpa Ñehengagüer

¹⁶ —Nde niha Tũpa supi eté vahe Rembiporavo imombehuprɨ; Tahɨr ité ereico —ehi Simón Pedro.

San Mateo 16:16 Iomraidhean Croise

San Mateo 1:16

Jacob ra'ɨrɨ José, María mer, María evokoiyase Jesús sɨ sekoi, a'e Poropɨsɨrösar ya'e va'e chupe.

San Mateo 14:33

Evokoiyase yuvɨrekoi va'e ɨarusu pɨpe opa oñenopɨ'ä Jesús sovai, aipo e'i yuvɨreko chupe: –¡Supiete katu nde ereiko Tüpä Ra'ɨrɨ!

San Mateo 16:15

–Pe aveino, ¿ava ko sekoi peye ru cheu?–e'i oporandu gwemimbo'e upe.

San Mateo 26:63

Jesús rumo noñe'ëi ete o'ä. Pa'i eta rerekwar ɨvate katu va'e aipo e'i chupe: –Tüpä oikove va'e rer pɨpe emombe'u supiete va'e mba'e. Nde ite vo ereiko Poropɨsɨrösar, Tüpä Ra'ɨrɨ.

San Mateo 27:54

A'ese sundao rerekwar iyavei yuvɨrekoi va'e Jesús rärösareta osepia ɨvɨ rɨrɨi yuvɨreko opakatu mba'e-mba'e tëi aveino, a'ese oyembosɨkɨye aipo e'i tëi yuvɨreko: –¡Supiete katu ko mbɨa Tüpä Ra'ɨrɨ ite sekoi!

San Mateo 4:3

Evokoiyase karugwar oyemboya oso Jesús rese seko'ä agwä, aipo e'i chupe: –Tüpä Ra'ɨrɨ ite ereikose, eyaporu ko ita sui mboyape kurïtëi.

San Marcos 14:61

Jesús rumo noñe'ëiño ite o'ä, nomboyevɨi ete chupe. Pa'i rerekwar ɨvate katu va'e oporandu iri chupe: –¿Nde ite vo ereiko Poropɨsɨrösar, Tüpä imboeteiprɨ Ra'ɨrɨ?

San Lucas 2:11

Ko pɨpe o'a David rekwa Belén ve Poropɨsɨrösar peü narä, a'e ni'ä Tüpä Rembiporavo, pe Yargwä sekoi.

San Juan 1:49

Natanael aipo e'i chupe: –Porombo'esar, ¡nde ni'ä Tüpä Ra'ɨrɨ ereiko, nde avei ereiko Mborerekwar ɨvate katu va'e Israel pendar!

San Juan 11:27

A'e kuña aipo e'i chupe: –Supiete che Yar, che orovɨroya ite nde Poropɨsɨrösar ereikose, Tüpä Ra'ɨrɨ, a'e ou va'erä ko ɨvɨ pɨpe.

San Juan 20:31

Ko ikwachiasa peroya va'erä Jesús sekoise Poropɨsɨrösar, Tüpä Ra'ɨrɨ iyavei seroyar vɨrekora tekovesa apɨre'ɨ̇ yuvɨreko sese.

San Juan 6:57

Che Ru, che mbousar, a'e vɨreko ite tekovesa, ichui avei che aikove; egwë e'i aveira, akoi o'u va'e che retekwer oikovera che rese.

San Juan 6:68

Simón Pedro omboyevɨ chupe: –Che Yar, ¿ava upe vo oroso irira? Nde gweraño ite ni'ä erereko ñe'ësa tekovesa apɨre'ɨ̇ va'e.

San Juan 6:69

Ore rumo oroyeroya ite nde rese, iyavei oroikwa ite nde ndaseko maräi va'e Tüpä suindar ereikose.

Los Hechos 14:15

–Mbɨa eta, ¿ma'erä vo peyapo ko nungar? Ore rumo ava tëi, pe nungar avei oroiko. A'e gwä ite oroyu oromombe'u va'erä ñe'ësa avɨye va'e peü, pepoi va'erä ko mba'e egwë e'i tëi va'e mboeteisa sui, iyavei peyevɨ Tüpä supiete upe, a'e oyapo va'e ɨva, ɨvɨ, paragwasu, opakatu ipor reseve.

Los Hechos 8:36

Koiye katu, oyepotase ɨ oimesave yuvɨreko, a'ese gwarepochi rese ñangarekwar aipo e'i: –Esepia ko'ave oime ɨ; ¿Ndiyai vo che apirämomi tëi eve viña?

Los Hechos 8:37

Felipe aipo e'i chupe: –Ereroyase nde pɨ'a pɨpe, a'ese ereikatura. Ipare a'e mbɨa omboyevɨ chupe: –Aroya ite Jesucristo Tüpä Ra'ɨrɨ sekoise.

Los Hechos 9:20

Ipare Saulo omboɨpɨ imombe'u Jesús rekokwer oɨ judío ñemonu'äsave Tüpä Ra'ɨrɨ sekoise.

Romanos 1:4

okwerayevɨse Espíritu maräne'ɨ̇ pɨpe, a'ese opirätäsa pɨpe omboyekwa tuprɨ ite Tüpä Ra'ɨrɨ gwekosa. A'e ni'ä yande Yar Jesucristo.

2 Corintios 1:19

Esepia Tüpä Ra'ɨrɨ Jesucristo avei ñepëi reseve yayeroya va'e sese, a'e sekokwer ni'ä oromombe'u oroiko peü, che Silvano, Timoteo avei, nda'ei “avɨye va'e” iyavei “ani” a'e pɨpeve avei. Esepia Tüpä omondo Cristo upe opakatu mba'e “avɨye va'e”,

2 Corintios 3:3

Pe ni'ä pemboyekwa pe reko tuprɨ pɨpe ore rembiapo Cristo porokwaita pɨpe pe pa'üve; sese pe inungar Cristo rembikwachia avɨye va'e oromondo va'e ava upe, a'e rumo nda'ei tinta pɨpe ite ikwachiaprɨ itape rese, Espíritu Tüpä oikove va'e suindar pɨpe rumo yapoprɨ ava pɨ'a pɨpe.

2 Corintios 6:16

Nda'oyoyai chietera ni'ä mba'e ra'anga tëi Tüpä rëtä rese. Esepia yande ni'ä Tüpä oikove va'e rëtä nungar yaiko, a'e ni'ä aipo e'i Ikwachiaprɨ pɨpe araka'e: “Che aikovera seseve iyavei agwatara ipa'ü rupi yuvɨreko; che avei aikora Tüpä yuvɨreko chupe a'e evokoiyase cheu narä yuvɨrekoira.”

1 Tesalonicenses 1:9

Esepia a'e avei omombe'u yuvɨreko oreu akoi oreso agwer pe pɨri, pe ore pɨsɨ tuprɨ agwer resendar avei, omombe'u avei mba'e ra'anga sui pe poi agwer Tüpä oikove va'e rupi pe gwatasa yuvɨreko, pe chupe narä mba'e apo agwä aveino

1 Timoteo 3:15

akoi che araka'ese, ereikwañora rumo pe reko tuprɨ agwä ava Tüpä rese yuvɨrekoi va'e pa'üve, a'e akoi Tüpä oikove va'e upendar yuvɨrekoi, oyemovɨräkwä tuprɨ va'e avei ko porombo'esa supiete va'e mboyekwa agwä.

1 Timoteo 4:10

Sese ni'ä yaporavɨkɨ eteprɨ, esepia yande yayeroya ite Tüpä ndopai va'e rese, a'e opakatu ava Pɨsɨrösar, iyavei vɨroyasar pɨsɨrösar katu ite sekoi.

Hebreos 10:31

¡Mba'e tëiete yaikese Tüpä oikove va'e ñemoɨrösa pɨpe!

Hebreos 12:22

Pe rumo peyemboya ɨva pendar ɨvɨtrɨ Sión rese, Tüpä oikove va'e rekwave a'e tekwa Jerusalén ɨva pendar, a'eve mbigwai ɨva pendar seta iteanga oñemonu'ä Tüpä mboetei agwä yuvɨreko yepi,

Hebreos 3:12

Che rɨvrɨ eta, peñearö katu tipo eme ñepëi ipɨ'añemoñeta naporäi va'e Tüpä reroya e'ɨ̇sa pɨpe oyepepɨ va'erä ichui.

Hebreos 9:14

¡Cristo ruvɨ rumo vɨreko katu pirätäsa! Esepia Cristo Espíritu apɨre'ɨ̇ va'e pɨpe, oyemondo a'e ae Tüpä upe inungar mba'e seropove'ëprɨ nimaräi va'e, iyavei suvɨ yande pɨ'a ñemoñetasa moatɨrö opakatu yande rembiapoai manosave yande rereko va'e sui, a'ese yaikatura Tüpä oikove va'e upe mba'e apo uka agwä.

1 San Juan 4:15

Akoi ava oikwa va'e Jesús Tüpä Ra'ɨrɨ sekoise, Tüpä rese ite sekoi, Tüpä evokoiyase sekoi sese.

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.

1 San Juan 5:5

Akoi oyeroya va'e Jesucristo Tüpä Ra'ɨrɨ sekosa rese, a'e oikatu ko ɨvɨ pɨpendar mba'e-mba'e tëi rekopɨ agwä yuvɨreko.

Apocalipsis 7:2

Ipare asepia avei ambuae mbigwai ɨva pendar ou va'e arɨ sësa kotɨ sui, a'e vɨreko oyese Tüpä oikove va'e rer mondosa. Ko mbigwai ɨva pendar oñe'ë pirätä ambuae irugätu tuprɨ mbigwai ɨva pendar yuvɨrekoi va'e upe, oipɨsɨ va'e pirätäsa ɨvɨ, paragwasu momarä agwä yuvɨreko: