San Mateo 15:3 - Tüpä Ñe'ëngagwer

³ Jesús oporandu chupe: –¿Ma'erä vo evokoiyase ndapemboyeroyai Tüpä porokwaita, pegwata va'erä araka'endar arakwasa rupi tëi?

Tũpa Ñehengagüer

³ Jesús omboyevɨ aipo ehi chupe: —Pe no, ¡mahera ndapemboyeroyai Tũpa porocuaita pe ramoi aracahendar aracuasa rupi tẽi pe guata ãgua!

San Mateo 15:3 Iomraidhean Croise

San Mateo 15:2

–¿Ma'erä vo nde remimbo'e ndogwatai yande ramoi araka'endar arakwasa rupi yuvɨreko? ¿Ma'erä vo porokwaita mboavɨye e'ɨ̇sa pɨpe ndoyepoi okaru agwä renonde yuvɨreko yepi?

San Mateo 15:4

Esepia Tüpä aipo e'i: ‘Pemboyeroyara peyesupa iyavei pe sɨ’, iyavei ‘Iñe'ë marä va'e oyesupa iyavei osɨ upe, a'e osora manosave.’

San Marcos 7:13

Ko nungar apo pɨpe Tüpä porokwaita ndaperoyai esepia ndapepoi potai ava rekokwer araka'endar sui. Seta mba'e ko nungar peyapo vɨte.

Colosenses 2:23

Ko mba'e avɨye anga'u arakwasa supiete va'e, esepia seroyasar a'e e'iño oyeruresa upe, oyeekomomini tëi iyavei omombaraɨsu gwetekwer yuvɨreko viña, a'e arakwasa rumo egwë e'i tëi va'e, esepia ndayande pɨtɨ̇vɨï ete yande yepepɨ agwä yande remimbotarai sui.

Colosenses 2:8

Peikwa katu: peyembopa ukai rene araka'endar tëi ava arakwasa pɨpe, esepia a'e egwë e'i tëi va'e, ava suindar tëi yembo'esa, ɨvɨ pɨpendar ava seko ɨvate katu va'e pɨ'a ñemoñetasa tëi, nda'ei Cristo suindar porombo'esa.

Tito 1:14

iyavei tovɨroya eme ko judío oyesui tëi mba'e omombe'u va'e, iyavei ava porokwaita tëi a'e oyemboyere avei mba'e avɨye va'e sui yuvɨreko.