San Mateo 15:14 - Tüpä Ñe'ëngagwer

¹⁴ Egwë te'iño yuvɨreko, esepia evokoi ndasesapɨsoi va'e vɨrogwata ambuae ava ndasesapɨsoi va'e. Iyavei ñepëi ndasesapɨsoi va'e vɨrogwatase ambuae, ñuvɨrïo voi ovɨapira ɨvɨkwar pɨpe yuvɨraso.

Tũpa Ñehengagüer

¹⁴ Ẽgüe tehiño yuvɨreco. Esepia, evocoi inungar ndasesapɨsoi vahe vɨroguata ambuae ava ndasesapɨsoi vahe yuvɨreco. Ahe evocoiyase oyoya voira ovɨapi ɨvɨcuar pɨpe yuvɨraso —ehi.

San Mateo 15:14 Iomraidhean Croise

San Lucas 6:39

Ipare Jesús omombe'u ko porombo'esa: “¿Oikatu pi'ä ñepëi ndasesapɨsoi va'e ambuae ndasesapɨsoi va'e rerogwata? ¿Ndovɨapichira pi'ä ñuvɨrïo voi ɨvɨkwar pɨpe yuvɨreko viña?

San Juan 9:39

Ipare Jesús aipo e'i chupe: –Che ayu ko ɨvɨ pɨpe mba'e supi tuprɨ va'e apo agwä, ava ndasesapɨsoi va'e oma'e tuprɨra iyavei sesapɨso va'e oyevɨra tesapɨso e'ɨ̇sa pɨpe yuvɨreko.

1 Timoteo 6:5

iyavei iporoakasa ndopai va'e ava yarakwarai va'e pa'üve, ndoikwai rumo mba'e supi tuprɨ va'e yuvɨreko, ipɨ'añemoñeta Tüpä rese oma'endu'asa pɨpe mba'e rereko atɨ agwä yuvɨreko viña.

2 San Pedro 2:1

Yuvɨrekove rumo araka'e porombo'esar oporombopa tëi va'e Israel ɨvɨ rupi; oime aveira ni'ä pe pa'üve ko nungar oporombopa tëi va'e yuvɨreko. A'e ñemisa pɨpe oporombo'era kokotɨ tëi va'e ava reko momarä tëi agwä, evokoiya gweko pɨpe rumo ndoikwai yande Yar opɨsɨrösar; ko rumo gwekokwer momba pɨ'aivi agwä tëi egwë e'ira yuvɨreko.

2 San Pedro 2:17

Ko ava oporombo'e va'e inungar ɨvɨkwar ipiru va'e, ɨva kɨ'a ɨvɨtu remimombo nungar tëi avei; apɨre'ɨ̇ va'e ite imombopɨrä yuvɨreko pɨ̇tümimbi katu va'esave narä.

Apocalipsis 19:20

Ko mba'e ɨpɨ vai yɨpɨndar va'e sokendasa, oyoya evokoi Tüpä ñe'ë mombe'usar anga'u tëi va'e rese, a'e akoi oyapo va'e mba'e yavairai va'e yɨpɨndar mba'e ɨpɨ vai rovake. Evokoi mba'e yavairai va'e apo pɨpe ombopa-mbopa tëi ava, akoi seroyasar vɨreko va'e mba'e ɨpɨ vai rer oyese iyavei omboetei va'e sa'anga yuvɨreko. Evokoiyase ko mba'e ɨpɨ vai iyavei Tüpä ñe'ë mombe'usar anga'u tëi, opa imombosa sekove reseve ɨpa azufre okai va'e pɨpe yuvɨreko.

Apocalipsis 22:15

Ava re'ɨi ndiporeroyai va'e rumo opɨtapara okarve tëi yuvɨreko, iyavei ava ipaye serai va'e, oyemboagwasa-gwasa tëi va'e, oporoyuka va'e, mba'e ra'anga upe tëi oyerure va'e, iyavei opakatu ava oipotarai va'e oporombopa-mbopa tëi agwä yepi.”